Mme Ntọt
◼ July ye August: Ẹkeme ndinọ ekededi ke otu ndiye uduot n̄kpri n̄wed ẹnyenede page 32 oro ẹtienede mi: Afo Emekeme Ndidi Ufan Abasi!, Dara Uwem ke Isọn̄ ke Nsinsi!, Enyịn̄ Abasi Oro Edibịghide ke Nsinsi, Ẹdu ke Ukpeme!, Ke Ini Owo Oro Afo Amade Akpade, Mme Ntiense Jehovah—Mmanie ke Mmọ Ẹdi—Nso ke Mmọ Ẹnịm ke Akpanikọ? Nso Idi Uduak Uwem—Didie ke Afo Ekeme Ndikụt Enye?, Nso Itịbe inọ Nnyịn ke Ini Nnyịn Ikpade?, Nte Abasi Enen̄ede Ekere Aban̄a Nnyịn?, Nte Afo Ekpenyene Ndinịm Abasi-Ita-ke-Kiet ke Akpanikọ?, N̄wed Ofụri Owo, “Sese! Mmanam Kpukpru N̄kpọ Ẹdi Mbufa,” Spirit Mme Akpan̄kpa—Nte Mmọ Ẹkeme Ndin̄wam Fi m̀mê Ndinọ Fi Unan? Nte Mmọ Ẹnen̄ede Ẹdu?, Ukara Emi Edidade Paradise Edi, ye Usụn̄ Oro Adade Esịm Nsinsi Uwem—Nte Afo Omokụt Enye? September: Ẹdinọ n̄wed Nso ke Bible Enen̄ede Ekpep? Ẹkpenyene ndisịn san̄asan̄a ukeme nditọn̄ọ ukpepn̄kpọ Bible ke akpa ediwaha. Edieke edide enyeneufọk ama enyenyene n̄wed emi, wụt nte enye ekemede ndibọ ufọn nto n̄wed emi ebe ke ndinam ibio ibio n̄wụt nte ekpekpepde enye. October: Nọ Enyọn̄-Ukpeme ye Awake! Ke ebiet oro ẹwụtde udọn̄, mbọk nọ tract oro Nte Afo Akpama Ndifiọk N̄kpọ Efen Efen Mban̄a Bible?, neme se isịnede ye uduak editọn̄ọ ukpepn̄kpọ Bible.
◼ Sia September enyenede utịt urua ition, emi edidi ata eti ọfiọn̄ ndinam usiakusụn̄ unọ un̄wam.
◼ Ọtọn̄ọde ke September, obufa utịn̄ikọ an̄wa mme esenyịn circuit edidi “Nso Iwụt ke Ẹkeme Ndiberi Edem ke Bible?”
◼ Ọfọn ndikpọn̄ n̄wed eben̄e utom usiakusụn̄ ofụri ini nnọ n̄kọk itieutom ke nsụhọde n̄kaha usen 30 mbemiso usenọfiọn̄ oro ẹyomde nditọn̄ọ. Ewetn̄wed esop ekpenyene ndidụn̄ọde babru emi man okụt ete ke ẹwet n̄kpọ ẹyọhọ. Edieke mbon oro ẹsịnde n̄wed eben̄e mîtịghi nnennen usenọfiọn̄ baptism mmọ, mmọ ẹkpenyene ndimek usenọfiọn̄ nnyụn̄ n̄wet enye nnịm. Ewetn̄wed ekpenyene ndiwet usenọfiọn̄ emi ke kad Congregation’s Publisher Record (S-21).
◼ Ẹkpenyene ndidian ibat kpukpru n̄wed ye magazine oro ẹdude, emi ẹsidiande ke isua ke isua, ke August 31, 2007, m̀mê usọp usọp nte ẹkekeme ke oro ebede. Edidian ibat emi edi ukem ye ata ata edibat oro anam-ndutịm n̄wed esinamde ke ọfiọn̄ ke ọfiọn̄, ndien ẹkpenyene ndiwet ofụri ibat nsịn ke babru Literature Inventory (S-18). Ẹkpenyene ndibọ ibat ofụri magazine ẹdude nto (mme) asan̄autom ẹkamade magazine. Ewetn̄wed esop oro anamde ndutịm ekpenyene ndise enyịn ke edidian ibat emi. Enye ye esenyịn oro etiede ibuot ke esop oro anamde ndutịm ẹyesịn ubọk ke babru emi. Esop kiet kiet oro anamde ndutịm ọyọbọ babru Literature Inventory ita. Mbọk ẹnọ akpa ikọn̄ oro ẹsọk n̄kọk itieutom okûbịghi akan September 6. Ẹsịn udiana ikọn̄ ke n̄kpọ udọn̄ n̄wed mbufo. Ẹkeme ndikama ọyọhọ ikọn̄ ita nte n̄kpọ uwetn̄kpọ.
◼ Ẹnọ idem babru Literacy Report iba esọk esop kiet kiet. Ke ẹma ẹkewet n̄kpọ ẹdọn̄ ẹyọhọ, mbọk ẹnọ idem kiet ẹsọk n̄kọk itieutom ke August 1. Ẹsịn idem enye eken ke n̄kpọ udọn̄ n̄wed esop.