Ndutịm Esoputom
Urua Ọtọn̄ọde February 14
Ikwọ 113
Min. 10: Mme ntọt n̄kann̄kụk. Mme ntọt ẹsatde-sat ẹto Utom Obio Ubọn̄ Nnyịn. Dụn̄ọde “Obufa Ndutịm Usen Akpan Mbono.”
Min. 15: ‘Kwọrọ Ikọ Usọp Usọp.’ Da se isụhọrede ikan minit kiet ke ntọn̄ọikọ, ekem neme ke mbụme ye ibọrọ. Sịn mme utịn̄ikọ ẹtode n̄wed Utom Nnyịn, page 170. Nọ ndusụk nti ekikere ke nte ẹkemede ndifori utom ukwọrọikọ ke ndaeyo emi osụhọde mi.
Min. 20: “Nte Ẹkpeforide Ukeme Ukọk Ibuot.” Utịn̄ikọ ye nnamn̄wụt. Nam an̄wan̄a ntak emi ukeme ukọk ibuot edide ata akpan n̄kpọ ke utom ukwọrọikọ ye nte ẹkemede ndinyene enye. Dọhọ asuanetop iba ẹmi ẹnyenede ukeme ẹneme nte ẹkpetịmde idem ẹnọ ukwọrọikọ ẹdade mme usụn̄ ẹmi ẹwụtde ke ikpehe ekikere 3 ke ibuotikọ emi ndien ekem ẹnam ẹwụt nte mmọ ẹkwọrọde ikọ.
Ikwọ 182 ye akam ediberi.
Urua Ọtọn̄ọde February 21
Ikwọ 17
Min. 10: Mme ntọt n̄kann̄kụk. Ntọt ibatokụk.
Min. 15: “Kpukpru Ntịn̄nnịm Ikọ Abasi Ẹyesu!” Da se isụhọrede ikan minit kiet tịn̄ ntọn̄ọikọ, ekem neme ke mbụme ye ibọrọ. Sio akpan n̄kpọ ifan̄ ke obufa n̄wed oro wụt nte ọsọn̄ọde ke eyo nnyịn edi akpan ini.
Min. 20: “Nso Ikeme Ndin̄wam Nnyịn Ndisọn̄ọ Nda ke Mbuọtidem?” Utịn̄ikọ emi ebiowo ọnọde. Nnyịn idu uwem ke ndiọkeyo, ndien kpukpru nnyịn imoyom un̄wam ke ndusụk usụn̄. Dụn̄ọde se mbiowo ye mme asan̄autom unamutom ẹkemede ndinam man ẹsọn̄ọ mbon oro ẹnyenede mme mfịna idem. (Se ekpri ibuotikọ oro “Ubọkerọn̄ Oro Ọbọpde-Bọp” ke Enyọn̄-Ukpeme eke September 15, 1993, page 21-23.) Nam an̄wan̄a nte nnyịn ikemede ndisịn udọn̄ nnọ kiet eken ke mme usụn̄ oro ẹdinamde nnyịn isọn̄ọ ida ke n̄kan̄ eke spirit.—Rome 1:11, 12.
Ikwọ 82 ye akam ediberi.
Urua Ọtọn̄ọde February 28
Ikwọ 46
Min. 10: Mme ntọt n̄kann̄kụk. Ti kpukpru owo ete ẹnọ ibatutom mmọ eke February. Dụn̄ọde “Mmemmem Usio-Ukot Inan̄” ndida mme tract ntọn̄ọ nneme ibio ibio, oro ẹkewụtde ke page 4 ke Utom Obio Ubọn̄ Nnyịn ọfiọn̄ oko. Nam wụt nte ẹkemede ndida tract Emem Emem Obufa Ererimbot ntoro n̄wed Ifiọk. Ke ama okobụp mme mbụme ẹdude ke ntọn̄ọ ntọn̄ọ ikpehe ekikere tract oro, kot akpa ikpehe ekikere ke page 3, esịnede Psalm 37:29. Edieke ẹwụtde udọn̄ kụbọde ka page 5 ke n̄wed Ifiọk, kot ekebe oro, nyụn̄ dọhọ ke ikpama ndikpep n̄kpọ ye enye. Kpukpru owo ẹkpenyene ndisịn san̄asan̄a ukeme nditọn̄ọ mbufa ukpepn̄kpọ Bible ọfiọn̄ emi.
