Ndutịm Esoputom

Urua Ọtọn̄ọde November 13

Ikwọ 4

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn.

Min. 13:  Ekebe Mbụme. Utịn̄ikọ emi ebiowo ọnọde.

Min. 22: “Ndifori Udọn̄ Oro Mbụk Obio Ubọn̄ Nọ. 36 Edemerede.” Nneme mbụme ye ibọrọ ke ikpehe ekikere 1-5. Wụt ndutịm ẹnamde ke n̄kann̄kụk man ẹkụre efakutom ekededi oro owo mînamke utom kan̄a. Dụn̄ọde mme nneme ẹwụtde ke ikpehe ekikere 7 ye 8 ke ndinam mme mfiakn̄ka nyụn̄ dọhọ ẹnam kiet kiet ẹwụt. Sọn̄ọ tịn̄ ban̄a nte edide akpan n̄kpọ ndifiak mbịne kpukpru udọn̄ ndinyụn̄ ndomo nditọn̄ọ mme ukpepn̄kpọ Bible. Beri ke ndineme ikpehe ekikere 9 ye mme itien̄wed oro ẹsiakde ẹsịn.

Ikwọ 63 ye akam ediberi.

Urua Ọtọn̄ọde November 20

Ikwọ 111

Min. 10: Mme ntọt n̄kann̄kụk. Ntọt ibatokụk.

Min. 15: Mme Ifiọkutom Ẹnyenede ke Ndisuan Mbụk Obio Ubọn̄ Nọ. 36. Bụk unen ẹkụtde ke ndikụre efakutom. Nte odu owo ndomokiet ke esop oro akabuanade ke utom ke akpa ini? Bụk nti ikọ oro mme enyeneufọk ẹketịn̄de. Nte ndusụk asuanetop ẹma ẹkeme nditọn̄ọ mme ukpepn̄kpọ Bible? Ke edide ntre, nam mmọ ẹtịn̄ m̀mê ẹnam ẹwụt nte mmọ ẹkenamde. Ti kpukpru owo ndifori udọn̄ oro ẹkekụtde.

Min. 20: “Ka Iso Kwọrọ Ikọ!” Utịn̄ikọ ye ndụn̄ọde. Ndusụk owo ẹmebuana ke esop Jehovah ẹnyụn̄ ẹka iso ke utom ukwọrọikọ ke ofụri uwem mmọ. Mmọ ẹmekop idatesịt ke ndinam ntre ye in̄wan̄ in̄wan̄ edu. (Se n̄wed Ifiọk, page 179, ikpehe ekikere 20, ye Enyọn̄-Ukpeme eke May 1, 1992, page 21-22, ikpehe ekikere 14-15.) Kot asuanetop emi enyenede ifịk ke ediwak isua edibụk mme ntak emi enye ọsọn̄ọde eyịre ke utom ukwọrọikọ.

Ikwọ 141 ye akam ediberi.

Urua Ọtọn̄ọde November 27

Ikwọ 153

Min. 10: Mme ntọt n̄kann̄kụk. Ti mme asuanetop nditọt ibatutom an̄wautom eke November. N̄wed ẹnọde ke December edi n̄wed Ifiọk.

Min. 15: Da N̄wed Reasoning Nam N̄kpọ nte Ọfọnde. Nneme mbụme ye ibọrọ ke page 7-8. Wụt nte ẹtịmde n̄wed emi ndin̄wam nnyịn itịm idem ndibuana ata uforo uforo ke utom ukwọrọikọ. Nam an̄wan̄a nte ẹkemede ndida n̄wed emi nnam n̄kpọ ke ini ẹnọde ikọ ntiense urụk ukopikọ. Nam wụt nte ẹkemede ndikụt ntọt oro ọnọde un̄wam ndida mbọrọ mbụme. Sịn udọn̄ nọ kpukpru owo ndimehe ye n̄wed emi, ẹsịn enye ke ekpat ukwọrọikọ mmọ, ẹnyụn̄ ẹda enye ẹnam n̄kpọ kpukpru ini.

Min. 20: “Fep Mbiomo Ido Edinam Oro Mîdotke ye Christian.” Nneme mbụme ye ibọrọ ke ikpehe ekikere 1-9 ke esịne-esịt. Ebiowo edise aban̄a.

Ikwọ 175 ye akam ediberi.

Urua Ọtọn̄ọde December 4

Ikwọ 54

Min. 10: Mme ntọt n̄kann̄kụk.

Min. 20: “Fep Mbiomo Ido Edinam Oro Mîdotke ye Christian.” Nneme mbụme ye ibọrọ ke ikpehe ekikere 10-21. Ebiowo edise aban̄a.

Min. 15: “Ikọ Eke Ẹtịn̄de ke Ekem Ini.” Nneme otuowo ye mme nnamn̄wụt. Ediwak owo ẹkere ke mmimọ inyeneke ukeme ke ẹdomode nditọn̄ọ nneme, ẹnyụn̄ ẹnyene ukwan̄ ekikere nte ke oyom mmimọ inyene san̄asan̄a usọ man inyene uforo. Nam an̄wan̄a nte kpukpru nnyịn, esịnede mbufa ye n̄kpri asuanetop, ikemede nditọn̄ọ nneme ke isịnde ọkpọsọn̄ ukeme. Dụn̄ọde mme ekikere oro ẹnọde, owụtde nte mmọ ẹmemde, nyụn̄ dọhọ asuanetop iba m̀mê ita ẹnam mmọ ẹwụt. Se Utom Obio Ubọn̄ Nnyịn eke March 1998, page 8, kaban̄a ntọt efen efen oro ẹkemede ndida nnam n̄kpọ. Sịn udọn̄ nọ kpukpru owo ndinyene in̄wan̄ in̄wan̄ edu man otodo mmọ ẹnyene ekese idatesịt ke utom ukwọrọikọ mmọ.

Ikwọ 218 ye akam ediberi.