Mme Esoputom Eke October
Urua Ọtọn̄ọde October 7
Ikwọ 47 (21)
Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Tịn̄ ban̄a ibatutom an̄wautom July eke idụt ye eke esop n̄kann̄kụk.
Min. 15: Ekebe Mbụme. Esenyịn utom m̀mê ebiowo efen emi odotde eneme ntọt emi ye otuowo.
Min. 20: “Tịm Nneme Unọ Magazine eke Idemfo.” (Ikpehe ekikere 1-7) Bụp mme mbụme ke ikpehe ekikere 1-4, ndien ekem ẹnam mbio mbio nnamn̄wụt iba m̀mê ita ndiwụt nte ẹkemede ndinọ mme magazine eke ndondo emi, ẹdade mme ekikere ẹnọde ke ikpehe ekikere 5-7. Sịn mme ikọ ẹtode Enyọn̄-Ukpeme eke March 1, 1987, page 17, ikpehe ekikere 8-9.
Ikwọ 222 (119) ye akam ediberi.
Urua Ọtọn̄ọde October 14
Ikwọ 39 (16)
Min. 10: Mme ntọt n̄kann̄kụk. Nam an̄wan̄a nte ẹkemede nditọn̄ọ afan̄ magazine: (1) Wet magazine kiet kiet oro onịmde ye ibuotikọ oro okowụtde, (2) diomi ndifiak n̄ka ye mme nsiondi efen, nyụn̄ (3) sio akpan ini ke ndutịm utom fo eke urua ke urua nịm ndinam mme ediwaha ẹmi. Nọ editobo eke isua kiet. Edieke owo mîbọhọ, nọ ke ọfiọn̄ itiokiet nyụn̄ ti nditọt kpukpru afan̄ magazine nte mfiakn̄ka.
Min. 15: “Ndisuan Eti Mbụk Eti N̄kpọ.” Mbụme ye ibọrọ. Sio ndusụk onịm-mbụk ibuotikọ oro ẹdude ke Enyọn̄-Ukpeme wụt.—Se Enyọn̄-Ukpeme eke March 1, 1987, page 13.
Min. 20: “Tịm Nneme Unọ Magazine eke Idemfo.” (Ikpehe ekikere 8-11) Mbụme ye ibọrọ. Sịn mme ikọ ẹtode ekikere inan̄ oro ẹnọde ke Enyọn̄-Ukpeme eke January 1, 1994, page 24-25, ikpehe ekikere 18-21. Ke akamade mme nsiondi magazine eke October, wụt nte ẹkemede nditịm nneme: (1) Sat mme ibuotikọ oro anade edi ẹyemụm udọn̄ ke efakutom mbufo, (2) yom n̄kpọ oro edemerede udọn̄ man owụt, (3) kere ban̄a mbụme oro ekemede ndida ndụri ntịn̄enyịn n̄ka n̄kpọ oro, (4) mek itien̄wed Abasi emi edikotde edieke ẹnọde ifet, nyụn̄ (5) tịm mme ntọn̄ọikọ ye se afo editịn̄de aban̄a magazine oro man otodo esịn udọn̄ ọnọ enyeneufọk ndibọ enye. Dọhọ asuanetop iba m̀mê ita ẹmi ẹdotde ẹnam nneme kiet kiet ẹwụt. Sịn uyen emi edinamde mmemmem usụn̄ edinọ magazine owụt.
Ikwọ 82 (63) ye akam ediberi.
Urua Ọtọn̄ọde October 21
Ikwọ 169 (57)
Min. 10: Mme ntọt n̄kann̄kụk. Ntọt ibatokụk.
Min. 17: “Ẹnam Utom ke Efakutom Mbufo Mfọn Mfọn.” Neme ibuotikọ ye ndutịm n̄kann̄kụk ẹnamde ẹnọ edinam utom ke mme ikpehe mbubehe. Dọhọ otuowo ẹbụk mme ọnọ-nsịnudọn̄ ifiọkutom ẹmi mmọ ẹkenyenede ke ini mmọ ẹkenamde utom ke mme ufọkurua ẹmi ẹsịnede ke efakutom mmọ.
Min. 18: Mme udọn̄ n̄kann̄kụk. M̀mê utịn̄ikọ emi ebiowo ọnọde ke ibuotikọ oro “Sọn̄ọ Mụm Mbuọtidem Fo Kama Tutu Osịm Utịt,” otode Enyọn̄-Ukpeme eke May 1, 1996, page 21-24.
Ikwọ 12 (40) ye akam ediberi.
Urua Ọtọn̄ọde October 28
Ikwọ 27 (7)
Min. 10: Mme ntọt n̄kann̄kụk. Ye mme usen nduọkodudu ererimbot ẹsan̄ade ẹkpere ke December, ndusụk anamde ẹnyene nduọkodudu ke utom ye ke ufọkn̄wed, sịn udọn̄ nọ kpukpru owo ẹkere ẹban̄a ifet edisịn enyịn̄ nte mme asiakusụn̄ unọ un̄wam. Sịn udọn̄ nọ kpukpru owo ẹnọ ibatutom an̄wautom mmọ eke October utịturua emi.
Min. 20: “Nte Ẹkpedepde Ifet.” Mbụme ye ibọrọ. Sịn mme ikọ ẹtode Enyọn̄-Ukpeme eke December 1, 1989, page 16-17, ikpehe ekikere 7-11.
Min. 15: Dụn̄ọde Mme N̄wed Ẹnọde ke November. Ẹdinọ n̄wed Ifiọk, ndien ẹyenam san̄asan̄a ukeme ndifiak n̄ka kpukpru ebiet oro ẹkenịmde n̄wed, ye ekikere editọn̄ọ ukpepn̄kpọ Bible. Asuanetop iba m̀mê ita ẹmi ẹdotde ẹneme ẹban̄a ufọn n̄wed oro ye nte ẹkemede ndida enye nnam n̄kpọ. Ntọt emi enye esịnede otụk uwem mme owo ke kpukpru idaha ke uwem. Enye eneme mme akpan ibuot nneme Bible ye mme edumbet ẹmi mbufa owo ẹnyenede ndifiọk mbemiso ẹnade baptism. Edieke nnyịn inamde ukpepn̄kpọ oro aka iso nte eyede, eyen ukpepn̄kpọ ekeme ndinam usọp usọp n̄kọri. Neme nyụn̄ nam wụt nte ẹkemede nditọn̄ọ ukpepn̄kpọ nnennen nnennen: Dụn̄ọde ndise ye uwetn̄kpọ ndise ke page 4-5; nam ido ukpepn̄kpọ nnyịn an̄wan̄a; neme akpa ikpehe ekikere ition ke ibuot 1 ibio ibio; nam ndutịm ndifiak ndi nte ini akade nnyụn̄ n̄ka iso ke nneme oro, ọbọrọde mbụme emi, Nte uwem nsinsi edi sụk ndap? Sọn̄ọ tịn̄ idatesịt oro asan̄ade ye ifet edinịm ukpepn̄kpọ Bible.
Ikwọ 162 (89) ye akam ediberi.