Ndutịm Esoputom

Urua Ọtọn̄ọde June 9

Ikwọ 81

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Ke adade mme ekikere oro ẹnọde ke page 8, dọhọ ẹnam nnamn̄wụt iba ke nte ẹkpenọde Enyọn̄-Ukpeme June 15 ye Awake! June 22. Ke idaha kiet kiet, ẹkpenyene ndidian magazine mbiba nnọ, okposụkedi ẹditịn̄de n̄kpọ ẹban̄a kiet. Kot itie N̄wed Abasi ke nnamn̄wụt kiet kiet.

Min. 18: “Usụn̄ Oro Adade Esịm Nsinsi Uwem—Nte Afo Omokụt Enye?” Utịn̄ikọ ye nneme otuowo emi esenyịn utom esede aban̄a. Wụt mme usụn̄ oro obufa ediye uduot ekpri n̄wed emi edinyenede uforo ke efakutom esop mbufo ye ke ndida nnịm mme ukpepn̄kpọ Bible. Sịn nnamn̄wụt eke enyịnusụn̄ ke enyịnusụn̄ emi edide minit ita, adade ukpepn̄kpọ kiet ke ediye uduot ekpri n̄wed emi ye itie N̄wed Abasi kiet emi enyenede ebuana ke ibuot nneme oro. Sịn udọn̄ nọ nditọete ndisuan nnyụn̄ nda obufa ediye uduot ekpri n̄wed emi nnam n̄kpọ ntatara ntatara, emi ẹtịmde akpan akpan ẹnọ an̄wautom Africa.

Min. 17: “Edikpọn̄ Utom Idịbi Udia—Usụn̄ Adade Esịm Ntatara Utom?”a Ke ekemede, nam ibio ibio ndụn̄ọde ye asuanetop oro adade ini oro ọkpọn̄de utom idịbi udia anam ekese ke utom Jehovah. Bụp m̀mê mme ukpụhọde ewe ke enye anam ye mme edidiọn̄ oro enye ọbọde nte utịp.

Ikwọ 190 ye akam ediberi.

Urua Ọtọn̄ọde June 16

Ikwọ 55

Min. 8: Mme ntọt n̄kann̄kụk. Ntọt ibatokụk. Ti mme asuanetop ndinọ ibatutom an̄wautom eke ufọtọfiọn̄ June.

Min. 12: Mme udọn̄ n̄kann̄kụk.

Min. 25: “Sịn Ifịk ke ‘Ndinọ Ọyọhọ Ikọ Ntiense.’”b Da mme mbụme oro ẹnọde. Ke ama ekeneme ikpehe ekikere 5 ye 6, sịn ibio ibio nnamn̄wụt ndiwụt nte ẹnọde anyam ufọkurua ikọ ntiense ido nneme ẹnyụn̄ ẹnọde tract oro Nte Afo Akpama Ndifiọk N̄kpọ Efen Efen Mban̄a Bible? Mbemiso enemede ikpehe ekikere 7 ye 8, dọhọ ẹkot mmọ.

Ikwọ 131 ye akam ediberi.

Urua Ọtọn̄ọde June 23

Ikwọ 95

Min. 10: Mme ntọt n̄kann̄kụk. Ke adade mme ekikere oro ẹnọde ke page 8, dọhọ ẹnam nnamn̄wụt iba ke nte ẹkpenọde Enyọn̄-Ukpeme July 1 ye Awake! July 8. Ke idaha kiet kiet, ẹkpenyene ndidian magazine mbiba nnọ, okposụkedi ẹditịn̄de n̄kpọ ẹban̄a kiet. Ke kiet ke otu nnamn̄wụt emi, wụt nte asuanetop ọnọde ikọ ntiense efak.

Min. 20: Nso ke Ẹkeme Ndinam Mban̄a Mmemidem? Utịn̄ikọ ye nneme otuowo emi ọkọn̄ọde ke Enyọn̄-Ukpeme eke November 15, 1999, page 28-29, tutu esịm ekpri ibuotikọ oro “Ndika Iso Nnyene Eti Ido.” Dụn̄ọde nti ekikere ye item N̄wed Abasi. Bem iso diomi man asuanetop kiet m̀mê iba oro ẹsọn̄de idem ẹtịn̄ se in̄wamde mmọ ndika iso n̄kop idatesịt ke utom ukwọrọikọ mmọ.

Min. 15: “Ndikwọrọ Ikọ ke Ererimbot Oro Akade-Ka Iso Ndikpụhọde.”c Ke ini enemede ikpehe ekikere 2-3, bụp otuowo m̀mê ewe n̄kpọntịbe ndondo emi ke ẹkeme ndida ntọn̄ọ nneme ke efakutom n̄kann̄kụk. Ke ini enemede ikpehe ekikere 4, nam ibio ibio nnamn̄wụt, adade kiet ke otu nneme oro ẹwụtde do.

Ikwọ 15 ye akam ediberi.

