Edifiak-nse Eke Ufọkn̄wed Utom Ukara Abasi

Edifiak-nse ẹkịbide-kịbi n̄wed, ẹkụrede se ẹkenọde ẹnam ke Ufọkn̄wed Utom Ukara Abasi ke mme urua January 1 osịm April 22, 1996. Kama san̄asan̄a ikọn̄n̄wed da wet ibọrọ ke adan̄a ediwak mbụme nte afo ekekeme ke ini oro ẹnọde.

[Tịm fiọk: Ke ini edifiak-nse emi, emekeme ndikama Bible kpọt mbọrọ mbụme ekededi. Mme n̄kpọ oro ẹwetde ẹdian ke etienede mme mbụme ẹdi kaban̄a ọkpọkpọ ndụn̄ọde fo. Ekeme ndidi mme nọmba page ye ikpehe ekikere ididụhe ke kpukpru se ẹdade ẹto Enyọn̄-Ukpeme.]

Bọrọ m̀mê mme utịn̄ikọ ẹtienede mi ẹdi Akpanikọ m̀mê Nsu:

1. Adan̄a nte Christian ekerede ke imọ inam nnennen n̄kpọ, mme ubiere esie ẹdidi nti. (N̄ke 14:12) [uw-EF p. 8 ikp. eki. 8(2)]

2. Ukpepn̄kpọ Abasi-Ita-ke-Kiet ọkọtọn̄ọ ke Christendom. [uw-EF p. 15, ikp. eki. 8]

3. Sia ekperede ndidi kpukpru ido ukpono ke ofụri ererimbot ẹkpep nte ke ukpọn̄ owo ikemeke ndikpa ndien ke aka iso odu uwem ke owo ama akakpa, ana nnyịn inyịme emi nte akpanikọ. [td-EF 58A]

4. Ke ndimen Rome 8:16 ndomo ye Rome 1:7, ẹkeme ndikụt nte ke Paul eketịn̄ aban̄a ofụri ubonowo nte “nditọ Abasi.” [uw-EF p. 26 ikp. eki. 12(3)]

5. Ediomi oro ẹsiakde ke Jeremiah 31:31, 33 etịn̄ aban̄a ediomi Obio Ubọn̄ oro Jesus anamde ye mme anditiene enye oro ẹyetde aran. [Edikot Bible eke urua ke urua]

6. Jeremiah ekewet N̄wed Eseme ke ẹma ẹkesobo Jerusalem. [Edikot Bible eke urua ke urua]

7. Ke Ukwọ eyo Noah, mmọn̄ ikofụkke ofụri isọn̄, edi okofụk ikpehe oro owo okodụn̄de kpọt. [my-EF mbụk 10]

8. Ete, Eyen, ye Edisana Spirit ẹdi owo ita ẹdide n̄ka-n̄ka ẹmi ẹdianade kiet ẹnam ata Abasi kierakiet. [td-EF 1A]

9. Owo inyeneke usọbọ ndomokiet inọ ukụt ererimbot. [td-EF 27F]

10. Ke eyo Noah, mme angel oro ẹkemende idem eke owo ẹsịne ẹma ẹda afai ẹyọhọ isọn̄. [my-EF mbụk 8]

Bọrọ mme mbụme ẹtienede mi:

11. Sia akwa ima Jehovah okonụkde enye ndidọn̄ Eyen esie edi man edinọ uwem esie ke ibuot nnyịn, nso ke ima oro inyenede inọ Abasi okponụk nnyịn ndinam? (2 Cor. 5:14, 15) [uw-EF p. 14 ikp. eki. 6]

12. Nso ke ndisan̄a ke enyịn̄ Jehovah ọwọrọ? [uw-EF p. 18 ikp. eki. 14]

13. Nso ke nnyịn ikpep iban̄a mme edu Jehovah ebe ke ndikot N̄wed Eseme? (Eseme 3:22, 23, 32) [Edikot Bible eke urua ke urua]

14. Ke ewe usụn̄ ke mme edu Jacob ye Esau ẹkenen̄ede ẹkpụhọde? [my-EF mbụk 17]

15. Nọ mme ntak emi anade Christian edi ntiense. [td-EF 14A]

16. Nso idi akpan n̄kpọ inan̄ oro ẹtịpde ẹsịn ke edidianakiet oro ikọt Jehovah ẹdarade mfịn? [uw-EF p. 8-9 ikp. eki. 8, 9]

17. Ntak emi edide akpan n̄kpọ ndiwewet ediomi ke ini odụkde mbubehe ye ekemmọ andituak ibuot nnọ Jehovah? [Edikot Bible eke urua ke urua; se w95-EF 5/1 p. 30.]

