Ndutịm Esoputom

Urua Ọtọn̄ọde March 10

Ikwọ 5

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Ke adade mme ekikere ẹnọde ke page 8 dọhọ ẹnam ẹwụt nte ẹkpenọde Enyọn̄-Ukpeme March 15 ye Awake! March 22. Ke nnamn̄wụt kiet kiet, ẹkpenyene ndidian magazine mbiba nnọ, okposụkedi ẹditịn̄de n̄kpọ ẹban̄a kiet.

Min. 15: Dụn̄ọde N̄wed Tuak Ibuot nọ Abasi. Utịn̄ikọ ye nneme otuowo. Nam ndutịm uda obufa n̄wed emi nnam n̄kpọ nte udiana n̄wed ukpepn̄kpọ an̄wan̄a. (km-EF 6/00 p. 4 ikp. eki. 5-6) Dọhọ otuowo ẹtịn̄ ikpehe oro mmọ ẹmade ke n̄wed emi. Wụt nte ke ndusụk ikpehe ke n̄wed emi ẹnyene mme mbụme ye mme itie N̄wed Abasi ndinam eyen ukpepn̄kpọ enen̄ede ekere aban̄a Ikọ Abasi. Neme uwụtn̄kpọ oro ẹkụtde ke page 47-49, ikpehe ekikere 13.

Min. 20: “Nyene Ọkpọsọn̄ Udọn̄ Ndinam Eti Ido!”a (Ikpehe ekikere 1-12) Ke ẹma ẹkeneme ikpehe ekikere 6, nam ibio ibio nnamn̄wụt ke nte asuanetop adade n̄wedikot Editi ọnọ iman, mbọhọidụn̄, nsan̄a ufọkn̄wed, m̀mê nsan̄autom ikot edi Editi. Edieke owo mîdemeke n̄wedikot kan̄a, ẹkpenyene ndideme ke mbono esop efen.

Ikwọ 19 ye akam ediberi.

Urua Ọtọn̄ọde March 17

Ikwọ 34

Min. 10: Mme ntọt n̄kann̄kụk. Ntọt ibatokụk. Ti kpukpru owo ndinọ ibatutom an̄wautom eke ufọt ọfiọn̄ March.

Min. 15: Ndibọ Ufọn nto 2003 Yearbook. Utịn̄ikọ ye nneme otuowo. Neme mme akpan n̄kpọ ke “Leta Otode Otu Ukara” oro akasan̄ade ye Utom Obio Ubọn̄ Nnyịn eke February 2003. Nọ ekikere ke nte nnyịn ikemede ndimen mbufa owo n̄wụt esop Jehovah nnyụn̄ nsịn udọn̄ nnọ mmọ ndidụk mme mbono esop.

Min. 20: “Nyene Ọkpọsọn̄ Udọn̄ Ndinam Eti Ido!”b (Ikpehe ekikere 13-26) Esenyịn oro etiede ibuot edise aban̄a. Ke ini enemede ikpehe ekikere 14, dọhọ ẹnam ẹwụt nte ebiowo esịnde udọn̄ ọnọ eyenete emi edide owo n̄kpọnnam, ebiowo emi ke mfọnido anam an̄wan̄a nte eyenete oro ekemede nditiene esop nnam n̄kọri ke ini Editi.

Ikwọ 53 ye akam ediberi.

Urua Ọtọn̄ọde March 24

Ikwọ 72

Min. 10: Mme ntọt n̄kann̄kụk. Ke adade mme ekikere ẹnọde ke page 8, nam wụt nte ẹkpenọde Enyọn̄-Ukpeme April 1 ye Awake! April 8.

Min. 15: Mme udọn̄ n̄kann̄kụk.

