Ndutịm Esoputom

Urua Ọtọn̄ọde June 13

Ikwọ 198

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke ufọt ọfiọn̄ June. Mme Ntọt ẹsatde-sat ẹto Utom Obio Ubọn̄ Nnyịn. Da mme ekikere oro ẹnọde ke page 8 (edieke ẹdotde ye efakutom mbufo) nam wụt nte ẹkpenọde Enyọn̄-Ukpeme eke June 15 ye Awake! eke June 22. Ẹkeme ndinam mme nnamn̄wụt en̄wen oro ẹdide ata idem n̄kpọ. Ke kiet ke otu nnamn̄wụt oro, wụt nte ẹnọde magazine ke ido nneme.

Min. 15: N̄wam Mbon En̄wen Ẹdi Mme Asuanetop Oro Mînaha baptism. Utịn̄ikọ ye nneme otuowo oro ebiowo esede aban̄a, ọkọn̄ọde ke Ẹtịm Man Inam Uduak Jehovah, page 79-81. Tịn̄ ban̄a ndutịm ẹnamde ndibiere m̀mê eyen ukpepn̄kpọ Bible esịm se N̄wed Abasi oyomde man abuana ye esop ke an̄wautom. Urua en̄wen iyeneme nte ikemede ndikpep nditọ ukpepn̄kpọ Bible oro ẹdotde nte mme asuanetop oro mînaha baptism ẹtọn̄ọ ndibuana ke utom ukwọrọikọ eke ufọk ke ufọk.

Min. 20: “Ukwọrọikọ An̄wam Nnyịn Ndime Ime.”a Nte ini ayakde, dọhọ otuowo ẹtịn̄ ẹban̄a mme itie N̄wed Abasi oro ẹsiakde ẹsịn.

Ikwọ 149 ye akam ediberi.

Urua Ọtọn̄ọde June 20

Ikwọ 206

Min. 10: Mme ntọt n̄kann̄kụk. Dụn̄ọde mme akpan n̄kpọ ke page 8 ke Utom Obio Ubọn̄ Nnyịn eke July 2003. Tịn̄ nte mme asuanetop ẹkemede ndibọ n̄wed ke esen usem. Neme nte ẹkemede ndida emi nnam n̄kpọ ke efakutom n̄kann̄kụk. Asan̄autom oro akamade n̄wed ekpenyene nditobo se ededi oro ẹyomde ke esen usem, idem ekpedi edi n̄kpọ kiet kpọt, man ẹkeme ndinọ ẹdi ye unana ubiatini.

Min. 15: Ikọ Abasi Enyene Odudu. (Heb. 4:12) Utịn̄ikọ ọkọn̄ọde ke Enyọn̄-Ukpeme eke November 15, 2003, page 11, ikpehe ekikere 13-17. Bụk mme ifiọkutom ẹwụtde nte item Bible ekemede ndinam mme owo ẹkpụhọde usụn̄ uwem mmọ. (w00-EF 1/1 p. 3-5) Sịn udọn̄ nọ kpukpru owo ndikot Bible ke kpukpru ikpehe utom ukwọrọikọ mmọ.

Min. 20: “Ndinịm Ukpepn̄kpọ Bible Oro Enyenede Uforo—Ikpehe 10.”b Sịn nnamn̄wụt aban̄ade nte ẹtịmde idem ẹnọ an̄wautom. Nte eyen ukpepn̄kpọ anamde owụt nte idikwọrọde ikọ, ada ukpepn̄kpọ, emi etiede nte enyeneufọk, edemede mfan̄a emi edide ọsọ n̄kpọ ke n̄kann̄kụk, ndien ke ini eyen ukpepn̄kpọ mîfiọkke se ọkpọbọrọde, ada ukpepn̄kpọ etịn̄ nte enye ọkpọbọrọde. Ke adianade do, babak nam ndutịm man owo kiet m̀mê iba ẹtịn̄ ukpep oro mmọ ẹkebọde ke ini mmọ ẹketọn̄ọde ndibuana ke utom eke ufọk ke ufọk.

Ikwọ 208 ye akam ediberi.

Urua Ọtọn̄ọde June 27

Ikwọ 113

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke utịt ọfiọn̄ June. Kot ntọt ibatokụk ye ikọ ekọm kaban̄a etịbe oro ẹkenọde. Ke adade mme ekikere oro ẹnọde ke page 8 (edieke ẹdotde ye efakutom mbufo), nam wụt nte ẹkpenọde Enyọn̄-Ukpeme eke July 1 m̀mê Awake! eke July 8. Ẹkeme ndinam mme nnamn̄wụt en̄wen oro ẹdide ata idem n̄kpọ. Ke ẹma ẹkekụre nnamn̄wụt, fiak tịn̄ ntọn̄ọikọ oro ẹkedade ẹdemede udọn̄ enyeneufọk.

Min. 10: Mme udọn̄ n̄kann̄kụk.

Min. 25: Ndinọ Ndiye Uduot N̄kpri N̄wed ke July ye August. Utịn̄ikọ ye nneme otuowo emi odude ke esịne-esịt. Tịn̄ ibio ibio ban̄a nte ẹkpedade esịne-esịt emi ẹnam n̄kpọ, owụtde mme akpan n̄kpọ ke ekebe oro ke page 3 ye mme akpan n̄kpọ ke page 8 ke Utom Obio Ubọn̄ Nnyịn eke January 2005. (Ẹkeme ndikụt usụn̄ efen efen oro ẹkpedade ẹnọ ediye uduot ekpri n̄wed Usụn̄ Adade Esịm Nsinsi Uwem ke Utom Obio Ubọn̄ Nnyịn eke October 2003, page 8.) Neme mme ekikere ẹnọde, oro ẹdotde ye efakutom n̄kann̄kụk ke ndida nnọ ndiye uduot n̄kpri n̄wed ke akpa edisobo. Sịn nnamn̄wụt iba m̀mê ita ẹban̄ade mme ekikere emi. Dọhọ asuanetop edide uyen anam kiet ke otu nnamn̄wụt oro.

Ikwọ 196 ye akam ediberi.

Urua Ọtọn̄ọde July 4

Ikwọ 70

Min. 10: Mme ntọt n̄kann̄kụk.

Min. 15: Ndi Afo Emenyene Ndutịm Ubon? Dụn̄ọde mme ekikere ẹkenọde ke esịne-esịt Utom Obio Ubọn̄ Nnyịn eke May 2005 nyụn̄ dọhọ otuowo ẹtịn̄ ukeme oro mmọ ẹsịnde ndida mme ekikere oro nsịn ke edinam ye ufọn oro mmọ ẹbọde ke ndinam ntre.

Min. 20: “Ndikwọrọ Ikọ Uforo Uforo ke Mme Itie Edinam Ofụri Owo.”c Da se ẹnemede buan ye efakutom n̄kann̄kụk. Ti mme asuanetop ndikama babru Please Follow Up (S-43) ke ini odotde.

Ikwọ 120 ye akam ediberi.

[Mme ikọ idakisọn̄]