Ndutịm Urua June 1

Ikwọ 13 ye Akam

Ukpepn̄kpọ Bible Esop:

cl ib. 25 ¶9-16 (min. 30)

Ufọkn̄wed Utom Ukara Abasi:

Edikot Bible: 2 Samuel 16-18 (min. 8)

Akpa Utịn̄ikọ: 2 Samuel 17:14-20 (min. 3 m̀mê osụhọrede akan oro)

Udiana Utịn̄ikọ: Mme Owo ke Bible Emi Ẹkenen̄erede Ẹsụhọde Idem (min. 5)

Utịn̄ikọ Ọyọhọ 3: Akpakama Didie Se Enyenede?—igw p. 21 ¶1-4 (min. 5)

Esoputom:

Ibuotikọ Ọfiọn̄ Emi: N̄wam kpukpru orụk owo ẹnyene nnennen ifiọk akpanikọ.—1 Tim. 2:3, 4.

Ikwọ 36

Min. 10: Nọ Magazine ke June. Nneme. Dọhọ ẹda mme usụn̄ unyene nneme ke page 4 ẹnam ẹwụt nte ẹkpenọde owo Enyọn̄-Ukpeme ye Ẹdemede! Ekem neme mme akpan n̄kpọ emi ẹdude ke uwụtn̄kpọ mbiba oro ẹnọde ke page oro.

Min. 10: Da N̄wedikot N̄wam Mme Owo. Nneme. Ẹma ẹtịn̄ ke leta eke November 27, 2014, emi ẹkenọde ẹsọk kpukpru esop, ke imenyene obufa n̄wedikot oro idisidade ikot mme owo man mmọ ẹdidụk “mbono esop ofụri owo mîdịghe inọ mmọ ite ẹtịn̄ m̀mê imoyom ẹnọ owo esidi edikpep mmọ Bible.” Oyokụt “ndise mbono esop ye enye emi ẹwụtde nte ẹkpepde owo Bible” ke obufa n̄wedikot oro. Edide esop mbufo ẹnyene n̄wedikot oro m̀mê inyeneke, neme ufọn oro idinyenede edieke idade n̄wedikot emi ikwọrọ ikọ inyụn̄ idade enye ikọt mbon oro ẹmade utom ukwọrọikọ nnyịn ẹdidụk mbono esop nnyịn. (km 12/05 p. 4) Bụp mme mbụme emi: (1) Ndi emenyene edinem ifiọkutom emi aban̄ade nte ọkọnọde owo n̄wedikot emi? (2) Didie ke ikeme ndida enye nnam mme owo ẹdiọn̄ọ nnyịn nyụn̄ nda ntọn̄ọ nneme ke ini ikwọrọde ikọ ke ufọk ke ufọk? (3) Didie ke ikeme ndida enye n̄wụt nte isikpepde mme owo Bible nnyụn̄ nnam ọdọn̄ mmọ nditiene n̄kpep Bible? (4) Didie ke mme ete ye eka ẹkeme ndinam nditọ mmọ ẹtiene ẹnọ mme owo n̄wedikot emi ke ini ẹkade ukwọrọikọ? (5) Didie ke mme asuanetop oro ẹsidade leta ẹkwọrọ ikọ ẹkeme ndida n̄wedikot emi n̄kot mme owo ẹdidụk mbono esop? (6) Didie ke afo esida n̄wedikot emi okot nditọ ukpepn̄kpọ Bible fo ye mbon eken oro ẹmade nnyịn ẹdi ẹdidụk mbono esop? Dọhọ kpukpru owo ẹnọ mme owo n̄wedikot emi ini ekededi, idịghe ke ini ẹkade ukwọrọikọ kpọt, nyụn̄ dọhọ mmọ ẹwet ibat n̄wedikot oro mmọ ẹnọde ukem nte ẹsinamde ye tract.

Min. 10: Nnyịn Ikanam Didie? Nneme. Dọhọ mme asuanetop ẹtịn̄ nte mmọ ẹkebọde ufọn ke ndinam se ẹkenemede ke ibuotikọ oro, “Se Idin̄wamde Nnyịn Idi Nti Mme Ọkwọrọikọ—Kwọrọ Ikọ Nọ Mbon Emi Ẹsemde Usem En̄wen.” Dọhọ mmọ ẹtịn̄ nti ifiọkutom emi mmọ ẹkenyenede.

Ikwọ 25 ye Akam