Ndutịm Ufọkn̄wed Utom Ukara Abasi Eke 1997

Mme Item

Ke 1997 se itienede emi edidi ndutịm ke ini ẹnịmde Ufọkn̄wed Utom Ukara Abasi.

MME N̄WED ẸKAMADE: Edisana Ŋwed Abasi Ibom, Ndidiana Kiet ke Utuakibuot Ata Abasi Kierakiet [uw-EF], Enyọn̄-Ukpeme [w-EF], Ifiọk Oro Adade Osịm Nsinsi Uwem [kl-EF], ye N̄wed Mi eke Mme Mbụk Bible [my-EF] ẹdidi mme ebiet ẹdade mme n̄kpọ ẹnọde ẹnam.

Ufọkn̄wed ekpenyene nditọn̄ọ KE INI ke ikwọ, akam, ye mme ikọ ekọm ndien aka iso ntem:

UTỊN̄IKỌ NỌ. 1: Minit 15. Ebiowo m̀mê asan̄autom unamutom ekpenyene ndise mban̄a emi, ndien emi edikọn̄ọ ke Ndidiana Kiet ke Utuakibuot Ata Abasi Kierakiet m̀mê Enyọn̄-Ukpeme. Ke ini ọkọn̄ọde ke Enyọn̄-Ukpeme, ẹkpenyene ndinọ utịn̄ikọ emi nte ikọ item ke minit 15 ye unana edifiak ndụn̄ọde; ke ini ọkọn̄ọde ke n̄wed Ndidiana Kiet ke Utuakibuot, ẹkpenyene ndinọ enye nte ikọ item ke minit 10 osịm 12 ye edifiak ndụn̄ọde eke minit 3 osịm 5 etienede, ẹdade mme mbụme ẹmi ẹmịn̄de ẹsịn ke n̄wed emi. Uduak ikpedịghe sụk editịn̄ ofụri se idude, edi ẹkpenyene ndiwụk ntịn̄enyịn ke mme n̄kpọ oro ẹtịmde ẹnyene ufọn ke ntọt oro ẹnemede, ẹsiode se iditịmde inyene ufọn inọ esop ẹwụt. Ẹkpenyene ndikama ibuotikọ oro ẹwụtde. Ẹsịn udọn̄ ẹnọ kpukpru owo ndibem iso ntịm idem nte ọfọnde man ẹbọ ufọn ọyọhọ ọyọhọ ẹto utịn̄ikọ emi.

Nditọete oro ẹnọde utịn̄ikọ emi ẹkpenyene ndikpeme man ẹkụre ke ini oro ẹnịmde. Ẹkeme ndinọ item ke ndịbe edieke oyomde ẹnọ m̀mê edieke etịn̄ikọ ọdọhọde ẹnọ imọ.

MME AKPAN N̄KPỌ ẸTODE EDIKOT BIBLE: Minit 6. Ebiowo m̀mê asan̄autom unamutom emi ke uforo uforo usụn̄ edidade se idude ibuan ye mme udọn̄ n̄kann̄kụk ekpenyene ndise mban̄a emi. Emi ikpenyeneke ndidi sụk ibio ibio editịn̄ se ẹkenọde ẹkot. Ekeme ndisịne editịn̄ ntụk ofụri se idude ke mme ibuot oro ẹkenọde ẹkot ke sekọn 30 osịm 60. Nte ededi, akpan uduak edi ndin̄wam otuowo ẹfiọk ntak ye nte ntọt oro enyenede ufọn ọnọ nnyịn. Esenyịn ufọkn̄wed ayasuan nditọ ufọkn̄wed ndien ẹka nsio nsio ubet ukpepn̄kpọ mmọ.

UTỊN̄IKỌ NỌ. 2: Minit 5. Emi edi edikot itie Bible oro ẹnọde ẹkot oro eyenete eren edinamde. Emi eyebuana akpa ufọkn̄wed ọkọrọ ye mme udiana otu. Mme itien̄wed oro ẹnọde ẹkot ẹsimụhọ ẹkem man ọnọ eyen ufọkn̄wed ufan̄ nditịn̄ ibio ibio ikọ ndinam itien̄wed oro an̄wan̄a ke ntọn̄ọ ye ke utịt ikọ esie. Ẹkeme ndibuan ifiọk n̄kpọntịbe eke eset, edisu eke ntịn̄nnịm ikọ m̀mê se ukpepn̄kpọ esie ọwọrọde, ye nte ẹdade mme edumbet esie ẹsịn ke edinam. Ẹkpenyene ndikot kpukpru ufan̄ikọ oro ẹnọde ye unana edituak nda. Nte ededi, ke ebiet emi ufan̄ikọ ẹmi ẹnyenede ndikot mîdịghe ke adiana ke adiana, eyen ufọkn̄wed ekeme ndisiak ufan̄ikọ oro enye akade iso okot.

