Ndutịm Esoputom

Urua Ọtọn̄ọde June 14

Ikwọ 168

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Ti mme asuanetop ndinọ ibatutom an̄wautom eke ufọt ọfiọn̄ June. Da mme ekikere oro ẹnọde ke page 4 (edieke ẹdotde ye efakutom mbufo), nam wụt nte ẹkpenọde Enyọn̄-Ukpeme eke June 15 ye Awake! eke June 22. Ke kiet ke otu nnamn̄wụt emi, wụt nte asuanetop ọnọde ikọ ntiense ke efakutom mbubehe. Ẹkeme ndida mme nnamn̄wụt en̄wen oro ẹdide ata idem n̄kpọ.

Min. 20: “Jehovah An̄wam Mbon Oro Ẹbuọtde Idem ye Enye.”a Ke ini enemede ikpehe ekikere 4, sịn se isịnede ke Utom Obio Ubọn̄ Nnyịn eke May 2000, page 5, ikpehe ekikere 14–15, ye se isịnede ke n̄wed Ufọkn̄wed Utom, page 67, ikpehe ekikere 2.

Min. 15: Ntak Anade Ẹfep Edida Ibọk ke Idiọk Usụn̄? Nneme otuowo emi ọkọn̄ọde ke n̄wed N̄kparawa Owo Ẹbụp, page 272–281. Edida n̄kpọsọn̄ ibọk oro “ẹnamde owo efre uwa” ẹdi ọsọ n̄kpọ. Ediwak owo ẹsọn̄ọ ẹtịn̄ nte ke idiọkke ndida mme utọ ibọk oro; ndusụk mmọ ẹkam ẹdọhọ yak ẹnam enye ekem ye ibet. Neme nte nnyịn ikpọkọkde ibuot ye utọ mbon oro. Sịn se isịnede ke Awake! eke November 8, 1999, page 10.

Ikwọ 179 ye akam ediberi.

Urua Ọtọn̄ọde June 21

Ikwọ 29

Min. 10: Mme ntọt n̄kann̄kụk.

Min. 15: “Mme Angel ke Ẹn̄wam Nnyịn.”b Nte ini ayakde, dọhọ otuowo ẹtịn̄ ẹban̄a mme itie N̄wed Abasi oro ẹsiakde ẹsịn.

Min. 20: Ọniọn̄ eke Otode ke Enyọn̄ Enyene Eti Ibuot. (Jas. 3:17, NW) Utịn̄ikọ ye nneme otuowo emi ọkọn̄ọde ke n̄wed Ufọkn̄wed Utom, page 251–252. Nso ke ọwọrọ ndinyene eti ibuot? Ntak emi enye edide akpan n̄kpọ ke utom an̄wautom nnyịn? Nso ke nnyịn ikeme ndikpep nto uwụtn̄kpọ apostle Paul? Didie ke mme asuanetop ẹkpekere ẹban̄a idaha mbon oro ẹdude ke efakutom mmọ? Didie ke nnyịn ikeme ndin̄wam nditọ ukpepn̄kpọ Bible ndinyene eti ibuot? Bem iso diomi ndinam asuanetop kiet m̀mê iba ẹbụk mme ifiọkutom emi ẹwụtde mme ufọn edinyene eti ibuot.

Ikwọ 53 ye akam ediberi.

Urua Ọtọn̄ọde June 28

Ikwọ 139

Min. 12: Mme ntọt n̄kann̄kụk. Ntọt ibatokụk. Ti mme asuanetop ndinọ ibatutom an̄wautom eke utịt ọfiọn̄ June. Ke adade mme ekikere oro ẹnọde ke page 4 (edieke ẹdotde ye efakutom mbufo), dọhọ ẹnam ẹwụt nte ẹkpenọde Enyọn̄-Ukpeme eke July 1 ye Awake! eke July 8. Ke idaha kiet kiet, dọhọ asuanetop oro enyene ibio ibio ufan ufan nneme ke ntọn̄ọ. Tịn̄ ete ke ndinam oro ekeme ndin̄wam ndinam enyeneufọk odu ke ifụre.

Min. 15: Mme udọn̄ n̄kann̄kụk.

Min. 18: “Ukpepn̄kpọ N̄wed Esop—Ntak Emi Iyomde Enye.”c Da mme mbụme oro ẹnọde. Sịn se isịnede ke ibuotikọ oro “N̄wam Esenyịn Ukpepn̄kpọ N̄wed Esop Mbufo,” emi odude ke Utom Obio Ubọn̄ Nnyịn eke November 2002, page 1.

Ikwọ 20 ye akam ediberi.

Urua Ọtọn̄ọde July 5

Ikwọ 3

Min. 10: Mme ntọt n̄kann̄kụk.

Min. 15: Nso ke Afo Edidọhọ? Utịn̄ikọ ye nneme otuowo. Nnyịn idinọ ndiye uduot n̄kpri n̄wed ke July ye August. Ndiye uduot n̄kpri n̄wed ewe ke mme asuanetop ẹkụt nte ẹnyenede ufọn ke efakutom mbufo? Dụn̄ọde mme ekikere oro ẹnọde ke Utom Obio Ubọn̄ Nnyịn eke July 1997, page 4; Utom Obio Ubọn̄ Nnyịn eke October 2003, page 8; mîdịghe da to n̄kani Utom Obio Ubọn̄ efen. Sio wụt ete ke nneme kiet kiet esịne (1) mbụme, (2) itie N̄wed Abasi, ye (3) akpan n̄kpọ ndisio n̄wụt ke n̄wed oro. Dọhọ ẹnam nnamn̄wụt kiet m̀mê iba ẹwụt. Sịn udọn̄ nọ kpukpru owo ndida Bible nnam n̄kpọ ke ini ẹkwọrọde eti mbụk.

Min. 20: Se Nditọwọn̄ Ẹyomde Ẹto Mme Ete ye Eka. Utịn̄ikọ ye nneme otuowo emi ọkọn̄ọde ke Kpep N̄kpọ to Akwa Andikpep, page 6–7. Edi akpan n̄kpọ nditọ ndifiọk mme edumbet Bible oro ẹkarade utuakibuot akpanikọ nnyụn̄ mfiọk akpan udeme oro mme ete ye eka ẹnyenede ke ndinọ ukpep. Neme mme ekikere oro ẹnọde ke ndikpep n̄wed emi. Dọhọ otuowo ẹtịn̄ nte mmọ ẹdade n̄wed un̄wam ukpepn̄kpọ emi ẹnam n̄kpọ. Dọhọ eyenọwọn̄ kiet m̀mê iba ẹtịn̄ se inamde mmọ ẹma n̄wed emi.

Ikwọ 65 ye akam ediberi.

[Mme ikọ idakisọn̄]