Ndikpep Ediye Uduot Ekpri N̄wed Ẹdu ke Ukpeme!
Mme esop ke ofụri ererimbot ẹyekpep ediye uduot ekpri n̄wed Ẹdu ke Ukpeme! ke urua May 23 esịm June 20, 2005, ke Ukpepn̄kpọ N̄wed Esop. Mme mbụme emi ke ẹdida ẹtịm idem ẹnọ ukpepn̄kpọ n̄wed esop, kpa mmọ n̄ko ke ẹdibụp ke ini ẹnịmde mme mbono esop emi. Ke ukpepn̄kpọ oro, kot mme ikpehe nyụn̄ kot mme itie N̄wed Abasi oro ẹsiakde ẹsịn nte ini ayakde.
Urua May 23
◼ Page 3-4: Mme mfịna ewe oro ẹsiakde mi ẹnen̄ede ẹtụk uwem fo? Nso iwụt fi ke mme n̄kpọntịbe emi idịghe sụk mme n̄kpọntịbe oro kiet mînyeneke ebuana ye eken?
◼ Page 5: Nso inam fi enịm ke akpanikọ ke Abasi enen̄ede ekere aban̄a? Nso ikeme ndiwụt adan̄a nte nnyịn ikerede iban̄a Abasi ye se enye anamde?
◼ Page 6-8: Nso ke Matthew 24:1-8, 14 etịn̄ aban̄a se mme idaha ererimbot emi ẹwọrọde? Nte ẹwụtde ke 2 Timothy 3:1-5, iduọk ini ewe ke nnyịn idu uwem idahaemi? Mme akpatre usen nso ẹdi emi? Nso inam fi enịm ke Bible enen̄ede edi Ikọ Abasi? Nso idi Obio Ubọn̄ oro nnyịn ikwọrọde iban̄a?
◼ Page 9-10: Ntak emi akpanade nnyịn itịm idụn̄ọde mme ubiere nnyịn eke usen ke usen ye mme n̄kpọ oro ẹdide akpan n̄kpọ ẹnọ nnyịn ke uwem-e? (Rome 2:6; Gal. 6:7) Nte afo odụn̄ọrede mme mbụme oro ẹdude ke page 10, mme itie N̄wed Abasi ewe ke afo eti emi ẹkpetụkde se afo anamde?
Urua May 30
◼ Page 11: Ntak emi nnyịn owo kiet kiet ikpekerede iban̄a mme mbụme oro ẹbụpde ke page emi-e? (1 Cor. 10:12; Eph. 6:10-18) Didie ke mme ibọrọ oro nnyịn inọde ke mme mbụme emi ẹwụt adan̄a nte nnyịn idade item Jesus emi ke Matthew 24:44 ke akpan n̄kpọ?
◼ Page 12-14: Nso idi “ini ikpe” oro ẹtịn̄de ẹban̄a ke Ediyarade 14:6, 7? Nso ke ọwọrọ ‘nditen̄e Abasi nnyụn̄ nnọ enye ubọn̄’? Nso idi Akwa Babylon, ndien nso iditịbe inọ enye? Nso ke oyom nnyịn inam idahaemi iban̄a Akwa Babylon? Nso efen ibuana ke ini ikpe oro ẹketịn̄de ẹban̄a? Didie ke nnyịn nditre ndifiọk “usen m̀mê hour” oro Abasi edikpede ikpe otụk nnyịn? (Matt. 25:13)
◼ Page 15: Nso idi eneni aban̄ade itie edikara, ndien didie ke enye otụk nnyịn owo kiet kiet?
◼ Page 16-19: Nso idi “obufa enyọn̄” ye “obufa isọn̄”? (2 Pet. 3:13) Anie ọn̄wọn̄ọ mme n̄kpọ emi? Mme ukpụhọde ewe ke obufa enyọn̄ ye obufa isọn̄ ẹdida ẹdi? Ndi nnyịn owo kiet kiet iyọbọ ufọn ito mmọ?
Urua June 6
◼ Page 20-21: Nso ntọt aban̄ade edifehe ke Jesus ọkọnọ mme anditiene enye ke akpa isua ikie? (Luke 21:20, 21) Ini ewe ke mmọ ẹkenyene ufan̄ ndifehe? Ntak okoyomde mmọ ẹsọsọp ẹfen̄e ye unana ubiatini-e? (Matt. 24:16-18, 21) Ntak emi ediwak owo ẹsifụmide ntọt-ọ? Didie ke ediwak tọsịn owo ke China ye ke Philippines ẹkebọ ufọn ẹto edinam n̄kpọ mban̄a ntọt oro mmọ ẹkebọde? Ntak emi oyomde ẹnam n̄kpọ usọp usọp ẹban̄a ntọt oro Bible ọnọde aban̄a utịt editịm n̄kpọ emi-e? Kaban̄a nte ini enen̄erede edi usọp usọp, nso mbiomo ke nnyịn inyene? (N̄ke 24:11, 12)
◼ Page 22-23: Ke Australia ke 1974 ye ke Colombia ke 1985, ntak emi ediwak owo ẹkefụmide ntọt afanikọn̄, ndien nso iketịbe? Afo ekere ke didie ke afo akpakanam n̄kpọ aban̄a ntọt emi ndien ntak ekerede ntre? Nso ikeme ndiwụt m̀mê nnyịn ikpakanam n̄kpọ iban̄a ntọt oro ẹkenọde ke eyo Noah? Ntak emi mme owo ẹkeyomde ndidụn̄ ke obio Sodom eset ye ke n̄kann̄kụk esie? Didie ke nnyịn ikeme ndibọ ufọn ke ndinen̄ede n̄kere mban̄a se iketịbede inọ Sodom?
Urua June 13
◼ Page 24-27: Bụp “Mme Mbụme Ukpepn̄kpọ” oro ẹdude ke page 27.
Urua June 20
◼ Page 28-31: Bụp “Mme Mbụme Ukpepn̄kpọ” oro ẹdude ke page 31.
Nnyịn ndikpep ediye uduot ekpri n̄wed emi ayan̄wam nnyịn ‘ndidu ke ukpeme’ nnyụn̄ ndu ke mben̄eidem. Nnyịn ikpakam inam utom ukwọrọikọ ke usụn̄ oro owụtde ke imọdiọn̄ọ nte ini nnyịn edide usọp usọp, kpa nte angel akatan̄ade ete: “Ẹbak Abasi ẹnyụn̄ ẹnọ enye ubọn̄, koro ini ikpe esie edisịm.”—Matt. 24:42, 44; Edi. 14:7.