Mme Ntọt

◼ Mme n̄wed ẹnọde ke March: Ifiọk Oro Adade Osịm Nsinsi Uwem. Ẹyesịn akpan ukeme nditọn̄ọ mme ukpepn̄kpọ Bible. Edieke edide mme owo ẹma ẹnyenyene n̄wed emi, ẹkeme ndinọ Nọ Ntịn̄enyịn ke Prọfesi Daniel! April ye May: Nọ Enyọn̄-Ukpeme ye Awake! Ke ini afiakde ebịne mbon oro ẹkewụtde udọn̄, emi esịnede mbon oro ẹkedụkde Editi m̀mê mme edinam ukara Abasi eken edi oro mîbuanake ifịk ifịk ye esop, wụk ntịn̄enyịn ke ndinịm n̄wed Tuak Ibuot nọ Abasi. Ẹkpenyene ndisịn ofụri ukeme nditọn̄ọ ukpepn̄kpọ Bible, akpan akpan edieke ndusụk owo ẹma ẹkpekpep n̄wed Ifiọk ye ediye uduot ekpri n̄wed Oyom.

June: Kpep N̄kpọ to Akwa Andikpep. Edieke mme owo ẹdọhọde ke mmimọ inyeneke nditọ, nọ ediye uduot ekpri n̄wed Oyom. Ke ini ọnọde ediye uduot ekpri n̄wed emi, wụk ntịn̄enyịn ke nditọn̄ọ mme ukpepn̄kpọ Bible.

◼ Ọfis n̄kọk itieutom inamke n̄kpọ iban̄a n̄wed oro asuanetop kiet kiet otobode. Esenyịn oro etiede ibuot ekpenyene ndidiomi man ẹnọ ntọt ke ọfiọn̄ kiet kiet mbemiso ẹnọde editobo eke ọfiọn̄ ke ọfiọn̄ oro esop otobode ẹsọk n̄kọk itieutom man kpukpru mbon emi ẹnyenede udọn̄ ndibọ ọkpọkpọ n̄wed ẹkeme ndisian eyenete emi akamade n̄wed. Mbọk ti mme n̄wed ẹbọde ke san̄asan̄a eben̄e.