UTỊN̄IKỌ NỌ. 3: Minit 5. Ẹdinọ eyenete an̄wan enyeemi. Ibuotikọ utịn̄ikọ emi edikọn̄ọ ke Ifiọk Oro Adade Osịm Nsinsi Uwem. Nte ẹtịmde ekeme ndidi mfiakn̄ka m̀mê ukpepn̄kpọ Bible, ndien mme andibuana ẹkeme nditetie m̀mê ndidada. Esenyịn ufọkn̄wed edinyene udọn̄ akpan akpan ke usụn̄ nte eyen ufọkn̄wed an̄wamde enyeneufọk man ọkọk ibuot onyụn̄ ọfiọk ibuot nneme ye ke nte ẹbuande mme itien̄wed Abasi. Eyen ufọkn̄wed emi ẹnọde ekpenyene ndikeme ndikot n̄wed. Esenyịn ufọkn̄wed eyediomi owo kiet ndinọ un̄wam, edi ẹkeme ndida andin̄wam efen ndian. Eyen ufọkn̄wed ekeme ndibiere ndidọhọ enyeneufọk okot mîdịghe etre ndikot ndusụk ikpehe ekikere ke n̄wed oro. Idịghe nte ẹtịmde edi edi uforo uforo usụn̄ oro ẹdade se ẹnọde ẹnam n̄kpọ ke ẹkpenyene ndikere mban̄a akpan akpan.

UTỊN̄IKỌ NỌ. 4: Minit 5. Ẹdinọ eyenete eren m̀mê eyenete an̄wan enyeemi. Enye edikọn̄ọ ke N̄wed Mi eke Mme Mbụk Bible. Ke ini ẹnọde eyenete eren, emi ekpenyene ndidi utịn̄ikọ oro ẹtịn̄de ẹnọ ofụri otuowo. Nte ido edide ọyọfọn etieti eyenete eren emi nditịm utịn̄ikọ esie ye otuowo eke Ufọkmbono Obio Ubọn̄ ke ekikere man enye enen̄ede esịne mme akpan n̄kpọ onyụn̄ enyene ufọn ọnọ mme owo oro ẹnen̄erede ẹkop enye. Ke ini ẹnọde eyenete an̄wan ikpehe emi, ẹkpenyene ndinọ utịn̄ikọ emi nte ẹwụtde ke Utịn̄ikọ Nọ. 3.

ITEM YE MBIO MBIO EDITỊN̄ MBAN̄A: Ke utịn̄ikọ eyen ufọkn̄wed kiet kiet okụrede, esenyịn ufọkn̄wed eyenọ item oro otịmde odot, idịghe nte ke ẹnyene nditiene item ẹmi ẹdude ke babru Item Utịn̄ikọ ke adiana ke adiana. Utu ke oro, enye ekpenyene ndiwụk ntịn̄enyịn ke mme ikpehe oro oyomde eyen ufọkn̄wed anam n̄kọri. Edieke eyen ufọkn̄wed odotde ndibọ “Ọ” kpọt ndien ido utịn̄ikọ efen idụhe oro ẹsịnde idiọn̄ọ “N̄” m̀mê “N,” do ọnọitem ekpenyene ndiwet ebe n̄kanade ido utịn̄ikọ oro eyen ufọkn̄wed edinyenede ndinam n̄kpọ mban̄a ini efen, anamde ntre ke ufan̄ oro ẹdiwetde “Ọ,” “N̄,” m̀mê “N.” Enye eyesian eyen ufọkn̄wed ke mbubịteyo oro aban̄a emi ọkọrọ ye ediwụt ido utịn̄ikọ emi ke babru Se Ẹnọde Ẹnam ke Ufọkn̄wed Utom Ukara Abasi (S-89-EF) eke eyen ufọkn̄wed oro ini efen. Mbon oro ẹnyenede n̄kpọ ndinam ẹkpenyene nditie ke n̄kan̄ iso ufọkmbono. Emi eyenam ubiatini okûdu onyụn̄ an̄wam esenyịn ufọkn̄wed ọnọ eyen ufọkn̄wed kiet kiet item nnennen nnennen. Nte ini ayakde ke ama okokụre ndinọ item oro ẹyomde, ọnọitem ekeme nditịn̄ mban̄a mme akpan n̄kpọ oro ẹsịnede item ẹnyụn̄ ẹnyenede ufọn ẹmi nditọ ufọkn̄wed mîkenemeke. Esenyịn ufọkn̄wed ekpenyene nditịn̄ enyịn man okûda se iwakde ibe minit iba ke ndinọ item ye mbio mbio utịn̄ikọ efen ekededi ke utịn̄ikọ eyen ufọkn̄wed kiet kiet okụrede. Edieke oyomde ẹnọ eyenete oro esede aban̄a mme akpan n̄kpọ ẹtode edikot Bible item, ẹkeme ndinọ emi ke ndịbe.

NDITỊM MME UTỊN̄IKỌ: Mbemiso otịmde utịn̄ikọ oro ẹnọde, eyen ufọkn̄wed ekpenyene ndikot se idude ke Ñwed-item Ufök-ñwed emi enyenede n̄kpọ ndinam ye ido utịn̄ikọ oro enye edinamde n̄kpọ aban̄a. Nditọ ufọkn̄wed oro ẹnọde Utịn̄ikọ Nọ. 2 ẹkeme ndimek ibuotikọ emi odotde ye itie Bible oro ẹdikotde. Ẹdinọ mme utịn̄ikọ eken nte asan̄ade ekekem ye ibuotikọ oro ẹwụtde ke ndutịm oro ẹmịn̄de-mịn̄.

