Maremagnum/Corbis Documentary via Getty Images
ẸKÛTIE KE NDUE-IDEM!
Ndi Armageddon Editọn̄ọ ke Israel?—Se Bible Etịn̄de
Bible idọhọke ke Armageddon edi ekọn̄ emi edin̄wanade ke ndusụk itie ke ererimbot, edi ọdọhọ ke edi ekọn̄ emi Abasi edin̄wanade ye ukara ke ofụri ererimbot.
“Mmọ ẹdi spirit mme demon . . . ndien mmọ ẹwọn̄ọ ẹka ke ọtọ ndidem ofụri isọn̄, man ẹketan̄ mmọ ẹbon ọtọkiet ẹnọ ekọn̄ akwa usen Abasi Ata Ọkpọsọn̄. . . . Ẹtan̄ mmọ ẹbon ọtọkiet ke ebiet emi ẹkotde ke usem Hebrew, ete, Har–Magedon.”—Ediyarade 16:14, 16.
Ẹda ikọ oro “Armageddon” ẹto ikọ Hebrew emi Har Meghid·dohnʹ, emi ọwọrọde “Obot Megiddo.” Megiddo ekedi obio emi okodude ke Israel eset. Oro anam ndusụk owo ẹkere ke ẹdin̄wana Armageddon ke Israel. Se idude edi ke obio Megiddo m̀mê ofụri obio emi odude ke Middle East ikponke ikem “ndidem ofụri isọn̄” ye udịmekọn̄ mmọ.
Ẹkewet n̄wed Ediyarade nte “idiọn̄ọ,” m̀mê ke usem emi adade aban̄a n̄kpọ. (Ediyarade 1:1) Armageddon idaha iban̄a ata ata itie, edi etịn̄ aban̄a nte n̄kpọ editiede ke ofụri ererimbot, ke ini ukara ofụri ererimbot edidahade ida ndin̄wana ye Abasi.—Ediyarade 19:11-16, 19-21.