Mme Esoputom Eke May

Urua Ọtọn̄ọde May 5

Ikwọ 130

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn.

Min. 12: “Ka Iso Tiene Jesus.” Mbụme ye ibọrọ. Sịn mme ifiọkutom ẹtode Enyọn̄-Ukpeme eke June 1, 1993, page 12.

Min. 23: “Wụt Ata Edikere Mban̄a ke Kpukpru Udọn̄ Oro Okụtde.” Nneme otuowo. Sọn̄ọ tịn̄ ufọn edinam n̄kpọ mban̄a kpukpru udọn̄. Nọ ekikere ban̄a ndusụk usọ usọ usụn̄ ndibụp adres ufọk mbon oro nnyịn isobode ke mme itie ẹmi ediwak owo ẹdude man otodo nnyịn ikeme ndifiak nnọ mmọ ikọ ntiense. Nam mme asuanetop oro ẹdotde ẹnam nneme iba oro ẹnọde ekikere ke ikpehe ekikere 6-9 ẹwụt. Dụn̄ọde ekebe oro, “Nte Ẹkemede Ndikụt Unen ke Ndinam Mme Mfiakn̄ka,” ke page 3 ke esịne-esịt Utom Obio Ubọn̄ Nnyịn eke March 1997. Sịn udọn̄ nọ kpukpru owo ndidiomi ndusụk ini kpukpru urua ndinam mme mfiakn̄ka.

Ikwọ 151 ye akam ediberi.

Urua Ọtọn̄ọde May 12

Ikwọ 133

Min. 10: Mme ntọt n̄kann̄kụk, esịnede ndutịm an̄wautom ẹnamde ẹnọ utịturua.

Min. 15: Ekebe Mbụme. Utịn̄ikọ emi ebiowo ọnọde.

Min. 20: “Mbono District ‘Mbuọtidem ke Ikọ Abasi’ eke Mme Ntiense Jehovah eke 1997.” (Ikpehe ekikere 1-8) Ewetn̄wed edikụre ke mbụme ye ibọrọ. Kot ikpehe ekikere 3, 5, ye 8. Sọn̄ọ tịn̄ nte edide akpan n̄kpọ ke N̄wed Abasi ndisụk ibuot nnọ mme ndutịm ẹnamde kaban̄a itieidụn̄.

Ikwọ 162 ye akam ediberi.

Urua Ọtọn̄ọde May 19

Ikwọ 139

Min. 10: Mme ntọt n̄kann̄kụk. Ntọt ibatokụk.

Min. 20: “Ndinịm Mme Ukpepn̄kpọ Bible Ẹmi Ẹnyenede Uforo.” Eyenete emi odotde eneme ibuotikọ ye asuanetop kiet m̀mê iba ẹmi ẹkụtde unen ke ndinịm mme ukpepn̄kpọ. Ke ẹdade mme ikpehe ke n̄wed Ifiọk nte uwụtn̄kpọ, mmọ ẹbụk mme usọ unọ ukpep oro ẹn̄wamde mmọ ndinam ukpepn̄kpọ oro aka iso mfọn mfọn ẹnyụn̄ ẹn̄wamde mmọ ndifiọk se eyen ukpepn̄kpọ enen̄erede ekpep.—Se esịne-esịt Utom Obio Ubọn̄ Nnyịn eke June 1996, ikpehe ekikere 5, 8, 12, ye 21.

Min. 15: “Mbono District ‘Mbuọtidem ke Ikọ Abasi’ eke Mme Ntiense Jehovah eke 1997.” (Ikpehe ekikere 9-14) Ebiowo emi odotde edikụre ke mbụme ye ibọrọ. Kot ikpehe ekikere 10.

Ikwọ 165 ye akam ediberi.

Urua Ọtọn̄ọde May 26

Ikwọ 148

Min. 15: Mme ntọt n̄kann̄kụk. Dụn̄ọde mme n̄wed ẹnọde ke June. Ke akamade n̄wed Ifiọk, nam an̄wan̄a nte ẹkemede ndida mme ekikere oro ke ikpehe ekikere 17-19 ke page 10-11 ntịm ibio ibio nneme. Sịn udọn̄ nọ kpukpru owo ẹwụk ntịn̄enyịn ke edidomo nditọn̄ọ mme ukpepn̄kpọ. Sọn̄ọ tịn̄ ufọn edin̄wam mbon oro ẹnyenede udọn̄ ndinam n̄kọri usọp usọp.—Se Enyọn̄-Ukpeme eke January 15, 1996, page 13-14.

Min. 12: “Ntak Emi Nnyịn Ikade Iso Ndifiak N̄ka?” Mbụme ye ibọrọ. Sịn mme akpan n̄kpọ ẹtode ekebe oro odude ke page 570 ke n̄wed Proclaimers.

Min. 18: Mme udọn̄ n̄kann̄kụk. Utịn̄ikọ emi ebiowo ọnọde m̀mê nneme mbiowo iba, ẹnemede ẹban̄a udọn̄ eke spirit esop. Ẹnọ item N̄wed Abasi ye nti ekikere kaban̄a edinam n̄kọri.

Ikwọ 174 ye akam ediberi.