Ndutịm Esoputom

Urua Ọtọn̄ọde February 11

Ikwọ 6

Min. 12: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Sịn udọn̄ nọ kpukpru owo ndikot m̀mê ndidụn̄ọde Genesis 6:1 esịm 9:19 ndinyụn̄ nse vidio oro Noah—He Walked With God ke nditịm idem nnọ nneme ke Esoputom eke urua February 18.

Min. 20: “Kwọrọ Ikọ Abasi Ọyọhọ Ọyọhọ.”a (Ikpehe ekikere 1-13) Esenyịn oro etiede ibuot edise aban̄a. Ufiop ufiop nneme kaban̄a se nnyịn iyomde ndinam ke March ye ke oro ebede. Kpukpru owo ẹkpenyene ndida n̄wed usenọfiọn̄ oro ẹnọde ke esịne-esịt nnam eti ndutịm ndibuana adan̄a nte ẹkekeme ke utom ukwọrọikọ ke March. Sịn udọn̄ nọ kpukpru owo emi ẹkemede ẹnam utom usiakusụn̄ unọ un̄wam ke ọfiọn̄ oro. Ke ini enemede ikpehe ekikere 7-8, dọhọ mbon oro ẹkesiakde usụn̄ ke ini Editi isua oko ẹtịn̄ mme edidiọn̄ oro mmọ ẹkenyenede. Tọt nte ke mme n̄wed eben̄e utom usiakusụn̄ unọ un̄wam ẹyedu ke mbono esop emi asuanade.

Min. 13: Neme “Obufa Ndutịm Usen Akpan Mbono.” Tọt usenọfiọn̄ Usen Akpan Mbono, nyụn̄ sịn udọn̄ nọ kpukpru owo ndidụk ofụri ndutịm oro. Sịn udọn̄ nọ mme asuanetop ndikot mbufa mbon oro ẹnyenede udọn̄ ye nditọ ukpepn̄kpọ Bible ndidụk.

Ikwọ 49 ye akam ediberi.

Urua Ọtọn̄ọde February 18

Ikwọ 95

Min. 10: Mme ntọt n̄kann̄kụk. Ntọt ibatokụk.

Min. 15: “Kpukpru Owo Ẹkeme Ndikpep N̄kpọ nto Vidio Oro Noah—He Walked With God.” Tọn̄ọ nneme nnennen nnennen ke vidio Noah ye otuowo, adade sụk mme mbụme oro ẹnọde ke ekebe oro odude ke page emi. Ke April nnyịn ididụn̄ọde vidio oro Young People Ask—How Can I Make Real Friends? Mîdịghe, neme “Nte Afo Emese Mbon Afai nte Abasi Esede?” Oto Enyọn̄-Ukpeme eke April 15, 2000, page 26-29.

Min. 20: “Kwọrọ Ikọ Abasi Ọyọhọ Ọyọhọ.”b (Ikpehe ekikere 14-23) Esenyịn utom edise aban̄a. Dụn̄ọde akpan ndutịm oro ẹnamde ke n̄kann̄kụk nditat utom ke March. Tịn̄ ofụri ndutịm mbono an̄wautom oro ẹdiomide ẹnọ ọfiọn̄ oro. Wụk ntịn̄enyịn ke ndinam mbon oro mîkanamke utom aba ẹfiak ẹnam utom ndinyụn̄ n̄n̄wam nditọwọn̄ ye nditọ ukpepn̄kpọ Bible ẹdot nte mme asuanetop oro mînaha baptism. Tọt enyịn̄ mbon oro ẹsịnde enyịn̄ ndinam utom nte mme asiakusụn̄ unọ un̄wam ke March, nyụn̄ sịn udọn̄ nọ mme owo efen efen ẹkere ẹban̄a ke akam man ẹtiene ẹbuana.

Ikwọ 215 ye akam ediberi.