EDIKPEME INI: Baba owo kiet m̀mê item ye ikọ ọnọitem ikpenyeneke ndibe ini. Ẹkpenyene ndida usọ ntre Utịn̄ikọ Nọ. 2 osịm 4 ke ini ama ekekem. Owo emi ẹnọde utom ndinọ idiọn̄ọ editre ekpenyene ndinam ntre ke nnennen ini. Ke ini nditọete oro ẹnọde Utịn̄ikọ Nọ. 1 ye mme akpan n̄kpọ ẹtode edikot Bible ẹdiade ini, ẹkpenyene ndinọ mmọ item ke ndịbe. Ofụri ndutịm: Minit 45, ke ẹsiode ikwọ ye akam ẹfep.

EDIFIAK NSE ẸWETDE-WET: Ke ini ke ini ẹyenọ edifiak nse ẹwetde-wet. Ke nditịm idem, fiak se utịn̄ikọ ẹkenọde ẹnam, nyụn̄ kụre edikot Bible oro ẹkenọde. Bible ikpọn̄ ke ẹkeme ndikama ke ini edifiak nse eke minit 25 emi. Ẹdida ini oro osụhọde ke ndineme mme mbụme ye ibọrọ oro. Eyen ufọkn̄wed kiet kiet edidụn̄ọde babru esie. Esenyịn ufọkn̄wed eyeneme mme ibọrọ mbụme ndụn̄ọde ye otuowo onyụn̄ owụk ntịn̄enyịn ke mme mbụme oro ẹtịmde ẹsọn̄, an̄wamde kpukpru owo ẹdiọn̄ọ mme ibọrọ in̄wan̄în̄wan̄. Edieke mme idaha n̄kann̄kụk ẹnamde edi se ẹyomde, ẹkeme ndinịm edifiak nse ẹwetde-wet urua kiet ke usen oro ẹwụtde ke ndutịm emi ama ekebe.

IKPỌ ESOP: Mme esop oro ẹnyenede mme andisịn enyịn̄ ke ufọkn̄wed ẹsịm owo 50 m̀mê awakde akan oro ẹkeme ndiyom ndidiomi otu nditọ ufọkn̄wed efen ndinọ mme utịn̄ikọ ẹdiomide n̄wụt mme ọnọitem efen. Nte ededi, mme owo oro mînaha baptism oro ẹdude uwem ẹkekem ye mme edumbet Christian ẹkeme n̄ko ndisịn enyịn̄ ke ufọkn̄wed emi nnyụn̄ mbọ mme n̄kpọ nnam.

MBON ORO MÎDỤHE: Kpukpru owo ke esop ẹkeme ndiwụt esịtekọm nnọ ufọkn̄wed emi ke ndin̄wana ndidu ke kpukpru edinam eke urua ke urua, ke nditịm mme utịn̄ikọ mmọ ẹfọn, ye ke ndibuana ke mme ini ẹbụpde mme mbụme. Ẹdori enyịn ẹte ke kpukpru nditọ ufọkn̄wed ẹyenam se ẹnọde mmọ ẹnam ke ofụri esịt. Edieke eyen ufọkn̄wed mîdụhe ke ini ẹkediomide, owo oro onyịmede ekeme ndibọ utịn̄ikọ oro nnam, adade mme n̄kpọ ekededi oro enye ekerede ete ke ẹdot abuan nte ekemde ye esisịt ini oro ẹtọtde enye. Mîdịghe esenyịn ufọkn̄wed ekeme ndikụre se ẹnọde ẹnam ye ebuana otuowo nte odotde.

NDUTỊM

Jan. 6 Edikot Bible: Zechariah 1 osịm 5

Ọyọhọ Ikwọ 85 (44)

Nọ. 1: w89-EF 6/15 p. 30-31 (ke ẹsiode ekebe ẹfep)

Nọ. 2: Zechariah 2:1-13

Nọ. 3: Owo Ikobotke Owo Ndikpa N̄kpa (kl-EF p. 53 ikp. eki. 1-3)

Nọ. 4: Ruth ye Naomi (my-EF mbụk 51)

Jan. 13 Edikot Bible: Zechariah 6 osịm 9

Ọyọhọ Ikwọ 215 (117)

Nọ. 1: Jesus Enyene Mme Ukpọhọde N̄kpa ye Hades (uw-EF p. 73-77 ikp. eki. 8 osịm 15)

Nọ. 2: Zechariah 7:1-14

Nọ. 3: Ubi Ubi Ediomi (kl-EF p. 55-56 ikp. eki. 4-7)

Nọ. 4: Gideon ye Mme Owo 300 Esie (my-EF mbụk 52)

Jan. 20 Edikot Bible: Zechariah 10 osịm 14

Ọyọhọ Ikwọ 98 (91)

Nọ. 1: w89-EF 6/15 p. 31 (ekebe)

Nọ. 2: Zechariah 12:1-14

Nọ. 3: Nte Satan Akanamde Ediomi Esie (kl-EF p. 56-58 ikp. eki. 8-12)

Nọ. 4: Un̄wọn̄ọ Jephthah (my-EF mbụk 53)

Jan. 27 Edikot Bible: Malachi 1 osịm 4

Ọyọhọ Ikwọ 118 (99)

