Mme Ntọt

◼ Mme n̄wed ẹnọde ke April ye May: Nọ Enyọn̄-Ukpeme ye Awake! Ke ini afiakde ebịne mbon oro ẹkewụtde udọn̄, esịnede mbon oro ẹsidụkde Editi m̀mê mme edinam ukara Abasi eken, edi oro mîbuanake ifịk ifịk ye esop, wụk ntịn̄enyịn ke ndinịm obufa n̄wed Nso ke Bible Enen̄ede Ekpep? Uduak ekpedi nditọn̄ọ ukpepn̄kpọ Bible ke n̄wed oro. June: Nọ n̄wed Kpep N̄kpọ to Akwa Andikpep. Edieke mme owo ẹdọhọde ke mmimọ inyeneke nditọ, nọ n̄wed Inemesịt Ubon.

◼ Akpana mme ewetn̄wed esop ẹnyene mme babru Application for Regular Pioneer Service (S-205) ye Application for Auxiliary Pioneer Service (S-205b) oro ẹkemde. Ẹkeme ndida Literature Request Form (S-14) ntobo mmọ emi. Ẹnyene ke nsụhọde n̄kaha se idikemde ke isua kiet. Mbemiso ọnọde n̄wed eben̄e usiakusụn̄ ofụri ini edi n̄kọk itieutom, kụt ete ke ẹwet n̄kpọ ẹyọhọ mmọ ofụri ofụri.

◼ Odot n̄kọk itieutom enyene n̄wetnnịm n̄kpọ eke idahaemi aban̄ade mme adres ye nọmba urụk ukopikọ kpukpru mme esenyịn oro ẹtiede ibuot ye mme ewetn̄wed. Edieke ukpụhọde odude ke ini kiet ekededi, Kọmiti Utom Esop ekpenyene ndiwet n̄kpọ nyọhọ nnyụn̄ nnọ babru Presiding Overseer/Secretary Change of Address (S-29) ẹsọk n̄kọk itieutom usọp usọp. Emi esịne mme ukpụhọde ekededi ke nọmba urụk ukopikọ.

◼ Mme esop ẹkpenyene ndideme mbufa nsiondi Enyọn̄-Ukpeme ye Awake! ke ndondo oro ẹbọde mmọ. Oro ayanam mme asuanetop ẹmehe ye se isịnede ke esịt mbemiso ẹnọde mme magazine emi ke an̄wautom. Ẹkpenyene ndideme Utom Obio Ubọn̄ Nnyịn n̄ko nnọ mme asuanetop ke ndondo oro enye ebehede. Ẹkeme ndideme enye ke Ukpepn̄kpọ N̄wed Esop.

◼ N̄kọk itieutom inamke n̄kpọ iban̄a n̄wed oro asuanetop kiet kiet otobode. Esenyịn oro etiede ibuot ekpenyene ndidiomi man ẹnọ ntọt ke ọfiọn̄ kiet kiet mbemiso ẹnọde editobo eke ọfiọn̄ ke ọfiọn̄ oro esop otobode ẹsọk n̄kọk itieutom man kpukpru mbon emi ẹnyenede udọn̄ ndibọ ọkpọkpọ n̄wed ẹkeme ndisian eyenete emi akamade n̄wed. Mbọk ti mme n̄wed ẹbọde ke san̄asan̄a eben̄e.

◼ Ke May 27, 2006, ẹyeberi okụre Bethel. Mbọk ẹkûdi ndisan̄a n̄kanade m̀mê ndidi ndimen mme n̄wed ke usenọfiọn̄ oro.