Ndutịm Esoputom

Urua Ọtọn̄ọde April 9

Ikwọ 93

Min. 15: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Tọt ibatowo emi ẹkedụkde Editi ke esop. Dọhọ otuowo etịn̄ mme ikọ esịtekọm emi mbon emi ẹkedụkde ke akpa ini ẹtịn̄de. Sịn udọn̄ nọ kpukpru owo ndise vidio oro The Bible—Its Power in Your Life ke nditịm idem nnọ nneme ke Esoputom eke urua April 23.

Min. 30: “Mmemmem Ndutịm Usuan N̄wed Nnyịn.” Ebiowo oro odotde eneme se isịnede ke ibuotikọ oro ye otuowo. Tịn̄ ban̄a leta nnyịn eke September 21, 1999, emi ẹkenọde ẹsọk kpukpru esop. Ekem dọhọ asuanetop oro enyenede mbufiọk, emi eketịmde idem edifọn edifọn anam owụt nte ẹkemede ndida ntọt otode nneme emi nnam n̄kpọ ke an̄wautom. Ke adade magazine ndondo emi oro ẹdinọde ke utom an̄wautom ke utịturua emi, asuanetop eneme nneme ye enyeneufọk ke akpan ibuotikọ kiet. Nte asuanetop odụride ntịn̄enyịn owụt akpan n̄kpọ kiet ke magazine oro, enyeneufọk ọdọhọ: “Mmama.” Asuanetop ọdọhọ ete: “Nyama ndinọ fi magazine emi man afo okot ibuotikọ emi ọkọrọ ye mbon eken ke magazine emi.” Enyeneufọk obụp ete: “Edi okụk ifan̄?” Asuanetop ọbọrọ ete: “Edieke afo edikotde enye, owo inịmke ekọmurua. Afo emekeme ndikụt mi ke page 2 nte ke magazine emi edi ubak utom unọ ukpep Bible eke ofụri ererimbot ye nte ke ẹda enọ unyịmesịt ẹnọ ibetedem. [Tịn̄ ban̄a ikọ oro odude ke page 5 ke Awake! m̀mê ke page 2 ke Enyọn̄-Ukpeme ke ikpehe isọn̄ isọn̄ ubọk ufien.] Ami ndi kiet ke otu Mme Ntiense Jehovah emi ẹwakde ẹbe miliọn itiokiet oro ẹnọde ini ye inyene mmọ unyịme unyịme ndinam akpan utom emi ke se ibede idụt 230. Edieke amade ndinọ ekpri etịbe kaban̄a utom emi, afo emekeme ndinam ntre.” Enyeneufọk esịn okụk ke efọkn̄wed utom ofụri ererimbot. Asuanetop owụt esịtekọm aban̄a etịbe oro ẹnọde onyụn̄ ọdọhọ ke imọ iyafiak ida mme nsiondi magazine efen idi. Ke udiana ibio ibio nnamn̄wụt, wụt nte asuanetop mînọhọ n̄wed koro enyeneufọk mînen̄ekede inyene udọn̄ ke etop Obio Ubọn̄ okposụkedi enyịmede nditịn̄ ikọ. Ke ọyọhọ ibio ibio nnamn̄wụt ita, wụt nte ẹkemede ndikpọn̄ tract nnọ owo oro owụtde ata udọn̄ edi enen̄erede ọyọhọ ye utom ke ini oro, ndien itiehe nte ini oro etịm odot ndinam an̄wan̄a nte ẹnọde utom ofụri ererimbot nnyịn ibetedem. Asuanetop ọn̄wọn̄ọ ndifiak n̄ka ke ini oro ọfọnde akan. Ke ini afiakde aka, enye oyodomo ndibiere m̀mê enyeneufọk enen̄ede enyene udọn̄ ke utom nnyịn ndien, edieke edide ntre, enye anam an̄wan̄a nte inamde utom ye nte ẹsinọde ibetedem.

Ikwọ 72 ye akam ediberi.

Urua Ọtọn̄ọde April 16

Ikwọ 145

Min. 10: Mme ntọt n̄kann̄kụk. Ntọt ibatokụk. Utịturua iba kpọt ẹsụhọ ke April, ntre sịn udọn̄ nọ kpukpru owo ndibuana ke utom ukwọrọikọ mbemiso ọfiọn̄ okụrede.

Min. 15: Mme udọn̄ n̄kann̄kụk.