Nọ. 1: w89-EF 7/1 p. 30-31

Nọ. 2: Malachi 1:6-14

Nọ. 3: Nte Idiọkn̄kpọ ye N̄kpa Atarade Asuana (kl-EF p. 58-59 ikp. eki. 13-15)

Nọ. 4: Owo Emi Okopde Odudu Akan (my-EF mbụk 54)

Feb. 3 Edikot Bible: Matthew 1 osịm 3

Ọyọhọ Ikwọ 132 (70)

Nọ. 1: w89-EF 7/15 p. 24-25 ikp. eki. 1

Nọ. 2: Matthew 2:1-15

Nọ. 3: Kpeme Idem ye Mme N̄kari Satan (kl-EF p. 59-60 ikp. eki. 16-18)

Nọ. 4: Ekpri Eyeneren Anam N̄kpọ Abasi (my-EF mbụk 55)

Feb. 10 Edikot Bible: Matthew 4 ye 5

Ọyọhọ Ikwọ 36 (14)

Nọ. 1: Wụt Esịtekọm ke Obio Ubọn̄ Abasi Emi Ebịghide (uw-EF p. 78-81 ikp. eki. 1-9)

Nọ. 2: Matthew 4:1-17

Nọ. 3: Nyene Mbuọtidem Nyụn̄ Ben̄e Idem nọ Ubiọn̄ọ (kl-EF p. 60-61 ikp. eki. 19-21)

Nọ. 4: Saul—Akpa Edidem Israel (my-EF mbụk 56)

Feb. 17 Edikot Bible: Matthew 6 ye 7

Ọyọhọ Ikwọ 222 (119)

Nọ. 1: Se Obio Ubọn̄ Abasi Edinamde (uw-EF p. 81-82 ikp. eki. 10-12)

Nọ. 2: Matthew 7:1-14

Nọ. 3: Usụn̄ Abasi Ndinyan̄a Ubonowo (kl-EF p. 62-63 ikp. eki. 1-5)

Nọ. 4: Abasi Emek David (my-EF mbụk 57)

Feb. 24 Edikot Bible: Matthew 8 ye 9

Ọyọhọ Ikwọ 162 (89)

Nọ. 1: Se Obio Ubọn̄ Oro Ama Akananam (uw-EF p. 83-86 ikp. eki. 13-15)

Nọ. 2: Matthew 8:1-17

Nọ. 3: Ntak Emi Messiah Akakpade (kl-EF p. 63-65 ikp. eki. 6-11)

Nọ. 4: David ye Goliath (my-EF mbụk 58)

March 3 Edikot Bible: Matthew 10 ye 11

Ọyọhọ Ikwọ 172 (92)

Nọ. 1: Nte Nnyịn Ibemde Iso Iyom Obio Ubọn̄ (uw-EF p. 87-89 ikp. eki. 1-6)

Nọ. 2: Matthew 11:1-15

Nọ. 3: Nte Ẹkekpede Ufak (kl-EF p. 65-68 ikp. eki. 12-16)

Nọ. 4: Ntak Anade David Efehe (my-EF mbụk 59)

Mar. 10 Edikot Bible: Matthew 12 ye 13

Ọyọhọ Ikwọ 133 (68)

Nọ. 1: Tiene Uwụtn̄kpọ Mme Akpa Mbet (uw-EF p. 90-91 ikp. eki. 7-9)

Nọ. 2: Matthew 12:22-37

Nọ. 3: Ufak Christ ye Afo (kl-EF p. 68-69 ikp. eki. 17-20)

Nọ. 4: Abigail ye David (my-EF mbụk 60)

Mar. 17 Edikot Bible: Matthew 14 ye 15

Ọyọhọ Ikwọ 129 (66)

Nọ. 1: Nịm Obio Ubọn̄ Akpa ke Uwem Fo (uw-EF p. 91-94 ikp. eki. 10-15)

Nọ. 2: Matthew 14:1-22

Nọ. 3: Nte Abasi Edi Ntak Ndutụhọ Owo? (kl-EF p. 70-72 ikp. eki. 1-5)

Nọ. 4: Ẹnam David Edidem (my-EF mbụk 61)

Mar. 24 Edikot Bible: Matthew 16 ye 17

Ọyọhọ Ikwọ 151 (25)

Nọ. 1: Se N̄wed Abasi Etịn̄de Aban̄a Baptism John (uw-EF p. 95-96 ikp. eki. 1-5)

Nọ. 2: Matthew 17:14-27

Nọ. 3: Mfọnmma Ntọn̄ọ ye Ubi Ubi Ata (kl-EF p. 72-73 ikp. eki. 6-10)

Nọ. 4: Afanikọn̄ ke Ufọk David (my-EF mbụk 62)

Mar. 31 Edikot Bible: Matthew 18 ye 19

Ọyọhọ Ikwọ 97 (50)

Nọ. 1: Nso Idi Edina Baptism Ndụk ke N̄kpa? (uw-EF p. 97-98 ikp. eki. 6-8)

Nọ. 2: Matthew 19:16-30

Nọ. 3: Mme Ata Eneni ye Usụn̄ Jehovah Ndibiere Mmọ (kl-EF p. 74-76 ikp. eki. 11-15)

Nọ. 4: Enyene Ọniọn̄ Edidem Solomon (my-EF mbụk 63)

Apr. 7 Edikot Bible: Matthew 20 ye 21

Ọyọhọ Ikwọ 107 (57)

