Ndutịm Esoputom

Urua Ọtọn̄ọde July 9

Ikwọ 4

Min. 8: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn.

Min. 17: Ibatutom March. Utịn̄ikọ ye mme ndụn̄ọde emi esenyịn utom edisede aban̄a. Tịn̄ ban̄a ibatutom an̄wautom March eke idụt ye eke esop n̄kann̄kụk. Nam ndụn̄ọde ye nsio nsio asuanetop oro ẹkesịnde ukeme efen efen ke utom ukwọrọikọ ke ọfiọn̄ oro. Dọhọ mmọ ẹtịn̄ ẹban̄a idatesịt oro mmọ ẹkenyenede ke ndinyene ọyọhọ ebuana ye se mmọ ẹnamde ndika iso nyọhọ ke utom ukwọrọikọ.

Min. 20: “Nte Afo Emekeme Ndinam Utom ke Ebiet Oro Udọn̄ Okponde Akan?”a Sịn mme ọnọ-nsịnudọn̄ ifiọkutom oro mme asuanetop n̄kann̄kụk ẹkenyenede ke efakutom oro odude nsannsan ye oro owo mîsiwakke ndinam utom.—Se n̄wed Utom Nnyịn, page 112-113.

Ikwọ 42 ye akam ediberi.

Urua Ọtọn̄ọde July 16

Ikwọ 10

Min. 10: Mme ntọt n̄kann̄kụk. Ntọt ibatokụk.

Min. 15: Mme Uyen—Ẹbat Se Ubọkọkọ Mbufo Edikpade. Ete ye eyeneren m̀mê eyenan̄wan esie emi edide uyen ẹka ẹbịne ebiowo emi etịmde enyene ifiọkutom ke utom idịbi udia. Ke ẹma ẹketie ẹkere ikpehe Esoputom eke urua iba emi ekebede ke se iban̄ade edimek ubọkọkọ, uyen emi enen̄ede ekere aban̄a nte okpodụkde utom usiakusụn̄ ofụri ini edi inen̄ekede idiọn̄ọ nte edisede aban̄a mme udọn̄ n̄kpọ obụkidem esie. Ebiowo ọsọn̄ọ etịn̄ ufọn edinyene ekikere oro adade ukem ukem. (Enyọn̄-Ukpeme, September 1, 1999, page 11, ikpehe ekikere 13) Owụt eti ibuot ndiyom ndusụk orụk ukpep man otodo owo etịm idem ndise mban̄a idemesie. Ediwak owo ẹnam ọfọn n̄kukụre ke ndikpep mme akpan usọ oro oyomde esisịt ini ye okụk. (Enyọn̄-Ukpeme, February 1, 1996, page 14; N̄kparawa Owo Ẹbụp, page 178) Mmọ ẹneme Awake! eke March 8, 1996, page 9-11 ọtọkiet, ye ndusụk nti ekikere ke ndiyom m̀mê nditọn̄ọ utom idịbi udia oro ekemde.

Min. 20: Mme Ntiense Jehovah—Mmanie Ke Mmọ Ẹdi? Nso ke Mmọ Ẹnịm ke Akpanikọ? Nneme otuowo ye nnamn̄wụt. Dụn̄ọde ediye uduot ekpri n̄wed emi nyụn̄ tịn̄ ban̄a nte ẹkemede ndida enye nnam n̄kpọ ke nditịn̄ nnọ mbon efen mban̄a idem nnyịn ye utom nnyịn. Enye owụt mbon oro nnyịn idide (page 3-5), etịn̄ aban̄a ndusụk mbụk ye edinam nnyịn eke eyomfịn (page 6-11), asiak mme edinịm ke akpanikọ oro ẹnamde nnyịn ikpụhọde ye mme ido ukpono eken (page 12-14), anam eti mbụk oro nnyịn ikwọrọde ye nte ikwọrọde enye, an̄wan̄a (page 15-21), owụt nte utom nnyịn enyenede ufọn ọnọ n̄kann̄kụk (page 22-24), owụt esop nnyịn ke udomo eke ofụri ererimbot (page 25-26), onyụn̄ ọbọrọ mme mbụme oro ẹsiwakde ndibụp mban̄a nnyịn (page 27-31). Nam wụt nte asuanetop adade ediye uduot ekpri n̄wed emi ọbọrọ kiet ke otu mme mbụme oro ẹdude ke page 29, emi enyeneufọk oro enen̄erede enyene udọn̄ obụpde, ke oro ebede asuanetop emi owụt enye ikot oro odude ke ikpaedem. Sịn udọn̄ nọ kpukpru owo ndida ediye uduot ekpri n̄wed emi nnam mme iman oro mîdịghe Mme Ntiense ẹmehe ye nnyịn, ndifori udọn̄ oro ẹnyenede ke mfiakn̄ka, ndinyụn̄ nda nditọ ukpepn̄kpọ Bible n̄wụt esop.

