Se Ẹkpetịn̄de Ẹban̄a Mme Magazine

Enyọn̄-Ukpeme Dec. 15

“Ke ini ntem ke isua, ediwak owo ẹsikere ẹban̄a emana Jesus. Nte ọmọfiọk ke nti n̄kpọ ẹdu oro ikemede ndikpep nto mbụk Bible aban̄ade emana esie? [Bet ibọrọ. Ekem kụbọde ka page 5, nyụn̄ kot 2 Timothy 3:16.] Nsiondi Enyọn̄-Ukpeme emi eneme ndusụk n̄kpọ oro ikemede ndikpep.”

Awake! Dec. 22

“Ndi afo emekere ke mme ete ye eka ẹnyene ntak nditịmede esịt mban̄a nte afai afai unọ idem inemesịt ekemede nditụk nditọ mmọ? [Bet ibọrọ.] Ediwak ete ye eka ẹyak ufan̄ikọ Bible emi ọnọ mmọ ndausụn̄. [Kot Psalm 11:5.] Nsiondi Awake! emi an̄wam mme ubon ndidụn̄ọde mme n̄kpọndịk oro mme mbre ilektrọnik ẹkamade.”

Enyọn̄-Ukpeme Jan. 1

“Ke ini mme owo ẹtabade owo ima ke n̄kpa m̀mê ẹsobode ndutụhọ ke ntak udọn̄ọ, mmọ ẹsiwak ndikere, ‘Ntak emi Abasi ayakde emi etịbe?’ Eyedi afo emesibụp ukem mbụme emi. Bible owụt nte ke Abasi ekere aban̄a mbon oro ẹbọde ndutụhọ. [Kot Isaiah 63:9.] Magazine emi anam an̄wan̄a ntak emi nnyịn ikemede ndinịm ke akpanikọ nte ke Abasi ayada utịt ọsọk ndutụhọ.”

Awake! Jan. 8

“Nte afo emekere ke ukara ekpenyene ndibiọn̄ọ ifụre owo ndinyene nneme? [Bet ibọrọ.] Nso edieke oro abuanade edineme nneme ye mbon en̄wen mban̄a ido ukpono, nte enye oro ikotde iban̄a mi? [Kot Utom 28:30, 31.] Ke ndondo emi, ẹma ẹbụp mbụme emi ke N̄kponn̄kan Esopikpe United States. Mmesịn udọn̄ nnọ fi ndikot mban̄a oro ke nsiondi Awake! emi.”