Nọ. 1: Nso ke Ọwọrọ Ndina Baptism ke “Enyịn̄ Ete ye Eyen ye Edisana Spirit”? (uw-EF p. 98 ikp. eki. 9)

Nọ. 2: Matthew 20:1-16

Nọ. 3: Se Abasi Ndiyak Idiọkido Odu Ọsọn̄ọde (kl-EF p. 76-77 ikp. eki. 16-19)

Nọ. 4: Solomon Ọbọp Temple (my-EF mbụk 64)

Apr. 14 Edikot Bible: Matthew 22 ye 23

Ọyọhọ Ikwọ 56 (33)

Nọ. 1: Ndidu Uwem Ekekem ye Se Baptism Nnyịn Ọwọrọde (uw-EF p. 99-102 ikp. eki. 10-14)

Nọ. 2: Matthew 23:1-15

Nọ. 3: Afo Ada ye Anie? (kl-EF p. 78-79 ikp. eki. 20-23)

Nọ. 4: Ẹbahade Obio Ubọn̄ (my-EF mbụk 65)

Apr. 21 Edikot Bible: Matthew 24 ye 25

Ọyọhọ Ikwọ 193 (103)

Nọ. 1: Ndidiọn̄ọ Akwa Otuowo (uw-EF p. 103-104 ikp. eki. 1-4)

Nọ. 2: Matthew 24:32-44

Nọ. 3: Nso Itịbe Inọ Mbonima Nnyịn Oro Ẹkpan̄ade? (kl-EF p. 80-82 ikp. eki. 1-6)

Nọ. 4: Jezebel—Idiọk Ọbọn̄ An̄wan (my-EF mbụk 66)

Apr. 28 Edifiak Nse Ẹwetde-Wet. Kụre Zechariah 1-14; Mal 1-4 osịm Matthew 1-25

Ọyọhọ Ikwọ 6 (4)

May 5 Edikot Bible: Matthew 26

Ọyọhọ Ikwọ 14 (6)

Nọ. 1: Nso ke Oyom Man Ẹbọhọ Akwa Ukụt? (uw-EF p. 105 ikp. eki. 5)

Nọ. 2: Matthew 26:31-35, 69-75

Nọ. 3: Se Edifiak ke Ntan Enen̄erede Ọwọrọ (kl-EF p. 82-83 ikp. eki. 7-10)

Nọ. 4: Jehoshaphat Ọbuọt Idem ye Jehovah (my-EF mbụk 67)

May 12 Edikot Bible: Matthew 27 ye 28

Ọyọhọ Ikwọ 102 (53)

Nọ. 1: w89-EF 7/15 p. 25 ikp. eki. 2-6

Nọ. 2: Matthew 27:11-26

Nọ. 3: Nso Idi Idaha Mme Akpan̄kpa? (kl-EF p. 83-84 ikp. eki. 11-14)

Nọ. 4: Nditọ Iren Iba Ẹfiakde Ẹdu Uwem (my-EF mbụk 68)

May 19 Edikot Bible: Mark 1 ye 2

Ọyọhọ Ikwọ 180 (100)

Nọ. 1: w89-EF 10/15 p. 30

Nọ. 2: Mark 1:12-28

Nọ. 3: Ẹyenam Kpukpru Mbon Oro Ẹdude ke Ibuot Uti N̄kpọ Jehovah Ẹset (kl-EF p. 85-87 ikp. eki. 15-18)

Nọ. 4: N̄kaiferi An̄wam Eren Uko (my-EF mbụk 69)

May 26 Edikot Bible: Mark 3 ye 4

Ọyọhọ Ikwọ 46 (20)

Nọ. 1: Ntak Emi Akwa Otuowo Ọbọhọde Akwa Ukụt (uw-EF p. 106-107 ikp. eki. 6-8)

Nọ. 2: Mark 3:1-15

Nọ. 3: Ediset ke N̄kpa N̄ka M̀mọ̀n̄? (kl-EF p. 88-89 ikp. eki. 19-22)

Nọ. 4: Jonah ye Akamba Iyak (my-EF mbụk 70)

June 2 Edikot Bible: Mark 5 ye 6

Ọyọhọ Ikwọ 220 (19)

Nọ. 1: Ntak Idade Paradise eke Spirit Nnyịn ke Ọsọn̄urua N̄kpọ (uw-EF p. 107-109 ikp. eki. 9-13)

Nọ. 2: Mark 5:21-24, 35-43

Nọ. 3: Obio Ubọn̄ Abasi ye Uduak Esie (kl-EF p. 90-91 ikp. eki. 1-5)

Nọ. 4: Abasi Ọn̄wọn̄ọ Paradise (my-EF mbụk 71)

June 9 Edikot Bible: Mark 7 ye 8

Ọyọhọ Ikwọ 207 (112)

Nọ. 1: Ntak Emi Ibat Mme Ada Udeme Obio Ubọn̄ Nnyene Ekpride Ntre ke Isọn̄ Mfịn? (uw-EF p. 110-112 ikp. eki 1-7)

Nọ. 2: Mark 7:24-37

Nọ. 3: Obio Ubọn̄ Abasi Edi Ukara (kl-EF p. 91-92 ikp. eki. 6-7)

Nọ. 4: Abasi An̄wam Edidem Hezekiah (my-EF mbụk 72)

