Edifiak-ndụn̄ọde Eke Ufọkn̄wed Utom Ukara Abasi

Edifiak-ndụn̄ọde ẹkịbide-kịbi n̄wed, esịnede se ẹkenọde ẹnam ke Ufọkn̄wed Utom Ukara Abasi ke mme urua May 7 esịm August 20, 2001. Kama san̄asan̄a ikọn̄n̄wed da wet ibọrọ ke adan̄a ediwak mbụme nte afo ekekeme ke ini oro ẹnọde.

[Tịm fiọk: Ke ini edifiak-ndụn̄ọde emi, emekeme ndikama Bible kpọt mbọrọ mbụme ekededi. Mme n̄wed ndụn̄ọde oro ẹtienede mme mbụme ẹdi kaban̄a ọkpọkpọ ndụn̄ọde fo. Ekeme ndidi mme nọmba page ye ikpehe ekikere ididụhe ke kpukpru se ẹdade ẹto Enyọn̄-Ukpeme.]

Bọrọ m̀mê mme utịn̄ikọ ẹtienede mi ẹdi Akpanikọ m̀mê Nsu:

1. Akam oro ẹtịn̄de ẹban̄a ke Nehemiah 2:4 ekedi akam akpatre minit eke ini nnanenyịn. [Edikot Bible eke urua ke urua; se w86-EF 6/1 p. 21 ikp. eki. 8.]

2. Ẹkabade ikọ oro “esop” ẹto iko Greek oro ek·kle·siʹa, se isịnede ke ikọ oro edi ekikere edidianakiet ye un̄wam edem mbiba. [w99-EF 5/15 p. 25 ikp. eki. 4]

3. Itie apostle Paul nte eyenisọn̄ Rome ama ayak enye an̄wana ọnọ utom ukwọrọikọ oro enye akanamde ke n̄kan̄ ibet onyụn̄ ada eti mbụk aka iso ikpọ mbon ukara ke Obio Ukara Rome. (Utom 16:37-40; 25:11, 12) [w99-EF 5/15 p. 31 ikp. eki. 2]

4. Ke ini Job okodude uwem, enye ekedi n̄kukụre owo oro akanamde akpanikọ ọnọ Jehovah. (Job 1:8) [Edikot Bible eke urua ke urua; se w92-EF 8/1 p. 31 ikp. eki. 3-4.]

5. Saul, m̀mê Paul, ndikese mban̄a idemesie ebe ke ndinam ufọk-ọfọn̄ ama owụt nte ke enye ekenyene usụhọde idaha ke uwem. (Utom 18:2, 3) [w99-EF 5/15 p. 30 ikp. eki. 2–​p. 31 ikp. eki. 1]

6. Okposụkedi David akanamde ikpọ idiọkn̄kpọ, Jehovah ama ekeme nditịn̄ ete ke enye ‘ekebịne imọ ke ofụri esịt esie’ ke ntak nti edu ye edikabade esịt David. (1 Ndi. 14:8) [w99-EF 6/15 p. 11 ikp. eki. 4]

7. Ibọhọke n̄kpọ oro ikọn̄wọn̄ọde ikemke ye N̄wed Abasi, nnyịn ikpenyene ndisịn ofụri ukeme nnyịn ndinam mme un̄wọn̄ọ nnyịn idem ọkpọkọm ke ukperedem ikụtde ite ke ndinam oro edi ọkpọsọn̄ n̄kpọ. (Ps. 15:4) [Edikot Bible eke urua ke urua; se w89-EF 9/15 p. 28 ikp. eki. 5.]

8. Psalm 22:1 owụt nte ke David ama ọduọk mbuọtidem esie ke ibio ini ke idak mfịghe. [Edikot Bible eke urua ke urua; se w86-EF 8/15 p. 26 ikp. eki. 19.]

9. Esther ama owụt ido oro enyenede iso obụt ke nditre ndiyom n̄kpọuto m̀mê ndiye ọfọn̄idem mbemiso adade ke iso edidem. Enye ama ayak se enye edide ke esịt idem esie, ye “sụn̄sụn̄ spirit” ẹbọ unyịme edidem. (Esther 2:15; 1 Pet. 3:1-5) [Edikot Bible eke urua ke urua; se w86-EF 7/1 p. 27 ikp. eki. 10.]

