Ndutịm Urua June 28
URUA ỌTỌN̄ỌDE JUNE 28
□ Ukpepn̄kpọ Bible Esop:
□ Ufọkn̄wed Utom Ukara Abasi:
Edikot Bible: 1 Ndidem 3-6
Ndụn̄ọde Ufọkn̄wed Utom Ukara Abasi
□ Esoputom:
Min. 5: Mme Ntọt.
Min. 15: Ben̄e Idem Ndinọ Mme Magazine ke July. Nneme otuowo. Da minit kiet m̀mê iba tịn̄ se idude ke mme magazine oro. Ekem mek ibuotikọ iba m̀mê ita, nyụn̄ dọhọ otuowo ẹsiak mbụme oro ẹkpebụpde ye itie N̄wed Abasi oro ẹkpekotde. Dọhọ ẹnam ẹwụt nte ẹkpenọde nsiondi kiet kiet. Beri ke ndidọhọ ẹnam n̄ko ẹwụt nte ẹkpetọn̄ọde ukpepn̄kpọ Bible ke ini ẹnamde mfiakn̄ka.—Se km 8/07 p. 3.
Min. 15: Ẹkekpep Toto ke Nsek. Nneme otuowo. Ẹma ẹfiọk Timothy nte owo emi ẹkesisịnde ifịk ọkwọrọ eti mbụk onyụn̄ enyenede usọ. (Phil. 2:20-22) Eka esie ye eka eka esie ndikekpep enye Ikọ Abasi toto ke nsek ama etịp esịn n̄ko ke n̄kọri emi. (2 Tim. 1:5; 3:15) Mme ekikere N̄wed Abasi oro ẹtienede mi ẹkeme ndin̄wam mme ete ye eka ẹkpep nditọ mmọ ndidi nti mme ọkwọrọ eti mbụk. (1) Babak da eyen fo ka ukwọrọikọ, kpep enye anam se enye ekemede ndinam ke idaha isua emana esie. (N̄ke 22:6) (2) Nịm eti uwụtn̄kpọ ke ndinam utom ukwọrọikọ edi ebeiso n̄kpọ. (Phil. 1:9, 10) (3) Da ini Utuakibuot Ubon ye ke mme ini en̄wen nam mmọ ẹma ẹnyụn̄ ẹwụt esịtekọm ẹban̄a utom ukwọrọikọ. (Deut. 6:6, 7) (4) Yak se afo anamde ye se afo etịn̄de owụt ke amama utom ukwọrọikọ. (Phil. 3:8; 4:8; 1 Tim. 1:12) (5) Ẹsan̄a nte ubon ẹwọrọ an̄wautom kpukpru ini, ẹnam emi edi ido mbufo. (Utom 5:41, 42) (6) Dụk ndụk ye mbon oro ẹsikwọrọde ikọ ifịk ifịk. (N̄ke 13:20) Dọhọ otuowo ẹtịn̄ mme akpan n̄kpọ oro ete ye eka mmọ ẹkenamde ndin̄wam mmọ ẹma ẹnyụn̄ ẹkụt unen ke utom ukwọrọikọ.