Ndụn̄ọde Ufọkn̄wed Utom Ukara Abasi

Ẹdineme mme mbụme ndụn̄ọde oro ẹtienede mi ke Ufọkn̄wed Utom Ukara Abasi ke urua ọtọn̄ọde August 27, 2007. Esenyịn ufọkn̄wed edise aban̄a ndụn̄ọde emi ke minit 30, ọkọn̄ọde ke se ẹkenọde ẹnam ke mme urua July 2 esịm August 27 2007.

MME IDO UTỊN̄IKỌ

1. Didie ke nnyịn ikeme ndiwụt ukpono nnọ mbon efen ke an̄wautom ye ke esop? [be-EF p. 192 ikp. eki. 2-4]

2. Nso ke oyom edieke anade iwụt uko ke ini itịn̄de ikọ? [be-EF p. 196 ikp. eki. 1-3]

3. Nso idi ndusụk ekikere oro ẹdin̄wamde nnyịn ndiwụt mbufiọk ke ini inọde mbon efen ikọ ntiense? [be-EF p. 198 ikp. eki. 1–p. 199 ikp. eki. 1]

4. Didie ke ediwụt mbufiọk abuana edibiere nnennen ini ndinọ mbon efen ikọ ntiense? (N̄ke 25:11) [be-EF p. 199 ikp. eki. 2-4]

5. Didie ke nnyịn ikeme ndida eti uyoikọ nnọ utịn̄ikọ? [be-EF p. 203 ikp. eki. 2–p. 204 ikp. eki. 1]

UTỊN̄IKỌ NỌ. 1

6. Mme akpan ikpehe inan̄ ewe ke n̄kukụt Ezekiel aban̄a? [w99-EF 3/1 p. 8 ikp. eki. 3]

7. Ewe akpan edu ke oyom man owo ọyọ se mînenke? [w05-EF 6/1 p. 29 ikp. eki. 4]

8. Nso ke nnyịn ikpep ito usụn̄ oro Jesus ọkọbọrọde mbụme oro mme Sadducee ẹkebụpde enye ẹban̄a ediset ke n̄kpa? (Luke 20:37, 38) [be-EF p. 66 ikp. eki. 4]

9. Ke ini eyen ukpepn̄kpọ Bible m̀mê ekemmọ andinịm ke akpanikọ obụpde se enye akpanamde ke ndusụk idaha, didie ke afo ọkpọbọrọ? [be-EF p. 69 ikp. eki. 4-5]

10. Nso ibuana ke ‘edikabade ndi obufa ke spirit eke odude ke esịt fo’? (Eph. 4:23) [be-EF p. 74 ikp. eki. 4]

EDIKOT BIBLE EKE URUA KE URUA

11. Ke Ezekiel 9:2-4, anie ke owo oro esịnede linen ada aban̄a, ndien “idiọn̄ọ ke ọkpọ-iso” owụt nso? [w88-EF 9/15 p. 14 ikp. eki. 18]

12. Nte ẹwụtde ke Ezekiel 13:3, didie ke mme adaiso ido ukpono ẹbiet “mme ndisịme prophet emi [ẹketienede] spirit idem mmọ”? [w99-EF 10/1 p. 13]

13. Ke ini ‘ẹketopde n̄ke’ oro ẹwetde ke Ezekiel 18:1, nso ke nditọ Israel ẹkedomo ndinam, ndien nso akpan ukpepn̄kpọ aban̄ade edinam ibat ke ẹsio ẹwụt? [w88-EF 9/15 p. 18 ikp. eki. 10]

14. Didie ke Ezekiel akakabade edi “imụm” ke ini ẹkekande Jerusalem ẹkụk ẹnyụn̄ ẹsobode enye? (Ezek. 24:27; 33:22) [w03-EF 12/1 p. 29]

15. Anie edi “Gog, isọn̄ Magog,” ndien ini ewe ke enye edidaha okosobo ikọt Jehovah? (Ezek. 38:2, 16) [w97-EF 3/1 p. 14 ikp. eki. 1–p. 15 ikp. eki. 3]