Ndutịm Esoputom

Urua Ọtọn̄ọde December 10

Ikwọ 46

Min 10: Mme ntọt n̄kann̄kụk. Ti mme asuanetop ndinọ ibatutom an̄wautom eke ufọt ọfiọn̄ December. Mme Ntọt ẹsatde-sat ẹto Utom Obio Ubọn̄ Nnyịn. Ke adade mme ekikere oro ẹnọde ke page 8 m̀mê mme nneme efen oro ẹdotde ye efakutom mbufo, nam wụt nte ẹkpenọde Enyọn̄-Ukpeme eke December 15 ye Awake! eke December.

Min 20: Ufọkn̄wed Utom Ukara Abasi eke 2008. Utịn̄ikọ emi esenyịn ufọkn̄wed ọnọde. Da esịne-esịt Utom Obio Ubọn̄ Nnyịn eke October 2007 neme mme akpan n̄kpọ oro oyomde ẹnọ ntịn̄enyịn ke esop mbufo. Neme se idide utom udiana ọnọitem. Sịn udọn̄ nọ kpukpru owo ẹsịn ifịk ẹnam se ẹnọde mmọ ẹnam, ẹtiene ẹnọ ibọrọ ke ini ẹnemede mme akpan n̄kpọ oro ẹtode edikot Bible, ẹnyụn̄ ẹda mme ekikere oro ẹnọde kpukpru urua ke Bọ Ufọn to Ukpepn̄kpọ Ufọkn̄wed Utom Ukara Abasi ẹsịn ke edinam.

Min 15: “Nọ Mmọ eke Esịt Mmọ Obụn̄ọde Ndọn̄esịt.”a Bụk ibio ibio ifiọkutom n̄kann̄kụk kiet m̀mê iba.

Ikwọ 34

Urua Ọtọn̄ọde December 17

Ikwọ 28

Min 10: Mme ntọt n̄kann̄kụk. Neme “Obufa Ndutịm Mbono Circuit.” Siak usenọfiọn̄ mbono circuit edieke ẹfiọkde. Sịn udọn̄ nọ kpukpru owo ndise vidio oro Jehovah’s Witnesses—Organized to Share the Good News ke nditịm idem nnọ nneme oro ẹdinemede ke Esoputom eke urua December 31.

Min 15: “Ana Nnyịn Ika Iso Isịn Ifịk ke Utom Ukwọrọikọ.”b Nam ndụn̄ọde ye asuanetop oro ẹdiọn̄ọde nte esisịnde ifịk ke utom ukwọrọikọ. Mme mbụme oro edibụpde enye ẹdi emi: Nso ukeme ke afo esịn man aka iso esịn ifịk ke utom ukwọrọikọ? Nso in̄wam fi ndika iso nsịn ifịk?

Min. 20: “Nọ Mme Magazine Oro Ẹtiede Ntiense Ẹnọ Akpanikọ.”c Dọhọ ẹtịn̄ se idude ke Utom Obio Ubọn̄ Nnyịn eke November 2006, page 8. Sịn udọn̄ nọ otuowo ẹkot Enyọn̄-Ukpeme eke January 1 ye Awake! eke January. Dọhọ mmọ ẹda mme magazine emi ẹdi mbono esop urua en̄wen.

Ikwọ 139

Urua Ọtọn̄ọde December 24

Ikwọ 212

Min 10: Mme ntọt n̄kann̄kụk. Kot ntọt ibatokụk ye ikọ ekọm kaban̄a etịbe ẹkenọde. Siak n̄wed oro ẹdinọde ke January, nyụn̄ dọhọ ẹnam nnamn̄wụt oro odotde ẹwụt.

Min 15: Ben̄e Idem Ndinọ Mbufa Magazine. Nneme otuowo oro ọkọn̄ọde ke Enyọn̄-Ukpeme eke January 1 ye Awake! eke January. Ke ama eketịn̄ ibio ibio aban̄a se idude ke nsiondi kiet kiet, bụp otuowo m̀mê mme ibuotikọ ewe ẹkeme ndidemede mme owo udọn̄ ke efakutom ye ntak mmọ ẹdọhọde ntre. Dọhọ otuowo ẹtịn̄ nte mmọ ẹdidade mme ibuotikọ oro mmọ ẹmekde ẹnyene nneme ye mme owo. Mbụme ewe ke ẹkeme ndida ntọn̄ọ nneme? Ewe itie N̄wed Abasi ke ibuotikọ oro ke ẹkeme ndikot? Didie ke ẹkeme ndibuan itie N̄wed Abasi emi ye ibuotikọ oro? Ke adade mme uwụtn̄kpọ oro ẹnọde ke Utom Obio Ubọn̄ Nnyịn m̀mê usụn̄ nneme oro otuowo ẹnọde, nam wụt nte ẹkpenọde magazine kiet kiet.

Min 20: “Nam Edi Utịtmbuba Fo Ndinịm Ukpepn̄kpọ Bible.”d Nam ndụn̄ọde ye owo kiet m̀mê iba oro ẹtọn̄ọde ukpepn̄kpọ Bible ke ndondo emi. Didie ke ẹketọn̄ọ ukpepn̄kpọ oro? Didie ke ukpepn̄kpọ oro aka iso?

Ikwọ 21

Urua Ọtọn̄ọde December 31

Ikwọ 89

Min 5: Mme ntọt n̄kann̄kụk. Ti mme asuanetop ndinọ ibatutom an̄wautom eke utịt ọfiọn̄ December.

Min 15: Odudu Oro Uten̄e Abasi Enyenede. Utịn̄ikọ oro ọnọde nsịnudọn̄, emi ọkọn̄ọde ke Enyọn̄-Ukpeme eke March 1, 1990, page 22-23.

Min 25: “N̄kponn̄kan Ndutịm Utom Ukwọrọikọ Oro Akanam Ẹnamde ke Ererimbot!”e Dọhọ otuowo ẹtịn̄ nti ikọ oro mme iman, mme ọdiọn̄ọ, mbon oro ẹsifiakde ẹkese, ye nditọ ukpepn̄kpọ Bible ẹketịn̄de ke ẹma ẹkese vidio oro Jehovah’s Witnesses—Organized to Share the Good News. Mîdịghe, neme ibuotikọ oro “Ima Abasi Anam Mmọ Ẹdiana Kiet,” oro odude ke Enyọn̄-Ukpeme eke January 1, 2005, page 4-6.

Ikwọ 202

Urua Ọtọn̄ọde January 7

Ikwọ 100

Min 10: Mme ntọt n̄kann̄kụk. Neme “Obufa Ndutịm Usen Akpan Mbono,” nyụn̄ tọt usenọfiọn̄ usen akpan mbono edieke ẹfiọkde.

Min 15: Ekebe Mbụme. Utịn̄ikọ ye nneme otuowo emi ebiowo edisede aban̄a. Nte ini ayakde, kot nyụn̄ neme mme itie N̄wed Abasi oro ẹsiakde ẹsịn.

Min 20: “Ẹkpep Ikọ Abasi nte Ubon.”f Ke ini enemede ikpehe ekikere 2, bụp ibuot ufọk kiet m̀mê iba ini ye usen oro esifọnde ye mmọ ndinịm ukpepn̄kpọ ubon.

Ikwọ 164

[Mme ikọ idakisọn̄]