10. Okposụkedi mme idiọkowo ẹforode, nnyịn ikpenyeneke ndisịn enyịn nnyụn̄ n̄n̄wana ndikpebe mmọ. Utu ke oro, nnyịn ikpenyene ‘ndidop uyo nnọ Jehovah,’ idịghe ndikụt ndudue, edi, utu ke oro, isụhọde idem iberi edem ke enye ndinam n̄kpọ ke ibuot nnyịn ke ekemini esie. (Ps. 37:5, 7) [Edikot Bible eke urua ke urua; se w86-EF 8/15 p. 27 ikp. eki. 17.]

Bọrọ mme mbụme ẹtienede mi:

11. Didie ke Ezra ye mbon oro ẹken̄wamde enye ‘ẹkesiak’ Ibet? (Neh. 8:8) [Edikot Bible eke urua ke urua; se w86-EF 6/1 p. 22 ikp. eki. 5.]

12. Nso isụn̄ọ ke edinyene “idatesịt Jehovah”? (Neh. 8:10) [Edikot Bible eke urua ke urua; se w86-EF 6/1 p. 22 ikp. eki. 10.]

13. Ntak emi ẹkekọmde ‘mbon oro ẹkedụn̄de ke Jerusalem ke unyịmesịt’? (Neh. 11:2) [Edikot Bible eke urua ke urua; se w86-EF 6/1 p. 22 ikp. eki. 13.]

14. Ntak emi Esther ekebịghide nditọt edidem mban̄a akpan uduak esie? (Esther 5:6-8) [Edikot Bible eke urua ke urua; se w86-EF 7/1 p. 27 ikp. eki. 18.]

15. Ke eyo Job, nso akpan eneni ke Satan ekedemede? (Job 1:6–2:8) [Edikot Bible eke urua ke urua; se w94-EF 11/15 p. 11 ikp. eki. 5.]

16. Ntak emi item Eliphaz ọkọnọde Job iduọesịt utu ke ndisịn udọn̄ nnọ enye? (Job 21:34; 22:2, 3) [Edikot Bible eke urua ke urua; se w95-EF 2/15 p. 27 ikp. eki. 5-6.]

17. Nso idi psalm? [w86-EF 8/15 p. 26 ikp. eki. 1]

18. Nso “ikpîkpu n̄kpọ” ke mme idụt ẹkeka iso ‘ndikere’ nte ẹwetde ke Psalm 2:1? [Edikot Bible eke urua ke urua; se w86-EF 8/15 p. 26 ikp. eki. 5.]

19. Nso eti ukpepn̄kpọ aban̄ade unana asari ke nnyịn ikeme ndikpep nto utom ukwọrọikọ Philip oro akabuanade mbon Samaria ye akwa owo ukara Ethiopia? (Utom 8:6-13, 26-39) [w99-EF 7/15 p. 25 ikp. eki. 2]

20. Didie ke Job akanam an̄wan̄a nte ke imenịm ke akpanikọ nte ke Abasi ekeme ndinam imọ iset, oro imọ ikadade nte itie edidịbe mbọhọ mme mfịna imọ? (Job 14:7, 13-15) [Edikot Bible eke urua ke urua; se w00-EF 5/15 p. 27 ikp. eki. 7–p. 28 ikp. eki. 1.]

Dọn̄ (mme) ikọ m̀mê ubak udịmikọ ẹyomde man ẹyọhọ mme utịn̄ikọ kiet kiet ẹtienede mi:

21. Esther 8:17 ọdọhọ ete ke mme owo ‘ẹkekabade ẹdi mme Jew’; kpasụk ntre mfịn, “ __________________________” eke “mme erọn̄ en̄wen” ẹmeda idaha mmọ ye __________________________. (Edi. 7:9; John 10:16; Zech. 8:23) [Edikot Bible eke urua ke urua; se w86-EF 7/1 p. 28 ikp. eki. 14.]

22. Nte Utom 1:7 owụtde, okposụkedi Jehovah enen̄erede enyene udọn̄ ke __________________________, usen unam ibat esie edidi nte __________________________, ke ini emi mme owo mîdorike enyịn. (2 Pet. 3:10) [w99-EF 6/1 p. 5 ikp. eki. 2-3]

23. Jehovah __________________________ ikọt esie oro ẹyakde idem ẹnọ nditie ntiense __________________________, idem ọkpọkọm mme idomo ẹnam mmọ ẹkop __________________________ nte mme akpan̄kpa. (Job 26:5) [Edikot Bible eke urua ke urua; se w94-EF 11/15 p. 15 ikp. eki. 1.]

