Ndutịm Esoputom

Urua Ọtọn̄ọde August 11

Ikwọ 63

Min. 10: Mme ntọt n̄kann̄kụk. Dọhọ otuowo ẹtịn̄ n̄kpọ ẹban̄a mme ibuotikọ oro mme owo ke efakutom mbufo ẹmade ke mme magazine ndondo emi. Dọhọ mmọ ẹtịn̄ mme akpan n̄kpọ emi ẹtode mme ibuotikọ oro mmọ ẹduakde ndineme. Ewe mbụme ke ẹkeme ndida ntọn̄ọ nneme? Itie N̄wed Abasi ewe ke ibuotikọ oro ke ẹkeme ndikot? Diomi man ẹda mme ekikere oro ẹnọde ẹnam ẹwụt nte ẹkpenọde mme magazine emi.

Min. 15: Mme Asan̄autom Oro N̄kpọ Mîtịmekede. Utịn̄ikọ emi ọkọn̄ọde ke Enyọn̄-Ukpeme eke March 1, 1998, page 30, ikpehe ekikere 4-6.

Min. 20: “Nte Afo ke Ada Enye Anam N̄kpọ Ọyọhọ Ọyọhọ?”a Nam ndụn̄ọde ye asuanetop oro akadade kiet ke otu mbufa ikpehe emi ẹdude ke nsiondi Enyọn̄-Ukpeme eke ofụri owo anam n̄kpọ ke an̄wautom. Emekeme ndidọhọ enye anam se iketịbede owụt. N̄ko, dọhọ ẹda se ẹnemede ke ikpehe ekikere 2 ẹnam ẹwụt nte ẹkemede ndida ikpehe oro “Se Ikpepde Ito Jesus” ke Enyọn̄-Ukpeme eke August 1 ntọn̄ọ ukpepn̄kpọ Bible.

Ikwọ 26

Urua Ọtọn̄ọde August 18

Ikwọ 135

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Ti mme asuanetop ndinọ ibatutom an̄wautom eke ufọt ọfiọn̄ August. Ti otuowo ete ẹkama Enyọn̄-Ukpeme eke September 1 ye Awake! eke September ẹdi Esoputom urua en̄wen nyụn̄ dọhọ mmọ ẹtịm idem man ẹkpeneme nte ẹkpenọde mme magazine emi ke efakutom mbufo.

Min. 20: Usịnen̄kpọ ye Ukamaidem Nnyịn Ẹsinọ Jehovah Ubọn̄. Utịn̄ikọ emi ebiowo ọnọde. Sia Jehovah edide edisana Abasi, usanaidem edi ata akpan n̄kpọ ke otu ikọt esie. (Ex. 30:17-21; 40:30-32) Nnyịn ndinịm eti uwụtn̄kpọ ke usịnen̄kpọ ye ukamaidem, akpan akpan ke an̄wautom, eyenem Jehovah esịt onyụn̄ ọnọ enye ubọn̄. (1 Pet. 2:12) Ke n̄kan̄ eken, nditre ndinam emi ekeme ndinam ‘ẹtịn̄ ikọ isụn̄i ẹdian ikọ Abasi.’ (Titus 2:5) Bụk ifiọkutom emi otode n̄kann̄kụk mbufo m̀mê enye oro esịnede ke n̄wed nnyịn, emi owụtde nte asuanetop ndikama idem nte ọfọnde akanamde enye ekeme ndinọ ikọ ntiense.

Min. 15: Mme Uyen Emi Ẹnọde Okopodudu Ikọ Ntiense. Utịn̄ikọ emi ẹsịnde udọn̄ ẹnọ mme ete ye eka ye nditọ mmọ emi ẹdifiakde ẹtọn̄ọ ufọkn̄wed ke mîbịghike. Ti mme uyen ete ẹda mme ifet emi ẹbererede ẹnọ ikọ ntiense. Nte ini ayakde, dọhọ otuowo ẹtịn̄ nte mmọ ẹkenọde ikọ ntiense ke ini mmọ ẹkedude ke ufọkn̄wed.

Ikwọ 61

Urua Ọtọn̄ọde August 25

Ikwọ 24

Min. 10: Mme ntọt n̄kann̄kụk. Kot ntọt ibatokụk ye ikọ ekọm kaban̄a etịbe ẹkenọde.

Min. 20: “San̄asan̄a Mbono Ọnọ Jehovah Ubọn̄.”b Sọn̄ọ tịn̄ ufọn emi odude ke kpukpru owo ndibere ye ndutịm emi esop Abasi anamde ọnọ san̄asan̄a mbono.

Min. 15: Ben̄e Idem Ndinọ Enyọn̄-Ukpeme September 1 ye Awake! eke September. Nneme otuowo. Tịn̄ n̄kpọ ibio ibio ban̄a mme magazine emi, nyụn̄ bụp otuowo m̀mê mme ibuotikọ ewe ke mme owo ẹkeme ndima ke efakutom mbufo. Mbụme ye itie N̄wed Abasi ewe ke ẹkeme ndida ntọn̄ọ nneme? Nam wụt nte ẹkemede ndida usụn̄ unyene nneme oro ẹnọde ke Utom Obio Ubọn̄ Nnyịn nnam n̄kpọ. Dọhọ ebiowo kiet emi akadade ibuotikọ emi odotde ye efakutom mbufo etịm idem anam ibio ibio nnamn̄wụt kiet owụt.

Ikwọ 194

Urua Ọtọn̄ọde September 1

Ikwọ 112

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke utịt ọfiọn̄ August.

Min. 20: Ẹdu Nsannsan edi Owo Ifreke Mmọ. Utịn̄ikọ emi ọkọn̄ọde ke Enyọn̄-Ukpeme eke April 15, 2008, page 25-28. Siak nditọete ke esop emi mîkemeke ndika n̄kpọ aba. Edieke baba kiet mîdụhe, da mme edumbet emi ẹnọde ke ibuotikọ emi sịn udọn̄ nọ esop ndin̄wam owo ekededi emi edide owo n̄kpọnnam m̀mê oro mînen̄ekede inyene ukeme ndisibuana ke edinam esop.

Min. 15: Tọn̄ọ Ukpepn̄kpọ Bible ke Akpa Ediwaha ke September. Nneme otuowo. Ke September nnyịn idinọ n̄wed Bible Ekpep, iyonyụn̄ idomo ndineme mme ikpehe ekikere ifan̄ ye enyeneufọk ke akpa ediwaha. Dụn̄ọde mme ekikere oro ẹnọde ke esịne-esịt Utom Obio Ubọn̄ Nnyịn eke March 2006 nyụn̄ dọhọ ẹnam kiet m̀mê iba ẹwụt nte ẹkemede nditọn̄ọ ukpepn̄kpọ Bible ke akpa ediwaha.

Ikwọ 74

[Mme ikọ Idakisọn̄]