Ndụn̄ọde Ufọkn̄wed Utom Ukara Abasi

Ẹdineme mme mbụme ndụn̄ọde oro ẹtienede mi ke Ufọkn̄wed Utom Ukara Abasi ke urua ọtọn̄ọde April 28, 2008. Esenyịn ufọkn̄wed edise aban̄a ndụn̄ọde emi ke minit 30, ọkọn̄ọde ke se ẹkenọde ẹnam ke mme urua March 3 esịm April 28, 2008.

MME IDO UTỊN̄IKỌ

1. Ntak emi edide akpan n̄kpọ nditịm utịn̄ikọ nnyịn ntiene se ẹnọde ẹnam, ndien didie ke ikeme ndinam emi? [be-EF p. 234 ikp. eki. 1–p. 235 ikp. eki. 1]

2. Ntak emi enen̄erede ọfọn ndibụp mbụme ke ini ikpepde mme owo n̄kpọ? [be-EF p. 236 ikp. eki. 1-5]

3. Didie ke mme mbụme ẹkeme ndinam mme andikpan̄ utọn̄ nnọ nnyịn ẹkọk ibuot ke ibuot nneme? [be-EF p. 237 ikp. eki. 3–p. 238 ikp. eki. 1]

4. Ke ini ikpepde mme owo n̄kpọ, ntak emi ọfọnde ida mbufiọk ibụp mme mbụme man idiọn̄ọ se idude andikpan̄ utọn̄ nnọ nnyịn ke ekikere? (N̄ke 20:5; Matt. 16:13-16; John 11:26) [be-EF p. 238 ikp. eki. 3-5]

5. Nso idi ufọn edida mme ikọ oro ẹwụtde nte n̄kpọ kiet ebietde efen n̄kpep owo n̄kpọ? (Gen. 22:17; Jer. 13:11) [be-EF p. 240 ikp. eki. 1-3]

UTỊN̄IKỌ NỌ. 1

6. Nso ke nnyịn ikeme ndikpep nto etịbe ubuene ebeakpa ye se Jesus eketịn̄de aban̄a etịbe oro? (Mark 12:41-44) [w89-EF 10/15 p. 31 ikp. eki. 3]

7. Didie ke edisana spirit an̄wam ikọt Abasi mfịn? (John 14:25, 26) [be-EF p. 19 ikp. eki. 2-3]

8. Nso idi akakan ufọn oro otode edikot n̄wed? [be-EF p. 21 ikp. eki. 3]

9. Nso ke ukpepn̄kpọ abuana? [be-EF p. 27 ikp. eki. 3–p. 28 ikp. eki. 1]

10. Nso ke nnyịn ikeme ndikpep nto n̄wed Luke? Nam an̄wan̄a. [w89-EF 11/15 p. 25 ikp. eki. 2-5]

EDIKOT BIBLE EKE URUA KE URUA

11. Ntak emi Jesus akasuade ọnọ owo oro okokotde Enye “Eti Andikpep”? (Mark 10:17, 18) [w08-EF 2/15 “Ikọ Jehovah Enyene Uwem—Mme Akpan N̄kpọ Oro Ẹtode N̄wed Mark”]

12. Nso ke Jesus akada eto fig owụt aban̄a idụt Israel? (Mark 11:12-14, 20, 21) [w03-EF 5/15 p. 26 ikp. eki. 2-3]

13. Nso ke ikọ angel Gabriel okowụt ke ini enye ọkọdọhọde ke Mary “oyoyomo idịbi” ke edisana spirit Abasi ama odoro enye ke idem, ndien odudu Abasi onyụn̄ ofụk enye? (Luke 1:30, 31, 34, 35) [w08-EF 3/15 “Ikọ Jehovah Enyene Uwem—Mme Akpan N̄kpọ Oro Ẹtode N̄wed Luke”; w02-EF 3/15 p. 19 ikp. eki. 3; se n̄ko it-2-E p. 56 ikp. eki. 2.]

14. Ndi edi akpanikọ nte ke mme mbet Jesus ẹma ẹnam “se ibet mînyịmeke ke sabbath”? (Luke 6:1, 2) [gt-EF 31]

15. Nso ke ikeme ndikpep nto item oro Jesus ọkọnọde Martha? (Luke 10:40-42) [w99-EF 9/1 p. 31]