Ndutịm Urua December 22

Ikwọ 15 ye Akam

Ukpepn̄kpọ Bible Esop:

jr ib. 15 ¶13-20 (min. 30)

Ufọkn̄wed Utom Ukara Abasi:

Edikot Bible: Joshua 9-11 (min. 10)

Akpa Utịn̄ikọ: Joshua 9:16-27 (min. 4 m̀mê osụhọrede akan oro)

Udiana Utịn̄ikọ: Ebe Ikpayakke N̄wan Esie Akpan Enye Ndinam N̄kpọ Abasi—td 39C (min. 5)

Utịn̄ikọ Ọyọhọ 3: Mme Ufan Nnyịn Ẹkpenyene Ndima Abasi—lr ib. 44 (min. 5)

Esoputom:

Ibuotikọ Ọfiọn̄ Emi: Sion̄o “nti n̄kpọ” oro ẹkenọde nnyịn nọ mme owo.—Matt. 12:35a.

Ikwọ 119

Min. 10: Idikpep N̄wed San̄a Kpere Jehovah. Nneme. Ọtọn̄ọde ke December 29, 2014, idikpep n̄wed emi nditọete nnyịn ke ofụri ererimbot ẹkpepde ke Ukpepn̄kpọ Bible Esop. Emi ọwọrọ ke idisikpep n̄wed emi esop Ikọmbakara ẹkpepde edieke inyenede. Ntre, ọtọn̄ọde ke December 29, 2014, esop Ikọ Efịk ẹdikpep n̄wed San̄a Kpere Jehovah ke Ukpepn̄kpọ Bible Esop.

Iditọn̄ọ ke ibuot 18, ikpehe ekikere 1-8. Mbọk ẹmekeme ndikpep ibuot 1 esim 17 ke ini utuakibuot ubon m̀mê ke ini ukpepn̄kpọ idem mbufo. Iyesidọn̄ ndutịm ukpepn̄kpọ emi ke Utom Obio Ubọn̄ Nnyịn nte isinamde. Imesịn eke Urua Ọtọn̄ọde December 29, 2014, ke Utom Obio Ubọn̄ Nnyịn emi. Ti ke cl ada ọnọ San̄a Kpere Jehovah.

Nte Edikpepde N̄wed Emi: Eyenete emi edinịmde ukpepn̄kpọ emi eyetịn̄ ikọ ifan̄ ndida ntọn̄ọ. Owo isiakke itie Bible oro ẹkpekotde, ntre enye edibiere itie Bible oro ẹdikotde. Ke utịt ukpepn̄kpọ, enye ekeme ndibụp mbụme kiet m̀mê iba man eti mme owo se ẹkpepde. Edieke “Mme Mbụme Nditie N̄kere” esịnede ke ukpepn̄kpọ urua oro, mme mbụme oro ke enye edibụp ke utịt ukpepn̄kpọ. Edieke ini odude, enye ekeme ndidọhọ ẹkot ndusụk itie Bible ke ekebe oro, onyụn̄ obụp mbụme ifan̄.

Tiene Buana: Idem ekpededi ama ekpekpep n̄wed emi, fiak kpep mbemiso edide mbono esop. Tiene bọrọ mbụme sia emi ọyọnọ Jehovah ubọn̄, anam fi eti se ẹkpepde, onyụn̄ an̄wam kpukpru owo. (Ps. 35:18; Heb. 10:24, 25) Afo eyenen̄ede asan̄a ekpere Jehovah edieke etiede ekere mme edu esie. (Ps. 77:11-13) Emi n̄ko ayanam fi enen̄ede ebiere ndikop uyo esie, oyonyụn̄ ọdọn̄ fi ndinam mme owo ẹdiọn̄ọ enye.—Ps. 150:1-6.

Min. 20: “Ufọkn̄wed Utom Ukara Abasi Eke 2015 Ayan̄wam Nnyịn Ikpep Mme Owo N̄kpọ Enen̄ede Ọfọn.” Nneme emi esenyịn Ufọkn̄wed Utom Ukara Abasi edisede aban̄a. Emekeme ndidọhọ ẹkot ndusụk ikpehe ekikere mbemiso enemede. Tịn̄ ukpụhọde oro ẹnamde ke Akpa Utịn̄ikọ, ke Mme Akpan N̄kpọ Oro Ẹtode Edikot Bible, ye ke item oro esenyịn ufọkn̄wed edinọde. Dọhọ ẹkot ikpehe ekikere 7, ndien ke ẹma ẹkeneme enye ẹma, dọhọ ebiowo anam owụt nte enye adade ekpri n̄wed Se Isịnede ke N̄wed Abasi, page 14, enịm ukpepn̄kpọ ubon ye n̄wan ye eyen esie. Dọhọ kpukpru owo ẹnam nti n̄kpọ emi esop Abasi ẹkpepde nnyịn ke ufọkn̄wed emi, ẹkot ẹnyụn̄ ẹnam se idude ke n̄wed Bọ Ufọn to Ukpepn̄kpọ Ufọkn̄wed Utom Ukara Abasi.

Ikwọ 117 ye Akam