Ikwọ 50 ye akam ediberi.

Urua Ọtọn̄ọde July 23

Ikwọ 19

Min. 10: Mme ntọt n̄kann̄kụk.

Min. 15: Mme udọn̄ n̄kann̄kụk.

Min. 20: “Ben̄e Idem Ndikpep Ntịn̄nnịm Ikọ Isaiah!”b Tịn̄ ibio ibio ban̄a nte nnyịn idibọde ufọn ito edikpep n̄wed Isaiah. (Se ibuot 1, ikpehe ekikere 10-12, ke Ntịn̄nnịm Ikọ Isaiah I.) Sịn udọn̄ nọ kpukpru owo ndibuana ke Ukpepn̄kpọ N̄wed Esop kpukpru ini.

Ikwọ 53 ye akam ediberi.

Urua Ọtọn̄ọde July 30

Ikwọ 22

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom mmọ eke July.

Min. 20: Mme Uyen—Ẹwụt Mbufiọk ke nte Ẹnamde Ndutịm ẹnọ Ubọ Ukpep Mbufo. Ebiowo kiet eneme ye ndusụk ete ye eka ye n̄kpri nditọ mmọ aban̄a ubọ ukpep efen efen. Ebiowo emi ada usụn̄ ke nditịn̄ mban̄a Enyọn̄-Ukpeme eke September 1, 1999, page 16-17, ikpehe ekikere 11-13, odoride nsọn̄uyo ke mme ntak emi utom ukwọrọikọ uyọhọ ini ekpenyenede ndidi akpa ke udịm mme ebeiso n̄kpọ mmọ. (Enyọn̄-Ukpeme, December 1, 1996, page 18-19, ikpehe ekikere 13-15) Otu oro ndien ẹdụn̄ọde item oro odude ke Awake!, March 8, 1998, page 20-21, ẹsọn̄ọde ẹtịn̄ ẹban̄a ufọn oro odude ke ndiwụt mbufiọk ke ini ẹdomode eti ye idiọk oro ẹdude ke ubọ ukpep efen efen ẹnyụn̄ ẹnamde enye ekem ye se ẹyomde man ọnọ owo un̄wam ke adan̄aemi ebịnede ifịk ifịk utom ukwọrọikọ. Kpukpru owo ẹnyịme nte ke mmimọ ikpenyene ndiyak item Jesus ndinịm udọn̄ n̄kpọ obio Ubọn̄ akpa ada mmimọ usụn̄.—Matt. 6:33.

Min. 15: Nneme aban̄ade leta eke March 23, 2001, oro ẹkenọde ẹsọk kpukpru esop ke Nigeria, kaban̄a ndutịm un̄wana okụk. Mbiowo iba ẹdise ẹban̄a, ẹtịn̄ ẹban̄a kpukpru ikpehe ekikere. Ẹkot ẹnyụn̄ ẹtịn̄ ẹban̄a page 2, ikpehe ekikere 2.

Ikwọ 57 ye akam ediberi.

Urua Ọtọn̄ọde August 6

Ikwọ 25

Min. 15: Mme ntọt n̄kann̄kụk. Ekebe Mbụme.

Min. 10: “Ukpepn̄kpọ Bible Ubon Ofụri Ini—Ntak Edide Akpan N̄kpọ Ntre?” Utịn̄ikọ emi ebiowo ọnọde.

Min. 20: “Ẹkûmen̄e!”c Nte ini ayakde, bụk mme ifiọkutom ẹtode Enyọn̄-Ukpeme, December 15, 1999, page 25.

Ikwọ 63 ye akam ediberi.

[Mme ikọ idakisọn̄]