Mme Ntọt

◼ Mme n̄wed ẹnọde ke November: Nọ n̄wed Kpep N̄kpọ to Akwa Andikpep. Edieke mme owo ẹdọhọde ke mmimọ inyeneke nditọ, nọ n̄wed Ifiọk m̀mê tract oro Nte Afo Akpama Ndifiọk N̄kpọ Efen Efen Mban̄a Bible? December: Akakan Owo Oro Akanam Odude Uwem. Se ẹnọde ke ukpụhọ edi N̄wed Mi eke Mme Mbụk Bible, m̀mê Afo Emekeme Ndidu Uwem ke Nsinsi ke Paradise ke Isọn̄. January: Ẹdinọ n̄wed ekededi oro enyenede page 192 oro ẹkemịn̄de ke babru oro etiede utouto oro esop enyenede ke itie unịm n̄wed. Se ẹnọde ke ukpụhọ: Ẹdu ke Ukpeme! February: Ẹdinọ San̄a Kpere Jehovah. Se ẹnọde ke ukpụhọ: N̄wed Ata-Utịt Ediyarade m̀mê akani n̄wed efen oro odude.

◼ Esenyịn oro etiede ibuot m̀mê owo en̄wen oro enye emekde ekpenyene ndidụn̄ọde ibatokụk esop ke December 1 m̀mê usọp usọp nte ekekeme ke oro ebede. Edieke ẹnyenede san̄asan̄a ibatokụk, utọ nte okụk oro ẹdade ẹse ẹban̄a m̀mê ndibọp Ufọkmbono Obio Ubọn̄, ẹkpenyene ndinam ndutịm man ẹdụn̄ọde emi n̄ko. Ke ẹma ẹkenam (mme) ndụn̄ọde emi, ẹkpenyene nditọt esop ke ini ẹdikotde ntọt ibatokụk ini efen.

◼ Ẹkpenyene ndiwet enyịn̄ “Watch Tower” ke babru ubọ okụk oro ẹsịnde ke ekebe etịbe utom ofụri ererimbot ye Okụk Ufọkmbono Obio Ubọn̄. Ẹkpenyene ndiwet enyịn̄ “Watch Tower” n̄ko ke babru ubọ okụk oro ẹsịnde ke ekebe etịbe ke mbono district ye mbon oro ẹnọde ẹsọk n̄kọk itieutom. Adres oro ẹdade ẹnọ etịbe ẹsọk n̄kọk itieutom edi Watch Tower Bible and Tract Society (Ltd/Gte), P.M.B. 1090, Benin City 300001, Edo State.