Nyene Uko Nam Nnennen N̄kpọ Idem ke Ini Mbon En̄wen Mîdaha ye Afo

Kot Jeremiah 38:1-13 man okụt nte prọfet Jeremiah ye Ebed-melech emi ekedide eunuch ẹkewụtde ke imenyene uko.

Nen̄ede kere nsio nsio n̄kpọ emi ẹketịbede ke mbụk oro. Didie ke Jeremiah okowụt ke imenyene uko nte enye osụk atan̄ade etop Jehovah? (Jer. 27:12-14; 28:15-17; 37:6-10) Etop esie oro akanam mme owo ẹnam nso?​—Jer. 37:15, 16.

Nen̄ede kere mme n̄kpatan̄a n̄kpọ ke mbụk oro. Mme owo ẹkeyom Jeremiah anam nso? (jr 26-27 ¶20-22) Yom usụn̄ diọn̄ọ n̄kpọ ban̄a mme obube udọn̄ mmọn̄ emi ẹkedude ke eset. (it-1 471) Ekeme ndidi eketie Jeremiah didie ke idem ini enye esịnede ke obube udọn̄ mmọn̄ emi eketiede okpụk okpụk? Ekeme ndidi nso ikanam ndịk anam Ebed-melech?​—w12 5/1 31 ¶2-3.

Kere mme n̄kpọ emi ekpepde oto mbụk oro. Bụp idemfo:

• ‘Nso ke mbụk emi ekpep mi aban̄a nte Jehovah esikpemede mme asan̄a-utom esie emi ẹsọn̄ọde ẹda ye enye?’ (Ps. 97:10; Jer. 39:15-18)

• ‘Nso ye nso ikeme nditịbe emi oyomde n̄wụt ke mmenyene uko?’

• ‘Nso ke n̄keme ndinam man ntetịm nnyene uko nnam nnennen n̄kpọ idem ke ini mbon en̄wen mîdaha ye ami?’ (w11 3/1 30)a