Ndụn̄ọde Ufọkn̄wed Utom Ukara Abasi

Ẹdineneme mme mbụme oro ẹtienede mi ke Ufọkn̄wed Utom Ukara Abasi ke urua ọtọn̄ọde February 27, 2006. Esenyịn ufọkn̄wed edise aban̄a ndụn̄ọde emi ke minit 30, ọkọn̄ọde ke se ẹkenọde ẹnam ke mme urua January 2 esịm February 27, 2006. [Tịm fiọk: Ke mbụme oro owo mîsiakke n̄wed oro ẹdikụtde ibọrọ, afo enyene ndinam ndụn̄ọde ke idemfo nyom mme ibọrọ mbụme emi.—Se Ufọkn̄wed Utom, p. 36-37.]

MME IDO UTỊN̄IKỌ

1. Ke mme usụn̄ ewe ke Ufọkn̄wed Utom Ukara Abasi an̄wam nnyịn ‘ndiwa uwa ekọm nnọ Abasi nnyụn̄ n̄kpono enyịn̄ Esie’? (Heb. 13:15) [be-EF p. 5 ikp. eki. 3–p. 6 ikp. eki. 1]

2. Ntak emi nnyịn ikpesịnde ọkpọsọn̄ ukeme ndikot n̄wed ọfọn? [be-EF p. 83 ikp. eki. 1-5]

3. Ntak edide ata akpan n̄kpọ nditịn̄ ikọ an̄wan̄a ke ini itịn̄de ikọ inyụn̄ ikpepde n̄kpọ? [be-EF p. 86 ikp. eki. 1-6]

4. Ntak edide akpan n̄kpọ ndikot ikọ ọfọn, ndien nso idi mme n̄kpọ oro oyomde ẹkere ẹban̄a? [be-EF p. 89 ikp. eki. 1–p. 90 ikp. eki. 2, ekebe]

5. Nso idi ndusụk ekikere oro ẹnọde ndin̄wam nnyịn inen̄ede itịn̄ ikọ ọdọnọ? [be-EF p. 94 ikp. eki. 4-5, ekebe]

UTỊN̄IKỌ NỌ. 1

6. Nso afia ke ndidem Israel ẹkeduọ ẹdụk, ndien nso ntọt ke oro ọnọ nnyịn mfịn? [w85-EF 12/15 p. 29 ikp. eki. 4; p. 30 ikp. eki. 2-4]

7. Nte nditọ Israel oro ẹkesụhọde ke Babylon ẹkedi mbon unana mbuọtidem? (Ezra 1:3-6) Nte nnyịn imenyene ukem idaha oro mfịn? [w86-EF 2/15 p. 29 ikp. eki. 4, 5, 10]

8. Didie ke n̄wed Ezra owụt ke Jehovah edi ata Abasi onyụn̄ ọsọn̄ọ mbuọtidem oro inyenede ke enye? [w86-EF 2/15 p. 30 ikp. eki. 17]

9. Didie ke Nehemiah edi eti uwụtn̄kpọ ọnọ mme asan̄autom Abasi mfịn? [w86-EF 6/1 p. 21 ikp. eki. 9]

10. Didie ke nnyịn ikeme ndikọri nnyụn̄ n̄ka iso nnyene idatesịt Jehovah? [w86-EF 6/1 p. 22 ikp. eki. 10]

EDIKOT BIBLE EKE URUA KE URUA

11. Ndi nditọ Israel oro ẹkenyọn̄ọde ntan̄mfep ẹdi ẹma ẹnyene Urim ye Thummim, emi ẹkesidade ẹbọ Jehovah ibọrọ? (Ezra 2:61-63)

12. Ntak emi ediwak mme Jew ke Babylon ẹkemen̄ede nditiene Ezra n̄ka Jerusalem? (Ezra 7:28–8:20)

13. Didie ke ẹkekeme ndida ubọk kiet kpọt nnam utom edifiak mbọp ibibene? (Neh. 4:17, 18)

14. Sia ẹkesidọn̄de mme leta oro ẹwetde ikọ idịbi ke ekpat emi ẹbọpde inua, ntak emi Sanballat ọkọnọde “ana in̄wan̄” leta ẹsọk Nehemiah? (Neh. 6:5)

15. Ke adianade ye ‘editọhọ’ ye mme Jew oro ẹkefiakde edem, kpa nte enye ekebemde iso ọtọhọ ye mbọn̄, nso idi mme usụn̄ en̄wen oro Nehemiah ekenen̄erede mmọ? (Neh. 13:25, 28)