Ndutịm Esoputom
TIM FIỌK: Ke ofụri ini oro ẹdinemede ẹban̄a mme vidio N̄ka ke Esoputom, nnyịn iyọnọ mme ndutịm efen nte mme ukpụhọ. Ẹkeme ndida mme ukpụhọ ndutịm nnam n̄kpọ ke mme idaha oro n̄wakn̄kan ibat mme asuanetop mîsehe, mîdinyụn̄ ikemeke ndise mme vidio emi mbemiso mme usen ẹdiomide.
Urua Ọtọn̄ọde October 9
Ikwọ 11
Min. 8: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn.
Min. 12: “Dụk N̄kpri ye Ikpọ Mbono ke Ebiet Oro Esop Jehovah Emekde.” Nneme mbụme ye ibọrọ oro ebiowo esede aban̄a. Kot ikpehe ekikere 5.
Min. 25: “Obufa Tọsịn Isua—Nso ke Ini Iso Akama ọnọ Fi?” Ufiop ufiop nneme oro esenyịn utom enemede. Ke ẹma ẹkekot ntọt oro N̄ka ọkọnọde ẹsọk mbiowo ke leta eke July 3, 2000, deme idem Mbụk Obio Ubọn̄ Nọ. 36 kiet nọ owo kiet kiet. Ekem ka iso ke nneme mbụme-ye-ibọrọ ke ibuotikọ oro. Tịn̄ ban̄a mme ndutịm oro ẹnamde ke n̄kann̄kụk man ẹkụre efakutom ọyọhọ ọyọhọ. Neme nte ẹkemede ndin̄wam mbufa owo ye nditọwọn̄ man ẹdot nte mme asuanetop oro mînaha baptism. Nam ibio ibio nnamn̄wụt. Sọn̄ọ wụt ufọn kpukpru owo ndibuana ọyọhọ ọyọhọ ke ubịnikọt emi.
Ikwọ 53 ye akam ediberi.
Urua Ọtọn̄ọde October 16
Ikwọ 104
Min. 10: Mme ntọt n̄kann̄kụk. Ntọt ibatokụk. Ti mme asuanetop ete ke ini utom utịturua emi, ẹdinọ magazine Enyọn̄-Ukpeme ye Awake! ke adianade ye Mbụk Obio Ubọn̄ Nọ. 36.
Min. 15: “Mme N̄kpọutom Oro Ẹnọde Ukpep, Ẹdemerede Udọn̄, Ẹnyụn̄ Ẹsọn̄ọde Owo Idem.” (Ikpehe ekikere 1 ye 2 kpọt.) Utịn̄ikọ. Dụn̄ọde ibio ibio mbụk aban̄ade nte N̄ka ọkọtọn̄ọde ndinam vidio. (Se n̄wed Proclaimers, page 600-601.) Sịn udọn̄ nọ kpukpru owo ndise vidio oro Jehovah’s Witnesses—The Organization Behind the Name ke mben̄eidem nneme Esoputom eke urua October 30. Mbon oro ẹnyenede vidio emi ẹkeme ndibuana enye ye mbon oro mînyeneke, mîdịghe ẹkeme ndise ọtọkiet. M̀MÊ ‘Nditịm Nsiak Ikọ Akpanikọ’ Utịn̄ikọ ọkọn̄ọde ke Enyọn̄-Ukpeme eke January 1, 1996, page 29-31.
Min. 20: Kpukpru Nnyịn Imekeme Ndiwụt Edu Usiakusụn̄. Nneme ke ufọt ada ukpepn̄kpọ n̄wed ye udiana esie, ọkọn̄ọde ke Enyọn̄-Ukpeme eke October 15, 1997, page 22-23. Ẹneme ntak ọfọnde ndinyene mme asiakusụn̄ efen efen ke esop ye nte kpukpru owo ẹkemede nditịp nsịn ke ndisịm utịtmbuba emi. Ẹneme n̄ko mme usụn̄ ndisịn udọn̄ nnọ mbon oro ẹsụk ẹdude ke utom usiakusụn̄ idahaemi ndika iso ye nte kpukpru owo ke esop ẹkemede ndikọri ifịk ke utom ukwọrọikọ.
Ikwọ 131 ye akam ediberi.
Urua Ọtọn̄ọde October 23
Ikwọ 150
Min. 10: Mme ntọt n̄kann̄kụk.
Min. 15: “Bọ Ufọn to Ndutịm Unọ Ukpep Jehovah.” Utịn̄ikọ. Sịn udọn̄ nọ kpukpru owo ndidụk mbono esop mbition eke urua ke urua kpukpru ini.
