Ekebe Mbụme

◼ Ndi odot nditan̄ mme n̄kpọ oro ẹdinemede ke Ufọkn̄wed Utom Ukara Abasi mbok nnyụn̄ ndeme nnọ mbon en̄wen?

Ẹnyịme ẹnam emi ẹnọ mbonubon ye mme n̄kpet n̄kpet ufan ifan̄. Nte ededi, owo ikpenyeneke ndinọ mmọ ẹsọk kpukpru owo m̀mê ndinọ mbọ okụk, sia emi edidi edibiat unen uwetn̄wed.—Rome 13:1.

Ke ndusụk utịn̄ikọ ke Ufọkn̄wed Utom Ukara Abasi, ibuotikọ kpọt ke ẹsinọ; owo isinọhọ ebiet emi ẹdade n̄kpọ ẹto. Ndi ayan̄wam owo ndisiak mme n̄wed oro ẹkemede ndika n̄kanam ndụn̄ọde m̀mê nditan̄ mme ibuotikọ oro mbok, emi mbon oro ẹnyenede utịn̄ikọ oro ẹkemede ndida nnam n̄kpọ? Baba. Ikponyụn̄ idotke nditịm mme ibọrọ mbụme Edifiak Ndụn̄ọde Ufọkn̄wed Utom Ukara Abasi man mbon en̄wen ẹda ẹnam n̄kpọ, sia emi mîdin̄wamke mmọ ẹti mme akpan n̄kpọ. Nditọ ufọkn̄wed ẹkpenyene ndinam ndụn̄ọde ke idemmọ. Emi edi akpan ikpehe ukpep oro Jehovah adade ufọkn̄wed emi ọnọ man an̄wam nnyịn ida “edeme mmọ eke ẹkpepde n̄kpọ” itịn̄ ikọ.—Isa. 50:4.