Ndutịm Esoputom

TỊM FIỌK: Utom Obio Ubọn̄ Nnyịn oyodiomi Esoputom ọnọ urua kiet kiet ke ini akamba mbono. Mme esop ẹkeme ndinam mme ukpụhọde nte ẹyomde man ẹyak ufan̄ ẹnọ edidụk Mbono District “Ẹnọ Abasi Ubọn̄.” Ke ebiet odotde, ẹda minit 15 ke akpatre Esoputom mbemiso ẹdụkde mbono ẹfiak ẹdụn̄ọde akpan item oro ẹkpedade ẹnam n̄kpọ ke n̄kann̄kụk ke esịne-esịt ọfiọn̄ emi. Ke ọfiọn̄ February 2004, ẹyediomi Esoputom ndida ndụn̄ọde mme akpan n̄kpọ akamba mbono oro. Ke nditịm idem nnọ nneme oro, kpukpru nnyịn imekeme ndiwet mme akpan n̄kpọ ke mbono, esịnede mme akpan n̄kpọ oro nnyịn iyomde ndida nsịn ke edinam ke uwem nnyịn ye ke an̄wautom. Do nnyịn iyekeme ndisịn udọn̄ nnọ mbon en̄wen ebe ke ndinam an̄wan̄a nte nnyịn idade mme ekikere oro ẹkenọde isịn ke edinam tọn̄ọ nte ikọnyọn̄ mbono.

Urua Ọtọn̄ọde September 8

Ikwọ 10

Min. 10: Mme ntọt n̄kann̄kụk. Mme ntọt ẹsatde-sat ẹto Utom Obio Ubọn̄ Nnyịn. Ke adade mme ekikere oro ẹnọde ke page 8, dọhọ ẹnam nnamn̄wụt iba oro ẹdide ata idem n̄kpọ ke nte ẹkpenọde Enyọn̄-Ukpeme September 15 ye Awake! September 22. Ke kiet ke otu nnamn̄wụt oro, wụt nte eyen ufọkn̄wed m̀mê ete m̀mê eka ọnọde andikpep ikọ ntiense.

Min. 10: Leta N̄kọk Itieutom. Nneme ke ufọt asuanetop oro ama akanam utom ke anyan ini, ọkpọfọn edi ebiowo, ye ekpri asuanetop. Ekpri asuanetop oro obụp asuanetop oro enyenede mbufiọk mi m̀mê enye okụt leta oro odude ke Utom Obio Ubọn̄ Nnyịn, emi otode ọfis n̄kọk itieutom. Asuanetop oro enyenede mbufiọk mi anam an̄wan̄a nte ke leta n̄kọk itieutom ama esidu ke Utom Obio Ubọn̄ Nnyịn ke mme iduọk isua 1960 ye 1970. Ekem mmọ ẹneme leta oro odude ke akpa page, ẹnyụn̄ ẹsio mme akpan n̄kpọ ẹwụt.

Min. 25: “Mme Uyen—Ẹsịn Eti Itiat Idakisọn̄ Ẹnọ Ini Iso.”a Ebiowo edise aban̄a, adade mme mbụme oro ẹnọde. Ke ini enemede ikpehe ekikere 5, tịn̄ ban̄a idatesịt ye mme edidiọn̄ ẹnyenede ẹto utom uyọhọ ini.

Ikwọ 170 ye akam ediberi.

Urua Ọtọn̄ọde September 15

Ikwọ 199

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke ufọtọfiọn̄ September. Ntọt ibatokụk.

Min. 15: “Ndisop Idem Ọtọkiet man Itoro Jehovah.”b Da mme mbụme oro ẹnọde. Sịn udọn̄ nọ kpukpru owo ndidụk kpukpru ikpehe edinam, ọtọn̄ọde ke usenubọk Friday esịm uwemeyo Sunday. Sọn̄ọ tịn̄ ufọn edida se ikpepde nsịn ke edinam utu ke ndikokop kpọt. Neme “TỊM FIỌK,” emi odude ke enyọn̄ emi, aban̄ade ndutịm oro ẹnamde ẹnọ Esoputom ke February 2004, emi ẹdidụn̄ọrede mme akpan n̄kpọ mbono district. Sịn udọn̄ nọ kpukpru owo ndiwet mme akpan n̄kpọ.

Min. 20: “Ẹda Nsụhọdeidem Ẹsịne.”c Dọhọ otuowo ẹtịn̄ nte mme itie N̄wed Abasi ẹnyenede ebuana.

Ikwọ 58 ye akam ediberi.

Urua Ọtọn̄ọde September 22

Ikwọ 7

Min. 10: Mme ntọt n̄kann̄kụk. Ke adade mme ekikere oro ẹnọde ke page 8, dọhọ ẹnam nnamn̄wụt iba ke nte ẹkpenọde Enyọn̄-Ukpeme October 1 ye Awake! October 8.

Min. 10:  Nnyịn Ikanam Didie Isua Oko? Esenyịn utom odụn̄ọde mme akpan n̄kpọ udọn̄ ẹtode ibatutom esop eke isua utom 2003. Toro esop ke nti utom oro mmọ ẹkenamde.

