Ndụn̄ọde Ufọkn̄wed Utom Ukara Abasi

Ẹdineneme mme mbụme oro ẹtienede mi ke Ufọkn̄wed Utom Ukara Abasi ke urua ọtọn̄ọde October 25, 2004. Esenyịn ufọkn̄wed edise aban̄a ndụn̄ọde emi ke minit 30, ọkọn̄ọde ke se ẹkenọde ẹnam ke mme urua September 6 esịm October 25, 2004. [Tim fiọk: Ke mbụme oro owo mîsiakke n̄wed oro ẹdikụtde ibọrọ, afo enyene ndinam ndụn̄ọde ke idemfo nyom mme ibọrọ mbụme emi.—Se Ufọkn̄wed Utom, p. 36–37.]

MME IDO UTỊN̄IKỌ

1. Didie ke ikeme ndida eti uyoikọ ntịn̄ ikọ ke ini inọde utịn̄ikọ oro aban̄ade ndusụk ikpehe edinam Christian nnyịn? [be-EF p. 203 ikp. eki. 2-3]

2. Nso idi editịn̄ ikọ mfiak ntịn̄, ndien ntak emi enye edide akpan n̄kpọ? [be-EF p. 206 ikp. eki. 1-4]

3. Didie ke nnyịn ikeme ndidori nsọn̄uyo ke ibuotikọ utịn̄ikọ nnyịn? [be-EF p. 210 ikp. eki. 1-5, ekebe]

4. Didie ke nnyịn ikeme ndibiere se ididade nte mme akpan n̄kpọ ke utịn̄ikọ oro ẹnọde nnyịn? [be-EF p. 212 ikp. eki. 1-4]

5. Ntak emi ikpowụtde ukpeme man mme akpan n̄kpọ ẹkûwak ẹkaha? [be-EF p. 213 ikp. eki. 2-4]

UTỊN̄IKỌ NỌ. 1

6. Mme n̄kpọntịbe ewe ẹkeda itie mbemiso Ukwọ, oro ẹkpenamde ọsọn̄ mme owo ndinịm nte ke kpukpru n̄kpọ oro ẹmọn̄ ẹsịm utịt? [1, w02-EF 3/1 p. 5-6]

7. Ntak odotde ẹtịm ẹfiọk nte ke mbon eyo Jesus ẹkekot enye “Andikpep” utu ke “Ọkọk Udọn̄ọ”? (Luke 3:12; 7:40, 41a) [w02-EF 5/1 p. 4 ikp. eki. 3; p. 6 ikp. eki. 5]

8. Didie ke Mme N̄ke 11:24, 25 owụt ufọn edinyene ọyọhọ ebuana ke an̄wautom? [w02-EF 7/15 p. 30 ikp. eki. 2-4]

9. Ewe eneni ido uwem ke nsọn̄ibuot oro ke Eden ekedemede, ndien nso idi utịp nsọn̄ibuot oro? (Gen. 3:1-6) [w02-EF 10/1 p. 6 ikp. eki. 1, 3, 4]

10. Nso ke mbon oro ẹkade iso ndisịk ubiere ndiyak idemmọ nnọ Jehovah Abasi nnịm ẹkpekpep ẹto se iketịbede inọ Nicodemus? [w02-EF 2/1 p. 12 ikp. eki. 4, 6]

EDIKOT BIBLE EKE URUA KE URUA

11. Sia edide Jehovah ọkọdọhọ Balaam etiene ikọt Balak aka, ntak emi enye akayatde esịt ke ini Balaam akakade ye mmọ? (Num. 22:20-22)

12. Nte ebe an̄wan emi edide anditiene Christ ekeme ndibiat mme akan̄a an̄wan esie mfep? (Num. 30:6-8)

13. Mfịn, nso ke “mme obio ubọhọ” ẹda ẹban̄a? (Num. 35:6) [w95-EF 11/15 p. 17 ikp. eki. 8]

14. Nte ẹnyene ndida ewụhọ oro ke Deuteronomy 6:6-9 emi ọdọhọde ‘ẹyịri mbet Abasi ke ubọk, ẹnyụn̄ ẹdu ke ufọt enyịn nte fronlet’ ke ata-ata usụn̄?

15. Ndi ikọ oro “edisịne-n̄kpọ fo ikatahake” ọwọrọ n̄kukụre nte ke ẹma ẹsinọ nditọ Israel mbufa edisịnen̄kpọ? (Deut. 8:4)