Ndutịm Esoputom

Urua Ọtọn̄ọde July 14

Ikwọ 126

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke ufọt ọfiọn̄ July. Ke adade mme ekikere oro ẹnọde ke page 4, m̀mê mme nneme efen oro ẹdotde ye efakutom mbufo, nam wụt nte ẹkpenọde Enyọn̄-Ukpeme eke July 1 ye Awake! eke July.

Min. 15: Ndi Emenyene “Ifụre Utịn̄ikọ”? Utịn̄ikọ emi ọkọn̄ọde ke Enyọn̄-Ukpeme eke May 15, 2006, page 13-16. Sọn̄ọ tịn̄ ntak anade ikwọrọ ikọ ye uko.

Min. 20: “Ukpọhọde Inemesịt Ubon.”a Nam ẹfiọk nsio nsio n̄kpọ emi ẹdude ke n̄wed oro. Dụn̄ọde ndutịm Ukpepn̄kpọ N̄wed Esop. Da mme akpan n̄kpọ to Utom Obio Ubọn̄ Nnyịn eke July 1997, oro aban̄ade ndikpep n̄wed Inemesịt Ubon. Sịn udọn̄ nọ akpaimọ owo ndidụk kpukpru ini nnyụn̄ ntiene mbuana ọyọhọ ọyọhọ. Nam ibio ibio ndụn̄ọde ye asuanetop kiet m̀mê iba emi ẹsitịmde idem ẹnọ mbono esop, nyụn̄ bụp mmọ se isinamde mmọ ẹtịm idem.

Ikwọ 147

Urua Ọtọn̄ọde July 21

Ikwọ 95

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Ti otuowo ete ẹkama Enyọn̄-Ukpeme eke August 1 ye Awake! eke August ẹdi Esoputom urua en̄wen nyụn̄ dọhọ mmọ ẹtịm idem man ẹkpeneme nte ẹkpenọde mme magazine emi ke efakutom mbufo.

Min. 15: Mme udọn̄ n̄kann̄kụk.

Min. 20: “Ntịmidem Anam Mfiakn̄ka Enyene Uforo.”b Dọhọ ẹnam ẹwụt nte asuanetop adade minit inan̄ etịn̄ ikọ ọnọ idem ke ini enye etịmde idem ọnọ mfiakn̄ka. Enye ese se enye ekewetde enịm onyụn̄ ebiere ke imọ inyene ndika n̄kese owo iba ke utịturua emi. Ekem, enye ekere se enye ekenemede ye mmọ owo kiet kiet, ọfiọk se idide uduak esie, onyụn̄ etịm idem nte enye edinamde se enye aduakde emi. Enye etịm idem nditọn̄ọ ukpepn̄kpọ Bible ye owo kiet. Onyụn̄ etịm idem ndinam owo enye eken aka iso enyene udọn̄ ebe ke ndinam se ẹtịn̄de ke ikpehe ekikere 5.

Ikwọ 189

Urua Ọtọn̄ọde July 28

Ikwọ 6

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke utịt ọfiọn̄ July. Kot ntọt ibatokụk ye ikọ ekọm kaban̄a etịbe ẹkenọde. Siak mme n̄wed ẹnọde ke August, nyụn̄ dọhọ ẹnam ẹwụt nte ẹkpenọde kiet ke otu emi.

Min. 15: Ndika Iso N̄wụt ke Imọfiọk ke Utịt Ekpere. Utịn̄ikọ emi edemerede owo udọn̄, oro ọkọn̄ọde ke Enyọn̄-Ukpeme eke December 15, 2006, page 18-19, ikpehe ekikere 17-21.

Min. 20: Ben̄e Idem Ndinọ Mme Magazine eke Ndondo Emi. Nneme otuowo. Ke ama eketịn̄ n̄kpọ ibio ibio aban̄a Enyọn̄-Ukpeme eke August 1 ye Awake! eke August, bụp otuowo m̀mê mme ibuotikọ ewe ke mme owo ẹkeme ndima ke efakutom mbufo ye ntak emi mmọ ẹdọhọde ntre. Dọhọ otuowo ẹtịn̄ mme akpan n̄kpọ ke mme ibuotikọ oro mmọ ẹduakde ndineme. Ewe mbụme ke ẹkeme ndida ntọn̄ọ nneme? Itie N̄wed Abasi ewe ke ibuotikọ oro ke ẹkeme ndikot? Da kiet ke otu uwụtn̄kpọ oro ẹnọde ke Utom Obio Ubọn̄ Nnyịn m̀mê ekikere oro otuowo ẹnọde nam wụt nte ẹkpenọde magazine kiet kiet.

Ikwọ 106

Urua Ọtọn̄ọde August 4

Ikwọ 222

Min. 10: Mme ntọt n̄kann̄kụk.

Min. 15: Ndi Nditọ Fo Ẹben̄e Idem Ndikwọrọ Ikọ ke San̄asan̄a Efakutom Mmọ? Utịn̄ikọ ye nneme otuowo. Siak ndusụk n̄kpọ-ata oro mme uyen emi ẹdide Christian ẹsisobode ke ufọkn̄wed. Tịn̄ nte mme ete ye eka ye nditọ ẹkpedade Watch Tower Publications Index ẹyom ntọt oro ẹdin̄wamde mmọ. Nọ ndusụk uwụtn̄kpọ. (Se ibuotikọ oro “Schools” [ufọkn̄wed], ekpri ibuotikọ oro “experiences” [mme ifiọkutom.]) Dọhọ mbon oro ẹkemanade-mana ẹdụk ubon Christian ẹtịn̄ nte ete ye eka mmọ ẹketịmde mmọ idem man ẹkeme ndiyọ mme n̄kpọ-ata ẹnyụn̄ ẹda mme edumbet Bible ẹsịn ke edinam ke ufọkn̄wed. Mmọ ẹkeme n̄ko nditịn̄ nte mmọ ẹkedade mme ibuotikọ ke Awake! ẹwet utomufọk oro ẹkenọde mmọ ke ufọkn̄wed. Dọhọ mmọ ẹtịn̄ nte mmọ ndikwọrọ ikọ ke san̄asan̄a efakutom emi ekekpemede mmọ.

Min. 20: “Nnyịn Iwụri Mme N̄kpọ Eke Ẹsọn̄ọde Ẹdọn̄ N̄kam.”c Dọhọ otuowo ẹtịn̄ nte owo emi ẹkesikpepde mmọ Bible ekemede ime an̄wam mmọ ẹkpọn̄ mme nsunsu edinịm ke akpanikọ oro ẹkenen̄erede ẹdọn̄ n̄kam ke esịt mmọ.

Ikwọ 83

[Mme ikọ Idakisọn̄]