Ndụn̄ọde Ufọkn̄wed Utom Ukara Abasi

Ẹdineme mme mbụme oro ẹtienede mi ke Ufọkn̄wed Utom Ukara Abasi ke urua ọtọn̄ọde August 26, 2013. Ẹsịn usenọfiọn̄ oro ẹdinemede akpan n̄kpọ kiet kiet man ẹkeme ndinam ndụn̄ọde ke ini ẹtịmde idem ẹnọ Ufọkn̄wed Utom Ukara Abasi kpukpru urua.

1. Nso akpan n̄kpọ ke ikeme ndikpep nto Edidem Herod emi ọkọbọde itoro ye ubọn̄ oto mme owo ke ini enye mîkpọbọhọ? (Utom 12:21-23) [July 1, w08 5/15 p. 32 ikp. eki. 7]

2. Didie ke mme uyen Christian ẹdibọ ufọn ke mmọ nditie n̄kere mban̄a nnyụn̄ n̄kpebe uwụtn̄kpọ Timothy? (Utom 16:1, 2) [July 8, w08 5/15 p. 32 ikp. eki. 10]

3. Ke Aquila ye Priscilla ẹma ẹkekop nte Apollos ‘etịn̄de ikọ uko uko’ ke synagogue ke Ephesus, didie ke mmọ ẹken̄wam enye? (Utom 18:24-26) [July 15, w10 6/15 p. 11 ikp. eki. 4]

4. Ewe ntak N̄wed Abasi ke Mme Ntiense Jehovah ẹnyene ndika esopikpe kaban̄a unen oro mmọ ẹnyenede ndikwọrọ ikọ? (Utom 25:10-12) [July 22, bt p. 198 ikp. eki. 6]

5. Didie ke apostle Paul akaka iso oyom ifet ndinọ ikọ ntiense idem ke ini enye odude ke ufọk-n̄kpọkọbi ke Rome, ndien didie ke mme asan̄autom Jehovah ẹkpebe enye mfịn? (Utom 28:17, 23, 30, 31) [July 29, bt p. 216-217 ikp. eki. 19-23]

6. Nso ke Bible etịn̄ aban̄a idan̄ ukemuduot? (Rome 1:26, 27) [Aug. 5, yp1 ib. 23 ikp. eki. 5; w00 6/1 p. 6 ikp. eki. 4]

7. Didie ke “ufak oro Christ Jesus ekekpede” ke isua 33 E.N. ekeme ndifụk “mme idiọkn̄kpọ emi ẹkenamde ke ini edem” mbemiso ẹkekpede ufak oro? (Rome 3:24, 25) [Aug. 5, w08 6/15 p. 29 ikp. eki. 6]

8. Nso ke Jehovah anam man an̄wam nnyịn ke ini isobode afanikọn̄ tutu nnyịn ifiọkke akpan n̄kpọ emi ikpọbọn̄de akam iben̄e? (Rome 8:26, 27) [Aug. 12, w08 6/15 p. 30 ikp. eki. 10]

9. Nso ke “ndikama isenowo” ọwọrọ? (Rome 12:13) [Aug. 19, w09 10/15 p. 5-6 ikp. eki. 12-13]

10. Didie ke ‘idimen Ọbọn̄ Jesus Christ isịne’ nte Paul ọkọdọhọde? (Rome 13:14) [Aug. 26, w05 1/1 p. 11-12 ikp. eki. 20-22]