Min. 20: “Mmemmem Usụn̄ Ọfọn Akan.”a Sịn n̄ko mme ekikere ẹtode ibuotikọ oro “Yak Itịn̄ Akpan N̄kpọ!” emi odude ke Utom Obio Ubọn̄ Nnyịn eke July 1999, page 4. Nam ibio ibio mmemmem nneme kiet m̀mê iba wụt.

Ikwọ 146 ye akam ediberi.

Urua Ọtọn̄ọde April 23

Ikwọ 163

Min. 5: Mme ntọt n̄kann̄kụk.

Min. 15: “Nditịm N̄kpọ Nnịm—Nnọ Nso?” Utịn̄ikọ. Sịn mme akpan n̄kpọ ẹdotde emi ẹtode Enyọn̄-Ukpeme eke November 1, 2000, page 18-21.

Min. 25: “Mme Ekikere Ẹban̄ade Vidio Oro The Bible—Its Power in Your Life.” Nneme otuowo. Ntak mûbuanke ekikere oro ẹnọde ke ifiọkutom emi ẹbụkde ke 1997 Yearbook, page 54, ikpehe ekikere 1, aban̄ade nte ẹkpedade mme vidio N̄ka ẹnam n̄kpọ nte ọfọnde? Ke June nnyịn ididụn̄ọde vidio oro Jehovah’s Witnesses Stand Firm Against Nazi Assault. Mîdịghe, neme “Ndi Bible Ekpep Ete Ẹnịm Akan̄a Ke Akpanikọ?” Utịn̄ikọ emi ebiowo ọnọde ọkọn̄ọde ke Enyọn̄-Ukpeme eke September 1, 1996, page 4-7.

Ikwọ 202 ye akam ediberi.

Urua Ọtọn̄ọde April 30

Ikwọ 215

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom mmọ eke April. Mme ada ukpepn̄kpọ n̄wed ẹkpenyene ndidụn̄ọde ye kpukpru mbon oro ẹdude ke otu mmọ man otodo ẹkeme ndidian kpukpru ibatutom ke May 6.

Min. 15: “Nọ Ikọ Ntiense nte Eti Mbọhọidụn̄.”b Siak mme usụn̄ efen oro ikemede ndinọ ikọ ntiense ebe ke edu uwem nnyịn.—Se Enyọn̄-Ukpeme eke November 1, 1997, page 18, ikpehe ekikere 16.

Min. 20: Mme Asiakusụn̄ Ẹn̄wam Mbon Efen. Utịn̄ikọ ye mme ndụn̄ọde oro esenyịn utom esede aban̄a. Dụn̄ọde ndutịm Mme Asiakusụn̄ Ẹn̄wam Mbon Efen nte ẹwụtde ke Utom Obio Ubọn̄ Nnyịn eke September 1998, page 8. Neme nti n̄kpọ oro ẹnamde ke n̄kann̄kụk. Nam ndụn̄ọde ye asiakusụn̄ oro akan̄wamde owo ye asuanetop oro ẹken̄wamde. Wụt nte mmọ mbiba ẹbọde ufọn ẹto edinam utom ọtọkiet ke utom ukwọrọikọ. Dọhọ mmọ efen ẹbọ ufọn ẹto ndutịm emi ke mme ọfiọn̄ emi ẹdide.

Ikwọ 216 ye akam ediberi.

Urua Ọtọn̄ọde May 7

Ikwọ 84

Min. 10: Mme ntọt n̄kann̄kụk.

Min. 15: “Abasi Emekeme Ndinam Kpukpru N̄kpọ.”c Tịn̄ ibio ibio ban̄a se idude ke n̄wed Proclaimers, page 443, owụtde adan̄a nte ẹkekwọrọde ikọ ke 1935 ke ẹmende ẹdomo ye ibat oro odude ke Yearbook eke ndondo emi. Sio wụt nte akwa n̄kọri emi eketiede ini kiet ko nte se owo mîkemeke ndinyene.

Min. 20: “‘Sịn Idem Ifịk Ifịk’ ke Utom Ukwọrọikọ Fo.”d Dọhọ asuanetop iba m̀mê ita ẹnọ mme ifiọkutom oro mmọ ẹkenyenede ke ndin̄wam mbon efen nte ẹwụtde ke ikpehe ekikere 3-5.

Ikwọ 80 ye akam ediberi.

[Mme ikọ idakisọn̄]