Urua Ọtọn̄ọde June 30

Ikwọ 3

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom mmọ eke utịtọfiọn̄ June. Dụn̄ọde mme n̄wed ẹnọde ke July ye August. Wụt ndiye uduot n̄kpri n̄wed iba emi ẹdude ke itie ubonn̄wed n̄kann̄kụk. Dọhọ ẹnam nnamn̄wụt oro ẹketịmde idem nte ọfọnde ke nte ẹkpenọde mmọ ke an̄wautom.

Min. 15: “Utom Ukwọrọikọ Christian—Akpan Utom Nnyịn.”d Sịn udọn̄ nọ mme uyen ete ẹkere ẹban̄a mme edidiọn̄ oro mmọ ẹkemede ndinyene ke ndidụk utom uyọhọ ini. Sịn se ẹtịn̄de ke idak ekpri ibuotikọ oro “Ke ini Ido Obio Atuahade ye Ubieresịt,” ke Enyọn̄-Ukpeme eke November 1, 2000, page 19-20.

Min. 20: Da Ikọ Abasi Kwọrọ Obio Ubọn̄ Uforo Uforo. Nneme otuowo emi ebiowo esede aban̄a. Nnyịn imesidomo ndibuana ekikere N̄wed Abasi oro ọbọpde-bọp kaban̄a Obio Ubọn̄ ye kpukpru owo oro nnyịn isobode ke utom ukwọrọikọ nnyịn. Nte ededi, oyom inam se ikande ikpîkpu edikot mme itie Bible. Oyom nnyịn inam an̄wan̄a, inọ uwụtn̄kpọ, inyụn̄ ibuan mmọ. Wụt nte ẹkemede ndinam emi, adade nte uwụtn̄kpọ ndusụk itie N̄wed Abasi oro ẹsiakde ẹsịn ke n̄wed Reasoning, page 154-155, ke idak ekpri ibuotikọ oro ẹwetde ke sịghisịghi ubọkn̄wed do, “Human rulers are not providing what mankind urgently needs.” Ke nneme oro okụrede, dọhọ asuanetop oro ama eketịm idem ọfọn anam owụt nte ẹkpedade itie N̄wed Abasi ẹnam n̄kpọ uforo uforo ke mfiakn̄ka, anamde an̄wan̄a ibio ibio, ọnọde mmemmem uwụtn̄kpọ, onyụn̄ abuande itie N̄wed Abasi oro ibio ibio, emi owụtde enyeneufọk nte ukara Obio Ubọn̄ edidade ufọn ọsọk enye ọkpọkpọ. Dọhọ asuanetop ọtọn̄ọ nnamn̄wụt ke ndikot itie N̄wed Abasi. Ke nnamn̄wụt oro okụrede, dụn̄ọde nte ẹkenamde itien̄wed oro an̄wan̄a, nte ẹkenọde uwụtn̄kpọ, ẹkenyụn̄ ẹbuande. Sịn udọn̄ nọ kpukpru owo ndikọri ukeme ndida Ikọ Abasi nnam n̄kpọ uforo uforo.

Ikwọ 171 ye akam ediberi.

Urua Ọtọn̄ọde July 7

Ikwọ 165

Min. 5: Mme ntọt n̄kann̄kụk.

Min. 15: Mme ifiọkutom n̄kann̄kụk. Bụk mîdịghe fiak nam mme ifiọkutom oro mme asuanetop n̄kann̄kụk ẹnyenede wụt ke ini (1) ẹnọde mbon emi ẹtode nsio nsio ekpụk m̀mê mme owo oro ẹsemde mme usem en̄wen, ikọ ntiense m̀mê (2) ẹnọde ikọ ntiense ke mme idaha oro mîdịghe utom eke ufọk ke ufọk m̀mê utom efak. Sịn udọn̄ nọ kpukpru owo ndida ekpri n̄wed Good News for All Nations ye babru Please Follow Up (S-43) nnam n̄kpọ ke eti usụn̄ ke ini mmọ ẹsobode ye mbon oro ẹsemde usem en̄wen.—Se Utom Obio Ubọn̄ Nnyịn eke September 1999, page 2, Mme Ntọt.

Min. 25: “Ndinam Ẹdiọn̄ọ Enyịn̄ Abasi.”e Da mme mbụme oro ẹnọde. Ke ini enemede ikpehe ekikere 4, sịn se ẹtịn̄de ke ekebe oro “Making Known the Name of God,” oro ẹkụtde ke page 124 ke n̄wed Proclaimers. Dọhọ asuanetop oro enyenede ukeme anam mfiakn̄ka owụt. Ke adade itie N̄wed Abasi iba m̀mê ita ke n̄wed Reasoning, page 196-197, wụt ntak edide akpan n̄kpọ ndifiọk nnyụn̄ n̄kot ọkpọkpọ enyịn̄ Abasi.

Ikwọ 197 ye akam ediberi.

[Mme ikọ idakisọn̄]