Min. 5: Ekebe Mbụme. Utịn̄ikọ emi ebiowo ọnọde.
Min. 12: Ndiwụt Esịtekọm Nnọ Utom Mme Kọmiti Ubọpufọk eke Ikpehe ke Ikpehe. Utịn̄ikọ oro ebiowo ọnọde, ọkọn̄ọde ke esịne-esịt Utom Obio Ubọn̄ Nnyịn eke November 1995. Mme Kọmiti Ubọpufọk eke Ikpehe ke Ikpehe 25 oro ẹnamde utom idahaemi ke efakutom Nigeria ẹn̄wam ndibọp, ndidiọn̄, ye nditịm n̄kama mme Ufọk Mbono Obio Ubọn̄ 530. Ekese ke osụk ododu ndinam. Neme utom mme kọmiti eke ikpehe ke ikpehe, nyụn̄ demede ifiopesịt nọ utom ubọp Ufọkmbono Obio Ubọn̄. Nam mbon oro ẹkemede ndidot nte mme anamutom unyịmesịt an̄wan̄a, nyụn̄ demede udọn̄ mme anamutom unyịmesịt efen efen. (Se esịne-esịt Utom Obio Ubọn̄ Nnyịn eke April 1998, ikpehe ekikere 12-14.) Nam ndụn̄ọde ye ndusụk owo oro ẹkebuanade ke utom ubọp Ufọkmbono Obio Ubọn̄, nyụn̄ sịn mme utịn̄ikọ mmọ kaban̄a idatesịt oro mmọ ẹnyenede.—Se Enyọn̄-Ukpeme, June 1, 1999, page 18-19, ikpehe ekikere 15-16.
Min. 18: “Ndikwọrọ Eti Mbụk ye Edinen̄ede Nnịm ke Akpanikọ.” Da minit 2 m̀mê 3 tịn̄ ntọn̄ọikọ oro ọkọn̄ọde ke ibuotikọ ọkọrọ ye mme itien̄wed Abasi oro ẹsiakde ẹnyụn̄ ẹkotde ẹsin ke ikpehe ekikere 1 ye 2. Ekem neme ikpehe ekikere 3-12 ke mbụme ye ibọrọ.
Ikwọ 61 ye akam ediberi.
Urua Ọtọn̄ọde March 6
Ikwọ 116
Min. 5: Mme ntọt n̄kann̄kụk.
Min. 10: Mme udọn̄ n̄kann̄kụk.
Min. 15: “Ẹtịn̄ Enyịn Ẹkpeme Ndien Adan̄a Nte Mbufo Ẹkopde.” Ibuot ufọk eneme ye n̄wan ye nditọ esie se mmọ ẹkemede ndinam man ẹbọ ufọn ọyọhọ ọyọhọ ẹto mme mbono esop, n̄kpri mbono, ye ikpọ mbono. Enye ekere ke kpukpru owo ke ubon ẹkeme ndinam ọfọn ndiwụk ntịn̄enyịn. Mmọ ẹdụn̄ọde mme ekikere ẹmi ẹnọde ẹnyụn̄ ẹkere nte ẹkpedade mmọ kiet kiet esịn ke edinam, esịnede ufọn edinyene nneme efen efen mban̄a mme n̄kpọ ẹkekpepde. Mmọ ẹkere nte mmọ ẹkpedude ekekem ye ubiere mmọ nditre nditaba mbono esop ekededi m̀mê ikpehe akamba mbono m̀mê mbono ekededi edieke ẹkemede.
Min. 15: “Ndikwọrọ Eti Mbụk ye Edinen̄ede Nnịm ke Akpanikọ.” Ke ama akafiak odụn̄ọde nneme urua oko emi ọkọkọn̄ọde ke akpa ikpehe ekikere 12 eke esịne-esịt ibio ibio, neme ikpehe ekikere 13-24 ke mbụme ye ibọrọ. Da mme itien̄wed Abasi oro ẹsiakde ẹnyụn̄ ẹkotde ẹsịn nam n̄kpọ nte ọfọnde.
Ikwọ 186 ye akam ediberi.