Nso ke Afo Ekeme Ndikpep Nto Nditọete Oro Ẹma Ẹkenam N̄kpọ Abasi ke Ediwak Isua?

Nditọete oro ẹma ẹkenam n̄kpọ Jehovah ẹbịghi ẹdu ke ediwak esop. Imekeme ndikpep n̄kpọ nto nte mmọ ẹsọn̄ọde ẹda ẹnam n̄kpọ Jehovah. Imekeme ndibụp mmọ mban̄a nsio nsio n̄kpọ oro ẹtịbede ke esop Jehovah ke mme isua emi ebede, ibụp mmọ mme mfịna oro mmọ ẹkenyenede, ye nte Jehovah akan̄wamde mmọ. Imakam ikeme ndikot eyenete oro ama ọkọsọn̄ editiene odụk Utuakibuot Ubon nnyịn inyụn̄ idọhọ enye obụk ifiọkutom ọnọ nnyịn.

Ekpedi omodu ke esop Abasi ebịghi, mbọk nyịme ndisitịn̄ nte Jehovah akan̄wamde fi nọ nditọete eken. Jacob ye Joseph ẹma ẹsitịn̄ nte Jehovah akan̄wamde mmọ ẹnọ ubon mmọ. (Ge 48:21, 22; 50:24, 25) Nte ini akakade, Jehovah ama ọdọhọ ibuotufọk ẹsikpep nditọ mmọ ẹban̄a mme utịbe utom esie. (De 4:9, 10; Ps 78:4-7) Mfịn, mme ete ye eka ye nditọete eken ke esop ẹkeme nditịn̄ nti n̄kpọ oro mmọ ẹkụtde nte Jehovah adade esop esie anam, nnọ mbon en̄wen.

ẸSE VIDIO ORO NDIKA ISO NDIANA KIET KE INI ẸKPANDE UTOM NNYỊN, EKEM ẸBỌRỌ MME MBỤME EMI:

• Didie ke n̄kọk itieutom Austria ẹken̄wam nditọete ke mme idụt oro ukara ẹkekpande utom nnyịn?

• Nso ke nditọete ke mme idụt oro ẹkenam man ẹka iso ẹkpere Jehovah?

• Ntak emi ediwak nditọete ke Romania ẹkedian̄arede ẹkpọn̄ esop Jehovah, ndien nso ke ẹkenam man mmọ ẹfiak ẹdi?

• Didie ke mbụk oro ọsọn̄ọ fi idem?