Se Inamde Nwed Du Ata Uwem ke Nsinsi! Enem Ndida N̄kpep Owo Bible

Ndi amama mme vidio ye mme mbụme oro ẹdọn̄ọde ke n̄wed Du Ata Uwem ke Nsinsi!? Nso kaban̄a “Ndusụk Owo Ẹsidọhọ Ẹte,” “Se Afo Edinamde,” ye “Kpep N̄kpọ En̄wen”? Nso en̄wen isin̄wam fi ke ini adade n̄wed emi ekpep owo Bible?​—Mt 28:19, 20.

Se Ẹdọn̄de: Edieke emekde ndikama n̄wed Du Ata Uwem ke Nsinsi! oro ẹmịn̄de-mịn̄ n̄kpep owo Bible, edinam didie inyene kpukpru vidio, ikwọ ye mme n̄kpọ eken oro ẹdọn̄de? Kụbọde n̄wed emi ke fon m̀mê ke kọmputa fo, ndien fịk ikpehe kiet ke otu ikpehe inan̄ oro ẹdude do. Ka utịt utịt ikpehe oro kefịk kpukpru se isan̄ade ye ikpehe oro. (Se ndise 1.)

Nte Edisan̄ade Inyene “Printed Edition”: Edieke akamade fon m̀mê kọmputa ekpep owo n̄wed emi, ọfọn anam enye ọwọrọ nte ata n̄wed. Emekeme ndinam enye ọwọrọ nte ata n̄wed ini ekededi oro amade. Nte osụk ekpepde n̄wed oro aka, fịk ntọi ita oro ẹdude ke enyọn̄ n̄wed oro ke fon m̀mê kọmputa fo nyụn̄ fịk “Printed Edition.” Ama anam enye etie nte ata n̄wed, emi ayanam okụt ibuotikọ ukpepn̄kpọ oro ẹnemede onyụn̄ ekere nte enye asan̄ade n̄kpọ ye se ẹnemede. Edieke oyomde ndinam enye afiak etie nte eke fon m̀mê kọmputa, fiak fịk ntọi ita oro ke fon m̀mê kọmputa fo, nyụn̄ fịk “Digital Edition.”

“Ndi Mmeben̄e Idem?”: Ekebe emi odude ke utịt utịt n̄wed emi etịn̄ se idinamde owo odot nditiene esop n̄kwọrọ ikọ ye se idinamde owo odot ndina baptism. (Se ndise 2.)

Se Ẹwetde Ẹdian: Se ẹwetde ẹdian esinam ndusụk ibuotikọ enen̄ede an̄wan̄a. Edieke ọkụbọrede n̄wed emi ke fon m̀mê ke kọmputa fo, ke utịt se ẹwetde ẹdian oyokụt ebiet emi edifịkde man afiak emen fi aka ukpepn̄kpọ oro okodude. (Se ndise 2.)