18. Ke adianade ye mme n̄wọrọnda edu Jehovah ẹdide ima, unenikpe, ọniọn̄, ye odudu, nso ke nnyịn ikeme ndikpep nto inem inem edu esie ke Exodus 34:6, Psalm 86:5, ye Utom 10:34, 35? [uw-EF p. 13 ikp. eki. 3]

19. Ke ima ikemen John 14:9, 10 idomo ye Luke 5:12, 13, ntak emi nnyịn ikemede ndibiere nte ke Jehovah enyene esịtmbọm aban̄a ubonowo oro ọbọde ufen-e? [uw-EF p. 25 ikp. eki. 12(1)]

20. Nso ke akpara oro ọkọwọrọde ke akpa ini ke Ukwọ ama okokụre ọwọrọ? [my-EF mbụk 11]

21. Nso ukpepn̄kpọ ke nnyịn ikeme ndikpep nto akpanikọ oro nte ke n̄wan Lot ama ataba uwem esie onyụn̄ akabade itiat inụn̄ ke ini ekefehede ọwọrọ ke Sodom? [my-EF mbụk 15]

22. Ewe edu ke Abraham ekenen̄ede owụt oro akanamde enye enyene udorienyịn̄ oro “Ufan Abasi”? [my-EF mbụk 13]

23. Anie akpan akpan edi ntak ukụt ererimbot? [td-EF 27C]

24. Ke ini Jehovah ọkọdọhọde Jeremiah ete: “Bọ mi cup wine ifụtesịt emi ke ubọk, nyụn̄ da enye nọ kpukpru mme idụt oro ami n̄kọdọn̄de fi utom ke otu mmọ, ete ẹn̄wọn̄,” (Jer. 25:15) nso ke enye eketịn̄ aban̄a? [Edikot Bible eke urua ke urua]

25. Ini ewe ke n̄kpọntịbe oro ẹbụkde ke Jeremiah 52:5-11 akada itie? [Edikot Bible eke urua ke urua; se w88-EF 4/1 p. 14 ikp. eki. 18.]

Mek nnennen ibọrọ ke mme utịn̄ikọ kiet kiet oro ẹtienede mi:

26. Bible edi Ikọ Abasi koro (mme akabade n̄wed ẹkekot enye ntre; mme owo oro enyenede ifịk ẹkewet enye; Abasi ọkọnọ ifịk ifịk ndausụn̄ ke ediwet oro ẹkewetde enye). [uw-EF p. 20 ikp. eki. 2]

27. Edieke afo okotde page Bible (kiet; iba; inan̄) kpukpru usen, afo eyekot enye okụre ke n̄kpọ nte (ọfiọn̄ itiokiet; ọfiọn̄ usụkkiet; isua kiet). [uw-EF p. 24 ikp. eki. 9]

28. Jehovah “akatap” Jeremiah koro Enye (akabian̄ade enye esịn ndikwọrọ etop ubiomikpe; akadade enye ndiyọhọ se enye mîkpekemeke ndinam ke odudu esie; ikadaha nsobo oro Jeremiah eketịn̄de ke prọfesi idi). (Jer. 20:7) [Edikot Bible eke urua ke urua; se w89-EF 5/1 p. 31.]

Dọn̄ ikọ m̀mê ubak udịmikọ ẹyomde man ẹyọhọ mme utịn̄ikọ kiet kiet ẹtienede mi:

29. Ebed-melech akada aban̄a __________________, emi ẹdinyan̄ade ke ______________________ koro mmọ ẹkenamde ufan ẹnyụn̄ ẹn̄wamde _____________________ nditọete Christ. [Edikot Bible eke urua ke urua; se w82-E 10/1 p. 27 ikp. eki. 11.]

30. Okposụkedi ẹtịn̄de ẹban̄a Jesus nte “abasi,” ke John 17:3 enye okokot Jehovah “ata Abasi _________________ ,” ndien ke John 20:17 enye ama etịn̄ aban̄a Jehovah nte “Abasi ______________ ye Abasi _______________.” [uw-EF p. 18 ikp. eki. 12]

Wet mme itien̄wed Abasi ẹtienede mi ẹkekem ye mme utịn̄ikọ ẹwetde mi ke idak:

N̄ke 3:5, 6; Jer. 23:33; 32:9, 10; Eseme 3:44; Edi. 15:3, 4

31. Akpan n̄kpọ anamde ata edidianakiet odu ke utuakibuot edi ndifiọk Jehovah nnyụn̄ ndu uwem ke n̄kemuyo ye ndinen usụn̄ esie. [uw-EF p. 5 ikp. eki. 1]

32. Ofụri usụn̄uwem nnyịn—inamke n̄kpọ m̀mê nnyịn idụn̄ ke m̀mọ̀n̄, inamke n̄kpọ m̀mê nso ke nnyịn inam—ekpenyene ndinọ uyarade nte ke ekikere ye uduakesịt nnyịn ẹdi eke Abasi. [uw-EF p. 10 ikp. eki. 11]

33. Jehovah isikpan̄ke utọn̄ ke akam ndiọi owo. [Edikot Bible eke urua ke urua; se w87-EF 7/15 p. 15.]

34. Ọkpọsọn̄ prọfesi otode Ikọ Abasi ọdọn̄ọ ndodobi ubiereikpe, ọtọtde usọp usọp nsobo Christendom. [Edikot Bible eke urua ke urua; se w94-EF 3/1 p. 12 ikp. eki. 18, 20.]

35. Ke ini odụkde mbubehe ye ekemmọ mme andituak ibuot nnọ Jehovah, ediomi oro ẹwetde-wet ekeme ndikpan mme mfịna ẹmi ẹkemede ndidemede ke ukperedem ini. [Edikot Bible eke urua ke urua; se w95-EF 5/1 p. 30.]