Se Ẹkpetịn̄de Ẹban̄a Mme Magazine

Enyọn̄-Ukpeme June 1

“Ediwak owo ẹsidụn̄ọde ntantaọfiọn̄ mmọ kan̄a mbemiso ẹnamde ubiere ekededi. Ndi emekere ke mme ntantaọfiọn̄ ẹkara uwem nnyịn? [Bet ibọrọ.] Bible akam etịn̄ aban̄a otu ntantaọfiọn̄ ke ikpaenyọn̄. [Kot 2 Ndidem 23:5.] Ibuotikọ emi eneme se Bible etịn̄de aban̄a ntantaọfiọn̄.” Wụt ibuotikọ emi ọtọn̄ọde ke page 18.

Awake! June

“Ufọkabasi esiwak ndibọ mme owo okụk mbemiso ẹnịmde owo baptism, ẹdiande owo ke ndọ, ẹnyụn̄ ẹbụkde owo. Ndi emekere ke se mmọ ẹnamde emi enen? [Bet ibọrọ.] Kop item emi Jesus ọkọnọde mme mbet esie mi. [Kot Matthew 10:7, 8b.] Ibuotikọ emi owụt se Bible etịn̄de aban̄a edibọ owo okụk mbemiso ẹnamde mme edinam ufọkabasi.” Wụt ibuotikọ emi ọtọn̄ọde ke page 22.

Enyọn̄-Ukpeme July 1

“Ediwak owo ẹdọhọ ke Ata Ọkpọsọn̄ onyụn̄ edi Abasi. Edi ndi ọmọfiọk ke Bible asian nnyịn enyịn̄ Abasi? [Bet ibọrọ. Ekem kot Isaiah 42:8a.] Magazine emi etịn̄ ntak emi ẹsiode enyịn̄ Abasi ẹfep ke ndusụk Bible onyụn̄ etịn̄ se ndifiọk enyịn̄ Abasi ọwọrọde.”

Awake! July

“Nsọn̄ọn̄kpọ anam mme owo ẹnen̄ede ẹkop editịmede esịt. Mbon oro ẹsiode ke utom ikopke inemesịt, ndien mbon oro ẹsụk ẹnamde utom ẹsikere m̀mê ẹyesio mmimọ ke utom. Ndi emekere ke item emi ekeme ndin̄wam nnyịn iyọ? [Kot Matthew 6:34. Ekem bet ibọrọ.] Magazine emi etịn̄ nte ikpadade okụk nnyịn inam n̄kpọ ọniọn̄ ọniọn̄ ye nte ikpọyọde ke idaha ekededi.”