Min. 10:  “Nịm Mme Ọkpọkpọ Utịtmbuba nọ Obufa Isua Utom.”d Man owụt n̄kọri oro ẹnamde, afo emekeme ndibụp m̀mê odu owo oro ọkọtọn̄ọde ndinọ ibọrọ ke mme mbonoesop, ọkọtọn̄ọde mme ukpepn̄kpọ Bible, okodụkde utom usiakusụn̄ unọ un̄wam ke akpa ini, m̀mê okodụkde utom usiakusụn̄ ofụri ke isua utom oro ekebede.

Min. 15: “Di Uwụtn̄kpọ Nti Utom.”e Da mme mbụme oro ẹnọde. Sọn̄ọ tịn̄ ufọn oro odude ke nditiene ndutịm ufọkidụn̄ oro ẹnamde ke ufọn nnyịn. Nam an̄wan̄a ntak edide akpan n̄kpọ kpukpru owo ndinyene eti edu uwem.

Ikwọ 30 ye akam ediberi.

Urua Ọtọn̄ọde September 29

Ikwọ 194

Min. 5: Mme ntọt n̄kann̄kụk. Ti mme asuanetop ndinọ ibatutom an̄wautom mmọ eke utịtọfiọn̄ September. Siak mme n̄wed ẹnọde ke October.

Min. 10: “ Ndikpep N̄wed Tuak Ibuot nọ Abasi.” Utịn̄ikọ emi esenyịn ukpepn̄kpọ n̄wed ọnọde. Dụri ntịn̄enyịn wụt ndutịm ukpepn̄kpọ. Ke ini enemede ọyọhọ ikpehe ekikere inan̄, sịn mme ikọ ẹtode n̄wed Ufọkn̄wed Utom, page 28, ikpehe ekikere 1, ye page 70.

Min. 15: “Ẹbiomo Ndo—Edi Ẹn̄wụm Mfri.”f Sịn se ẹtịn̄de ẹban̄a nte mbon en̄wen ẹkemede ndin̄wam, ọkọn̄ọde ke Awake! eke August 22, 1990, page 22-23, ke idak ekpri ibuotikọ oro “What Can Be Done?” (Nso ke Ẹkeme Ndinam?)

Min. 15: “Usịnen̄kpọ Eke Owụtde Bụt Owụt Uten̄e Abasi.”g Ebiowo edise aban̄a. Da mme mbụme oro ẹnọde. Nam eyenete oro esikotde n̄wed etịm ọfọn okot kpukpru ikpehe ekikere.

Ikwọ 132 ye akam ediberi.

Urua Ọtọn̄ọde October 6

Ikwọ 170

Min. 10: Mme ntọt n̄kann̄kụk. Ọfiọn̄ emi nnyịn iyesịn san̄asan̄a ukeme nditọn̄ọ mme ukpepn̄kpọ Bible. Dụn̄ọde ibio ibio se idude ke Utom Obio Ubọn̄ Nnyịn eke May 2002, page 1, ikpehe ekikere 1.

Min. 15: “Kụt Ete Imenịm Mme Ebe Iso N̄kpọ Ke Akpa!” Utịn̄ikọ ye nneme otuowo ọkọn̄ọde ke ibuotikọ emi ke Enyọn̄-Ukpeme eke September 1, 1998, page 19-21. Siak mme usenọfiọn̄ oro ẹdiomide mme edinam ukara Abasi oro ẹdidade itie ke mme ọfiọn̄ oro ẹdide ke iso, nyụn̄ sịn udọn̄ nọ kpukpru owo ndisịn idiọn̄ọ ke mme usenọfiọn̄ emi ke n̄wed usenọfiọn̄ mmọ. Dọhọ otuowo ẹtịn̄ se mmọ ẹsinamde man ẹkûtaba mme ndutịm eke spirit.

Min. 20: Ndibiọn̄ọ Mfịghe Ubọkn̄ka. Nam ndụn̄ọde ye ebiowo m̀mê asan̄autom unamutom emi ẹkebọkde ke ubon Christian. Tịn̄ ban̄a mme akpan n̄kpọ oro ẹsatde ẹto Enyọn̄-Ukpeme eke February 15, 2003. Nso mfịghe ke eyenete emi okosobo ke ufọkn̄wed? (p. 24 ikp. eki. 3; p. 25 ikp. eki. 4-5) Ndi ndiọi edu mbon en̄wen ẹma ẹtụk enye? (p. 26 ikp. eki. 4-6) Nte akwa owo, ndi enye ke osụk ososobo mfịghe ubọkn̄ka? Nso in̄wam enye ndibiọn̄ọ ediyak idem nnọ mfịghe ubọkn̄ka? Ke ibio ibio utịn̄ikọ ediberi ọkọn̄ọde ke Enyọn̄-Ukpeme eke August 1, 1999, page 24-25, wụt ufọn edinyene nti nsan̄a.

Ikwọ 26 ye akam ediberi.

[Mme ikọ idakisọn̄]