Da Editọn̄ọ Ukpepn̄kpọ Bible ke Akpa Saturday ke Akpan N̄kpọ

Ọtọn̄ọde ke May 2011, ẹma ẹsịn udọn̄ ẹnọ mme asuanetop ẹte ẹdomo nditọn̄ọ ukpepn̄kpọ Bible ke akpa Saturday ke kpukpru ọfiọn̄. Man ikeme ndinam emi, ẹsịn ibuotikọ oro ọdọhọde “Mme Mbụme Bible Oro Ẹbọrọde” ke Enyọn̄-Ukpeme eke nsiondi ofụri owo ẹnọ nnyịn. Ntem ke mbono an̄wautom oro ẹsinịmde ke akpa Saturday ẹkpenyene nditịn̄ nte ẹkpedade ibuotikọ emi ẹtọn̄ọ ukpepn̄kpọ Bible, ẹnyụn̄ ẹnanam ẹwụt n̄ko.

Mbiowo ẹkeme ndibiere ẹte otu an̄wautom kiet kiet ẹsop idem nsio nsio ke akpa Saturday, mîdịghe ẹbiere ẹte kpukpru otu ẹsop idem ọtọkiet ekpedi ke Ufọkmbono Obio Ubọn̄. Edi, ọkpọkọm ediwak esop ẹsinịm mbono esop ke Ufọkmbono Obio Ubọn̄ oro, esop ndomokiet ikposioho akpan usen oro ẹkpedade ẹtọn̄ọ ukpepn̄kpọ Bible mi inịm usen en̄wen ke ntak emi mmọ ẹyomde kpukpru otu ẹsop idem ọtọkiet ẹnịm mbono an̄wautom.