June 16 Edikot Bible: Mark 9 ye 10

Ọyọhọ Ikwọ 11 (12)

Nọ. 1: Nditọ eke Spirit—Mmọ Ẹsan̄a Didie Ẹfiọk? (uw-EF p. 112-114 ikp. eki. 8-10)

Nọ. 2: Mark 9:14-29

Nọ. 3: Nte Nnyịn Isan̄ade Ifiọk ke Obio Ubọn̄ Abasi Edi Ata Idem N̄kpọ (kl-EF p. 92-93 ikp. eki. 8-11)

Nọ. 4: Akpatre Eti Edidem Israel (my-EF mbụk 73)

June 23 Edikot Bible: Mark 11 ye 12

Ọyọhọ Ikwọ 87 (47)

Nọ. 1: Nso ke Usọrọ Editi Ada Aban̄a? (uw-EF p. 114-116 ikp. eki. 11-14)

Nọ. 2: Mark 11:12-25

Nọ. 3: Ntak Emi Obio Ubọn̄ Abasi Edide N̄kukụre Idotenyịn Ubonowo (kl-EF p. 94-95 ikp. eki. 12-13)

Nọ. 4: Owo Emi Mîfeheke Ndịk (my-EF mbụk 74)

June 30 Edikot Bible: Mark 13 ye 14

Ọyọhọ Ikwọ 38 (65)

Nọ. 1: Ndidiọn̄ọ Esop Jehovah Oro Ẹkụtde ke Enyịn (uw-EF p. 117-118 ikp. eki. 1-3)

Nọ. 2: Mark 14:12-26

Nọ. 3: Ntak Jesus Mîkọtọn̄ọke Ndikara Ndondo Oro Enye Ọkọdọkde ke Heaven (kl-EF p. 95-96 ikp. eki. 14-15)

Nọ. 4: N̄kparawa Inan̄ ke Babylon (my-EF mbụk 75)

July 7 Edikot Bible: Mark 15 ye 16

Ọyọhọ Ikwọ 187 (93)

Nọ. 1: w89-EF 10/15 p. 31

Nọ. 2: Mark 15:16-32

Nọ. 3: Ini Ewe ke Edimek Ini Mme Idụt Ọkọtọn̄ọ Onyụn̄ Etre? (kl-EF p. 96-97 ikp. eki. 16-18)

Nọ. 4: Ẹsobo Jerusalem (my-EF mbụk 76)

July 14 Edikot Bible: Luke 1

Ọyọhọ Ikwọ 212 (110)

Nọ. 1: w89-EF 11/15 p. 24 ikp. eki. 1-8

Nọ. 2: Luke 1:5-17

Nọ. 3: Mmọemi Ẹdi Ukperedem Ini (kl-EF p. 98-99 ikp. eki. 1-4)

Nọ. 4: Mmọ Idinụhọke (my-EF mbụk 77)

July 21 Edikot Bible: Luke 2 ye 3

Ọyọhọ Ikwọ 89 (49)

Nọ. 1: Esop Abasi Edi eke Ukara Abasi (uw-EF p. 118-120 ikp. eki. 4-7)

Nọ. 2: Luke 2:1-14

Nọ. 3: Nso Idi Ndusụk Ikpehe Ukperedem Ini? (kl-EF p. 99-103 ikp. eki. 5-7)

Nọ. 4: Ubọkn̄wed Ẹwetde ke Ibibene (my-EF mbụk 78)

July 28 Edikot Bible: Luke 4 ye 5

Ọyọhọ Ikwọ 92 (51)

Nọ. 1: Udeme N̄wed Abasi eke Mmọemi Ẹdade Usụn̄ (uw-EF p. 120-123 ikp. eki. 8-12)

Nọ. 2: Luke 4:31-44

Nọ. 3: Mbiara Eduuwem Owo Emi Ẹkebemde Iso Ẹtịn̄ Kaban̄a Mme Ukperedem Ini (kl-EF p. 103-104 ikp. eki. 8-12)

Nọ. 4: Daniel ke Obube Mme Lion (my-EF mbụk 79)

Aug. 4 Edikot Bible: Luke 6 ye 7

Ọyọhọ Ikwọ 213 (36)

Nọ. 1: Ndidụn̄ọde Esịtekọm Inyenede Inọ Esop Abasi (uw-EF p. 123-124 ikp. eki. 13-14)

Nọ. 2: Luke 6:37-49

Nọ. 3: N̄wọrọnda Ikpehe Iba eke Ukperedem Ini (kl-EF p. 105 ikp. eki. 13-14)

Nọ. 4: Ikọt Abasi Ẹkpọn̄ Babylon (my-EF mbụk 80)

Aug. 11 Edikot Bible: Luke 8 ye 9

Ọyọhọ Ikwọ 67 (38)

Nọ. 1: Ntak Okopde Item? (uw-EF p. 125-127 ikp. eki. 1-4)

Nọ. 2: Luke 9:23-36

Nọ. 3: Nam N̄kpọ Ban̄a Uyarade Oro Nte ke Mmọemi Ẹdi Ukperedem Ini (kl-EF p. 106-107 ikp. eki. 15-17)

Nọ. 4: Ndibuọt Idem ke Un̄wam Abasi (my-EF mbụk 81)