Min. 20: Mme Ntiense Jehovah—Ẹnam Mme Owo Ẹfọn ke Obio. Utịn̄ikọ ye nneme otuowo. Ndusụk ini nnyịn imesinyene ifet ndiwụt nte utom ukwọrọikọ ye mme uwụtn̄kpọ oro nnyịn inịmde ẹnyenede ufọn ẹnọ mme owo. Dọhọ otuowo ẹtịn̄ ẹban̄a mme akpan n̄kpọ oro ẹtienede mi: (1) Nnyịn imekpep mme owo ẹda mme idaha Bible kaban̄a eti ido uwem ẹdu uwem. (2) Nnyịn imekpep mme owo ndinam akpanikọ nnyụn̄ n̄wụt ukpono nnọ odudu ukara. (3) Nnyịn imekpep edidianakiet ke ufọt nsio nsio orụk, idụt, ye n̄ka. (4) Nnyịn iman̄wam mme owo ẹfori uwem ubon mmọ ebe ke ndisịn udọn̄ nnọ mmọ ndinịm mme edumbet Bible. (5) Nnyịn imekpep ediwak tọsịn owo ndikot n̄wed nnyụn̄ n̄wet n̄kpọ. (6) Nnyịn imesisịn ukeme ndin̄wam mbon en̄wen ke mme ini afanikọn̄. (7) Nnyịn iman̄wam ke ndinam kpukpru owo ẹnyene ifụre ido ukpono.—Se n̄wed Proclaimers, page 699.

Ikwọ 121 ye akam ediberi.

Urua Ọtọn̄ọde March 31

Ikwọ 130

Min. 12: Mme ntọt n̄kann̄kụk. Ti kpukpru owo ndinọ ibatutom an̄wautom eke utịtọfiọn̄ March. Siak mme n̄wed ẹnọde ke April, nen̄ede nam ẹfiọk nte ke ẹkpenyene ndisịn san̄asan̄a ukeme ndida n̄wed Tuak Ibuot nọ Abasi ntọn̄ọ ukpepn̄kpọ Bible ye mbon oro ẹkekpepde n̄wed Ifiọk ye ediye uduot ekpri n̄wed Oyom. Neme mme akpan n̄kpọ ke “Se Ẹtide Owo Ẹban̄a Editi.”

Min. 13: Mme ifiọkutom n̄kann̄kụk. Dọhọ esop ẹbụk mme ifiọkutom oro mmọ ẹkenyenede ke ini n̄kọri oro akadade itie ke March. Toro mmọ ban̄a mme ukeme oro mmọ ẹkesịnde, nyụn̄ sịn udọn̄ nọ kpukpru owo ndibuana ọyọhọ ọyọhọ nte mme idaha mmọ ẹyakde ke April.

Min. 20: “Jehovah Odot nte Ẹtorode Etieti.”c Wụt nte Editi edide akpan n̄kpọ. Wụt nte kpukpru owo ẹkemede ndin̄wam mme owo ndidụk. Nam an̄wan̄a se ẹkemede ndinam man ẹn̄wam mbon oro mîwọrọke an̄wautom aba ndifiak ntọn̄ọ. Dọhọ otuowo ẹbụk akama-nsịnudọn̄ ifiọkutom ekededi oro mmọ ẹkenyenede ke usọrọ isua oko.

Ikwọ 173 ye akam ediberi.

Urua Ọtọn̄ọde April 7

Ikwọ 191

Min. 10: Mme ntọt n̄kann̄kụk. Neme “Editi—Ini Ndinen̄ede Ntie N̄kere N̄kpọ.”

Min. 15: Nte Ẹkpedade N̄wed Abasi Ẹkọk Ibuot. Nneme otuowo. Didie ke nnyịn ikeme ndifori ukeme nnyịn ndikọk ibuot uforo uforo ye mme owo ke an̄wautom? (1) Kọ nnennen ifiọk N̄wed Abasi ebe ke ọkpọkpọ ukpepn̄kpọ ye edidụk mme mbono esop kpukpru ini. (2) Tie kere se afo ekpepde, yom akpanikọ to nsio nsio idaha ekikere. (3) Kûyom n̄kukụre nte ẹnamde itie N̄wed Abasi an̄wan̄a edi yom n̄ko mme ntak N̄wed Abasi kaban̄a edinam an̄wan̄a oro. (4) Kere ban̄a nte afo edinamde mme itie N̄wed Abasi ẹn̄wan̄a nsio nsio orụk owo. (5) Kere ban̄a nte afo edinamde ndusụk akpan n̄kpọ ẹn̄wan̄a.

Min. 20: “Nte Akpanikọ Anamde Nnyịn Iwọrọ Ufụn.”d Sịn se idude ke ekebe oro odude ke page 6 ke Enyọn̄-Ukpeme eke October 1, 1998. Dọhọ otuowo ẹtịn̄ nte akpanikọ eke Ikọ Abasi anamde mmọ ẹwọrọ ufụn.

Ikwọ 217 ye akam ediberi.

[Mme ikọ idakisọn̄]