Da Vidio Kpep Nditọ Ukpepn̄kpọ Fo N̄kpọ

Edieke owo okụtde n̄kpọ emi ẹkpepde enye, oro ekeme ndinam enye enen̄ede akpan̄ utọn̄, anam se ẹkpepde an̄wan̄a enye, onyụn̄ anam enye eti se enye ekpepde. Jehovah emi edide Akwa Anditeme nnyịn ama akam ada mme n̄kpọ oro ẹkụtde ke enyịn ekpep mme owo akpan n̄kpọ. (Ge 15:5; Jer 18:1-6) Jesus emi ekedide Akwa Andikpep ama anam emi n̄ko. (Mt 18:2-6; 22:19-21) Vidio edi kiet ke otu mme n̄kpọ emi ẹsinamde owo okụt se ẹkpepde enye. Ndi emesiwụt nditọ ukpepn̄kpọ fo vidio ke ini ekpepde mmọ n̄kpọ?

Esop Abasi ẹsio vidio duop oro ikemede ndiwụt mme owo ke ini ikpepde mmọ Eti Mbụk Emi Otode Abasi! Ibuotikọ ndusụk vidio emi ẹdi ukem ye kiet ke otu mbụme oro ẹwetde ke ndodobi ubọkn̄wed ke ekpri n̄wed emi. Edieke okụbọrede Eti Mbụk Emi Otode Abasi! ke jw.org, oyokụt ke ẹsịn mme vidio emi ke nsio nsio ibuotikọ man ọfiọk ini emi ekpebrede mmọ. N̄ko, imenyene mme vidio en̄wen emi ẹban̄ade se isịnede ke nsio nsio n̄wed oro ẹdude ke Mme Akpan N̄kpọutom Nnyịn.

Edieke ekpepde eyen ukpepn̄kpọ fo n̄kpọ emi mîsọpke in̄wan̄a enye, mîdịghe edieke enyenede akpan n̄kpọ emi afịnade enye, ka jw.org® m̀mê TV Mme Ntiense Jehovah® kosio vidio emi edin̄wamde enye. Emekeme nditie ye enye nse vidio oro, ekem eneme ye enye.

Ẹsisio mbufa vidio kpukpru ọfiọn̄. Ke ini esede vidio emi, kere nte akpadade enye ekpep owo n̄kpọ.