24. Uko, mbuọtidem, ye ifiọk edem mbiba ẹnam eti nneme ekeme ndidu, ndien ẹnyene mme edu emi ke ini ẹdade ndọ nte itie ebuana __________________________, eti __________________________ onyụn̄ odude ndinam enye okụt unen. [w99-EF 7/15 p. 21 ikp. eki. 3]

25. Eti odudu uke ekeme ndin̄wam nnyịn ndida mme n̄kpọ eke ido uwem ye eke spirit __________________________, ke ntem an̄wamde nnyịn ndinam n̄kpọ Jehovah __________________________. [w99-EF 8/1 p. 24 ikp. eki. 3]

Mek nnennen ibọrọ ke mme utịn̄ikọ kiet kiet oro ẹtienede mi:

26. Mordecai ‘nditie ke inuaotop edidem’ owụt ete ke enye ekedi (andikpeme edidem; kiet ke otu mme akamautom Edidem Ahasuerus; man osobo ye edidem). (Esther 2:19, 20) [Edikot Bible eke urua ke urua; se w86-EF 7/1 p. 27 ikp. eki. 9.]

27. Nte ẹwetde ke Job 19:25-27, Job ama owụt mbuọtidem nte ke imọ ‘iyokụt Abasi’ ke ntak edide (iyọbọ enọ n̄kukụt; ẹyenam imọ iset ika uwem eke heaven; ke ẹyetat enyịn ikike imọ ẹnọ akpanikọ aban̄ade Jehovah). [Edikot Bible eke urua ke urua; se w94-EF 11/15 p. 19 ikp. eki. 17.]

28. Job ekedi uwụtn̄kpọ ke (mbuọtidem; mfọnido; ime). (Job 42:10-17; Jas. 5:11) [Edikot Bible eke urua ke urua; se w94-EF 11/15 p. 23-24 ikp. eki. 13-14.]

29. Ẹbahade n̄wed Psalm ẹsịn ke ikpehe (ita; itiokiet; ition). [w86-EF 8/15 p. 26 ikp. eki. 2]

30. Oyom (ime; ima; mbuọtidem) ke ndibet Jehovah ndinam n̄kpọ kaban̄a ufọn nnyịn. [w86-EF 10/15 p. 27 ikp. eki. 16]

Wet mme itien̄wed Abasi ẹtienede mi ẹkekem ye mme utịn̄ikọ ẹwetde mi ke idak:

Neh. 3:5; Ps. 12:2; 19:7; 37:23, 24 2 Pet. 3:15

31. Nnyịn ikpenyene ndinyịme ndisịn idem nnam utom utu ke nditre ye n̄kohodeidem, isede ọkpọsọn̄ utom nte n̄kpọ oro osụhọrede uku nnyịn. [Edikot Bible eke urua ke urua; se w86-EF 6/1 p. 21 ikp. eki. 12, 19.]

32. Christian ekeme ‘ndiduọ’ ke ntak editịmede esịt, ke edikụt edikpu ye mme mfịna ikpe m̀mê eke okụk, edi ye un̄wam spirit Abasi ye ima ima mme andituak ibuot nnọ Enye, Christian oro “idinyanakede ina” ke n̄kan̄ eke spirit ofụri ofụri. [Edikot Bible eke urua ke urua; se w87-EF 10/15 p. 31 ikp. eki. 14.]

33. Ime Abasi anam nnyịn ikeme ndidi ndifiọk uduak esie nnyụn̄ nnen̄ede uwem nnyịn man ibọ mme edidiọn̄ oro enye ọkọn̄wọn̄ọde. [w99-EF 6/1 p. 5 ikp. eki. 4]

34. Edieke iyomde itie ufan ye Abasi, nnyịn inyene nditịn̄ akpanikọ ke ọwọn̄esịt ye unana mbubịk ido. [Edikot Bible eke urua ke urua; se w89-EF 9/15 p. 26 ikp. eki. 7.]

35. Ndisụk ibuot nnọ ibet Abasi edemede ukpọn̄ onyụn̄ etịp esịn ke mfọnọn̄kpọ owo. [Edikot Bible eke urua ke urua; se w00-EF 10/1 p. 13 ikp. eki. 4.]