Urua Ọtọn̄ọde February 25

Ikwọ 174

Min. 15: Mme ntọt n̄kann̄kụk. Nam mbio mbio nneme magazine iba wụt—kiet ẹdade Enyọn̄-Ukpeme March 1 ye eken ẹdade Awake! March 8. Dọhọ uyen anam kiet ke otu mmọ owụt. Ti mme asuanetop ndinọ ibatutom an̄wautom eke February.

Min. 30: “Nte Afo ke Anam Se Ekekpepde ke Mbono District ‘Mme Andikpep Ikọ Abasi?’” Nneme otuowo ke ndutịm mbono district, emi ada Ukpepn̄kpọ Enyọn̄-Ukpeme esede aban̄a. Ke ama akada minit kiet etịn̄ ntọn̄ọikọ, da minit 8-10 neme ndutịm usen kiet kiet. Tịn̄ mme akpan n̄kpọ ke idak ekpri ibuotikọ kiet kiet mbio mbio, ndien ekem dọhọ otuowo ẹtịn̄ (1) nte mmọ ẹdomode ndida item oro nsịn ke edinam, (2) ufọn oro mmọ ẹbọde ke ndinam ntre, ye (3) n̄kpọ efen efen oro mmọ ẹkerede ke oyom mmimọ inam. Da mme mbụme oro ẹnamde owo ẹkere n̄kpọ sịn udọn̄ nọ inem inem nneme. N̄wam kpukpru owo ẹfiọk ufọn edida se mmọ ẹkekpepde nsịn ke edinam.

Ikwọ 151 ye akam ediberi.

Urua Ọtọn̄ọde March 4

Ikwọ 207

Min. 5: Mme ntọt n̄kann̄kụk.

Min. 12: “Se Ẹkpetịn̄de Ẹban̄a Mme Magazine.” Bụp mme asuanetop nte ikpehe emi ke Utom Obio Ubọn̄ Nnyịn an̄wamde mmọ ndinen̄ede ndu ke mben̄eidem ndiyịri ibuotikọ ye mme n̄kpọntịbe oro ẹkamade afanikọn̄ ke ndiọkeyo emi. Nso ifiọkutom ke ndusụk owo ẹkenyene ke ndida ndọn̄esịt nsọk mme owo nnyụn̄ n̄n̄wam mmọ ẹnyene mme ibọrọ Bible ke mme mbụme oro ẹtịmerede owo? Ke ibio ibio nnamn̄wụt iba, dọhọ ẹwụt nte ẹkpenọde Enyọn̄-Ukpeme February 15 ndien ekem Awake! February 22.

Min. 12: Da N̄wed Ifiọk Tọn̄ọ Ukpepn̄kpọ. Ke March nnyịn iyom ndisịn san̄asan̄a ukeme nditọn̄ọ mme ukpepn̄kpọ Bible. Bụk ifiọkutom oro odude ke Utom Obio Ubọn̄ Nnyịn eke December 2000, page 3, ikpehe ekikere 8 ibio ibio. Edieke owo ọtọn̄ọde ukpepn̄kpọ ke n̄wed Ifiọk ke ndondo emi, nam wụt nte ẹkesan̄ade ẹtọn̄ọ. Ti kpukpru owo ban̄a “Mme Ekikere Kaban̄a Edinọ N̄wed Ifiọk,” odude ke esịne-esịt Utom Obio Ubọn̄ Nnyịn eke January 2002. Da n̄wed oro nam kiet ke otu ekikere emi ẹdude ke page 6 ke esịne-esịt ke idak ibuotikọ oro “Nnennen Nneme,” wụt.

Min. 16: “Ntak Emi Akade Iso Ndikwọrọ Ikọ?”c Beri ke ndinam ndụn̄ọde ye asuanetop kiet m̀mê iba oro ẹkade iso ndikwọrọ ikọ ke ata ediwak isua. Dọhọ mmọ ẹtịn̄ nte etiede mmọ ke idem ye ntak emi mmọ ẹsụk ẹsịnde ifịk ẹnam utom emi ye nte enye adade ufọn ọsọk mmọ.

Ikwọ 223 ye akam ediberi.

[Mme ikọ idakisọn̄]