Min. 20: Tịm Idem nte Ọfọnde nọ Mme Mbono Esop. Utịn̄ikọ ye nneme otuowo. Ufọn oro ibọde ito mbono esop ọkọn̄ọ akamba akamba ke adan̄a ukeme oro nnyịn isịnde ke nditịm idem. Dụn̄ọde mme enyene-ufọn ekikere oro ẹnọde ke Enyọn̄-Ukpeme eke March 1, 1998, page 15-16, ikpehe ekikere 8-11. Dọhọ otuowo ẹtịn̄ nte mmọ ẹkenamde mme usio-ukot oro ẹyomde ẹnyụn̄ ẹnyenede ini oro ẹyomde man ẹtịm idem nte ọfọnde.
Ikwọ 211 ye akam ediberi.
Urua Ọtọn̄ọde October 30
Ikwọ 167
Min. 8: Mme ntọt n̄kann̄kụk. Ti mme asuanetop ẹtọt ibatutom eke October.
Min. 12: Mme Ifiọkutom ke Ndinọ Mbụk Obio Ubọn̄ Nọ. 36. Dọhọ nsio nsio asuanetop ẹbụk nti utịp oro mmọ ẹnyenede kan̄a ke emi ke ndisuan Mbụk Obio Ubọn̄ Nọ. 36. Dọhọ mme asiakusụn̄ ofụri ini ye eke unọ un̄wam ẹbụk inemesịt oro mmọ ẹnyenede ke n̄kọri utom ke ini ubịnikọt emi, ye ifet emi mmọ ẹnyenede ndinam utom ye nsio nsio asuanetop.
Min. 25: Jehovah’s Witnesses—The Organization Behind the Name. Nneme otuowo. Neme mme mbụme oro ẹdude ke ikpehe ekikere 3 ke “Mme N̄kpọutom Oro Ẹnọde Ukpep, Ẹdemerede Udọn̄, Ẹnyụn̄ Ẹsọn̄ọde Owo Idem.” Nọ mme ekikere ke nte ẹkpedade vidio emi ẹnam n̄kpọ ndin̄wam mbon oro ẹnyenede udọn̄ ndinen̄ede mmehe ye esop nnyịn. Sịn ibio ibio ifiọkutom kiet m̀mê iba.—Se Enyọn̄-Ukpeme eke October 1, 1992, page 30-31. M̀MÊ “Ndọn̄esịt ye Nsịnudọn̄—Mme Ọsọn̄urua N̄kpọ Ẹnyenede Ediwak Ikpehe.” Utịn̄ikọ ọkọn̄ọde ke Enyọn̄-Ukpeme eke January 15, 1996, page 21-23.
Ikwọ 15 ye akam ediberi.
Urua Ọtọn̄ọde November 6
Ikwọ 198
Min. 15: Mme ntọt n̄kann̄kụk. Dụn̄ọde n̄kọri ke edisuan Mbụk Obio Ubọn̄ Nọ. 36. Siak mme efakutom oro ẹnamde utom kan̄a ke emi ye se ediyomde man ẹkụre kpukpru efakutom ke November 17.
Min. 20: Nso ke Nnyịn Inịm ke Akpanikọ? Eyenete anam mfiakn̄ka ọnọ owo oro okobụpde ete, “Nso ke Mme Ntiense Jehovah ẹkpep oro anamde mmọ ẹkpụhọde ye mme ido ukpono efen?” Neme mme akpan n̄kpọ ẹdude ke ekebe ke page 6 ke Enyọn̄-Ukpeme eke October 1, 1998. Nam an̄wan̄a nte mme ido ukpono eken ẹfụmide m̀mê ẹsịnde mme akpan n̄kpọ eke akpanikọ Bible emi, ẹkabarede ẹnyịme mme ukpepn̄kpọ owo.
Min. 10: Edikwọ Ikwọ—Akpan Ubak Utuakibuot Nnyịn. Ada ukpepn̄kpọ n̄wed eneme ye asuanetop iba aban̄a mmọ ndikwọ ikwọ ke mme mbono esop. Enye okụt nte ke etie nte edu ukwọ ikwọ mmọ osụhọde. Enye abuana ndusụk akpan n̄kpọ ẹdude ke Enyọn̄-Ukpeme eke February 1, 1997, page 27-28 ye mmọ. Mmọ ẹdụn̄ọde mme ikọ ikwọ ke kiet ke otu ikwọ oro ẹdikwọde ke Ukpepn̄kpọ Enyọn̄-Ukpeme eke urua oro, nte ẹwụtde ke Enyọn̄-Ukpeme eke July 1, 1999, page 20, ke ikpehe ekikere 12. Ebede ke ndida edikwọ ikwọ ke akpan n̄kpọ, nnyịn iyesịn uwem ke mme ikọ itoro ofụri esịt oro inọde Jehovah.
Ikwọ 223 ye akam ediberi.