Aug. 18 Edikot Bible: Luke 10 ye 11

Ọyọhọ Ikwọ 34 (8)

Nọ. 1: Nti Uwụtn̄kpọ Mbon Ẹmi Ẹkebọde Item (uw-EF p. 127-128 ikp. eki. 5-6)

Nọ. 2: Luke 11:37-51

Nọ. 3: Ndiọi Spirit Ẹdu! (kl-EF p. 108 ikp. eki. 1-3)

Nọ. 4: Mordecai ye Esther (my-EF mbụk 82)

Aug. 25 Edifiak Nse Ẹwetde-Wet. Kụre Matthew 26-28; Mr 1-16 osịm Luke 1-11

Ọyọhọ Ikwọ 160 (88)

Sept. 1 Edikot Bible: Luke 12 ye 13

Ọyọhọ Ikwọ 163 (94)

Nọ. 1: Kọri Mme Ọsọn̄urua Edu (uw-EF p. 128-130 ikp. eki. 7-11)

Nọ. 2: Luke 13:1-17

Nọ. 3: Ndiọi Angel Ẹdiana ye Satan (kl-EF p. 109 ikp. eki. 4-5)

Nọ. 4: Mme Ibibene Jerusalem (my-EF mbụk 83)

Sept. 8 Edikot Bible: Luke 14 osịm 16

Ọyọhọ Ikwọ 124 (75)

Nọ. 1: Kûsịn Ntụnọ Jehovah (uw-EF p. 130-131 ikp. eki. 12-14)

Nọ. 2: Luke 14:1-14

Nọ. 3: Sịn Kpukpru Orụk Ubụpekpo (kl-EF p. 111 ikp. eki. 6-8)

Nọ. 4: Angel Ekese Mary (my-EF mbụk 84)

Sept. 15 Edikot Bible: Luke 17 ye 18

Ọyọhọ Ikwọ 200 (108)

Nọ. 1: Ima Anam Ẹdiọn̄ọ Mme Ata Christian (uw-EF p. 132-133 ikp. eki. 1-5)

Nọ. 2: Luke 17:22-37

Nọ. 3: Ntak Emi Bible Obiomde Edinam Ubụpekpo Ikpe (kl-EF p. 112-113 ikp. eki. 9-11)

Nọ. 4: Ẹman Jesus ke Ufọk Ufene (my-EF mbụk 85)

Sept. 22 Edikot Bible: Luke 19 ye 20

Ọyọhọ Ikwọ 145 (115)

Nọ. 1: Se Ẹkpenamde ke Ini Mme Mfịna Ẹdahade Ẹda (uw-EF p. 134-135 ikp. eki. 6-9)

Nọ. 2: Luke 19:11-27

Nọ. 3: Bible Ayarade Nte Ndiọi Spirit Ẹnamde N̄kpọ (kl-EF p. 113-114 ikp. eki. 12-13)

Nọ. 4: Ntantaọfiọn̄ Ada Mme Owo Usụn̄ (my-EF mbụk 86)

Sept. 29 Edikot Bible: Luke 21 ye 22

Ọyọhọ Ikwọ 86 (45)

Nọ. 1: Biere Mme Mfịna ke Ido N̄wed Abasi (uw-EF p. 135-136 ikp. eki. 10-13)

Nọ. 2: Luke 22:24-38

Nọ. 3: Nte Ẹkpebiọn̄ọde Ndiọi Spirit (kl-EF p. 114-115 ikp. eki. 14-15)

Nọ. 4: Ekpri Jesus ke Temple (my-EF mbụk 87)

Oct. 6 Edikot Bible: Luke 23 ye 24

Ọyọhọ Ikwọ 88 (42)

Nọ. 1: w89-EF 11/15 p. 24 ikp. eki. 9–p. 25

Nọ. 2: Luke 23:32-49

Nọ. 3: Nte Ọkpọsọn̄ọde Mbuọtidem Fo (kl-EF p. 115 ikp. eki. 16-17)

Nọ. 4: John Onịm Jesus Baptism (my-EF mbụk 88)

Oct. 13 Edikot Bible: John 1 osịm 3

Ọyọhọ Ikwọ 31 (10)

Nọ. 1: w90-EF 3/15 p. 24-25 ikp. eki. 1

Nọ. 2: John 1:19-34

Nọ. 3: Ka Iso ke En̄wan Oro Afo An̄wanade ye Ndiọi Spirit (kl-EF p.116-117 ikp. eki. 18-20)

Nọ. 4: Jesus Anam Temple Asana (my-EF mbụk 89)

Oct. 20 Edikot Bible: John 4 ye 5

Ọyọhọ Ikwọ 35 (15)

Nọ. 1: Yom Mme Usụn̄ Ndinyene ‘In̄wan̄în̄wan̄ Esịt’ ke Ima (uw-EF p. 137-138 ikp. eki. 14-17

Nọ. 2: John 4:39-54

Nọ. 3: Ndidu Uwem Uten̄e Abasi Ada Inemesịt Edi (kl-EF p. 118-119 ikp. eki. 1-4)

Nọ. 4: Ye N̄wan Oro ke Obube Mmọn̄ (my-EF mbụk 90)

Oct. 27 Edikot Bible: John 6 ye 7

Ọyọhọ Ikwọ 150 (83)

