Mme Ntọt

◼ N̄wed ẹnọde ke February: Ẹdinọ San̄a Kpere Jehovah. Se ẹnọde ke ukpụhọ edi n̄wed Ifiọk m̀mê akani n̄wed efen oro odude. March: Nọ obufa n̄wed oro Nso ke Bible Enen̄ede Ekpep? Sịn san̄asan̄a ukeme nditọn̄ọ ukpepn̄kpọ Bible. April ye May: Nọ Enyọn̄-Ukpeme ye Awake! Ke ini afiakde ebịne mbon oro ẹkewụtde udọn̄, esịnede mbon oro ẹsidụkde Editi m̀mê mme edinam ukara Abasi eken, edi oro mîbuanake ifịk ifịk ye esop, wụk ntịn̄enyịn ke ndinịm obufa n̄wed Nso ke Bible Enen̄ede Ekpep? Uduak ekpedi nditọn̄ọ ukpepn̄kpọ Bible ke n̄wed oro.

◼ Sia April enyenede utịt urua ition, emi edidi ata eti ọfiọn̄ ndinam utom usiakusụn̄ unọ un̄wam.

◼ Ibuotikọ akpan utịn̄ikọ an̄wa ini Editi eke 2006 edidi “Nte Abasi Osụk Akara?” Se ntọt enyenede n̄kpọ ndinam ye emi ke Utom Obio Ubọn̄ Nnyịn eke September 2005.

◼ Ẹyeneme ibuotikọ oro odude ke page 6 emi ọdọhọde, “Kop Inem Ndikpep Nso ke Bible Enen̄ede Ekpep?” ke Esoputom urua April 3. Mbọk tịm ibuotikọ oro ye ndutịm ukpepn̄kpọ oro nịm.

◼ Ewetn̄wed ye esenyịn utom ẹkpenyene ndidụn̄ọde utom kpukpru asiakusụn̄ ofụri ini. Edieke owo ekededi enyenede mfịna ndisịm ibat hour oro ẹyomde, mbiowo ẹkpenyene ndinam ndutịm man ẹnọ un̄wam. Man ẹkụt se ẹkemede ndinam, ẹdụn̄ọde leta S-201 eke isua ke isua.

◼ Owo iyakke mme owo ẹdi ẹdise obufa Ọfis Lagos nnyịn oro ẹsụk ẹtọn̄ọde ndibọp. Emi edi koro ẹkekpe usiakifia ẹte ẹbọp ufọk emi ndien ndika ebiet oro ayanam utom oro okûsan̄a nte akpasan̄ade.

◼ Kaban̄a mme usen akpan mbono ye mbono circuit eke 2006, mme circuit ẹtienede mi ẹyenyene ikpehe n̄kpọitie oro ẹsiode ẹnịm ẹnọ mbon inan, emi ẹdikabarede ndutịm mbono ẹsịn ke Usem Idiọn̄ọ Mbon America. Ẹyetọt mme itie eken ke Utom Obio Ubọn̄ Nnyịn eke March 2006:

Badagry (WE-02) January 21-22 ye April 23

Badagry (WE-14) January 14-15 ye April 22

Ibadan (WE-09) February 11 ye June 17-18

Ota (WE-05) January 14-15 ye April 8

Ota (WE-25) January 21-22 ye April 9

Ubogo (ME-07) February 4-5 ye May 21