Nọ. 1: Nyene Uten̄e Abasi ke Ufọk (uw-EF p. 139 ikp. eki. 1-2)

Nọ. 2: John 6:52-71

Nọ. 3: Edinam Akpanikọ Osụn̄ọ ke Inemesịt (kl-EF p. 119- 120 ikp. eki. 5-6)

Nọ. 4: Jesus Ọnọ Ukpep ke Obot (my-EF mbụk 91)

Nov. 3 Edikot Bible: John 8 ye 9

Ọyọhọ Ikwọ 48 (28)

Nọ. 1: Se Bible Etịn̄de Aban̄a Ndọ, Usiondọ, ye Edidianade Ntie (uw-EF p. 140 ikp. eki. 3)

Nọ. 2: John 9:18-34

Nọ. 3: Ntatubọk Ada Inemesịt Edi (kl-EF p. 120 ikp. eki. 7-8)

Nọ. 4: Jesus Anam Mme Akpa N̄kpa Ẹset (my-EF mbụk 92)

Nov. 10 Edikot Bible: John 10 ye 11

Ọyọhọ Ikwọ 117 (75)

Nọ. 1: Mme Akpan N̄kpọ ke Ndọ Oro Okụtde Unen (uw-EF p. 140-141 ikp. eki. 4-5)

Nọ. 2: John 10:22-39

Nọ. 3: Kpeme Mme Ukeme Ukere N̄kpọ Fo Nyụn̄ Fep Se Idiọkde (kl-EF p. 121 ikp. eki. 9-10)

Nọ. 4: Jesus Ọbọk Ediwak Owo (my-EF mbụk 93)

Nov. 17 Edikot Bible: John 12 ye 13

Ọyọhọ Ikwọ 158 (85)

Nọ. 1: Nam Udeme Fo ke Ndutịm Ubon Abasi (uw-EF p. 142-143 ikp. eki. 6-10)

Nọ. 2: John 12:1-16

Nọ. 3: Owo Ndinam Akpanikọ nnọ Nsan̄a Esie Ada Inemesịt Edi ke Ndọ (kl-EF p. 122-123 ikp. eki. 11-13)

Nọ. 4: Enye Ama N̄kpri Nditọ (my-EF mbụk 94)

Nov. 24 Edikot Bible: John 14 osịm 16

Ọyọhọ Ikwọ 63 (32)

Nọ. 1: Yak Bible Edi Ebiet Emi Ọbọde Item (uw-EF p. 144 ikp. eki. 11-13)

Nọ. 2: John 16:1-16

Nọ. 3: Kûdi eke Ererimbot (kl-EF p. 123-124 ikp. eki. 14-15)

Nọ. 4: Usụn̄ Nte Jesus Ọnọde Ukpep (my-EF mbụk 95)

Dec. 1 Edikot Bible: John 17 ye 18

Ọyọhọ Ikwọ 114 (61)

Nọ. 1: Ntak Emi Ibet Moses Edide N̄kpọ Udọn̄ Ọnọ Nnyịn (uw-EF p. 146-147 ikp. eki. 1-4)

Nọ. 2: John 18:1-14

Nọ. 3: Ntak Emi Mme Ata Christian Mîsinịmke Christmas m̀mê Usen Emana (kl-EF p. 126 ikp. eki. 16-17)

Nọ. 4: Jesus Ọkọk Mbon Udọn̄ọ (my-EF mbụk 96)

Dec. 8 Edikot Bible: John 19 osịm 21

Ọyọhọ Ikwọ 138 (71)

Nọ. 1: w90-EF 3/15 p. 25 ikp. eki. 2-7

Nọ. 2: John 19:25-37

Nọ. 3: Ka Iso Ndinịm Usọrọ Udia Mbubịteyo Ọbọn̄ (kl-EF p. 127 ikp. eki. 18)

Nọ. 4: Jesus Edi nte Edidem (my-EF mbụk 97)

Dec. 15 Edikot Bible: Utom 1 osịm 3

Ọyọhọ Ikwọ 41 (22)

Nọ. 1: w90-EF 5/15 p. 24-26 ikp. eki. 1 (ke ẹsiode mme ekebe ẹfep)

Nọ. 2: Utom 1:1-14

Nọ. 3: Nte Mme Edumbet Bible Ẹbuanade Utom ye Unọ Idem Nduọkodudu (kl-EF p. 127-128 ikp. eki. 19-20)

Nọ. 4: Ke Obot Olive (my-EF mbụk 98)

Dec. 22 Edikot Bible: Utom 4 osịm 6

Ọyọhọ Ikwọ 113 (62)

Nọ. 1: Mme Ntak N̄wed Abasi Emi Nnyịn Mîdụhe ke Idak Ibet Moses (uw-EF p. 147-148 ikp. eki. 5-6)

Nọ. 2: Utom 5:27-42

Nọ. 3: Wụt Ukpono Nọ Uwem ye Iyịp (kl-EF p. 128-129 ikp. eki. 21-23)

Nọ. 4: Ke Ubet Ufọk Enyọn̄ (my-EF mbụk 99)

Dec. 29 Edifiak Nse Ẹwetde-Wet. Kụre Luke 12-24; Joh 1-21 osịm Utom 1-6

Ọyọhọ Ikwọ 144 (78)