Mme Ntọt

◼ Mme n̄wed ẹnọde ke April ye May: Kpukpru usem—Editobo Enyọn̄-Ukpeme. Magazine ikaba ke ọfiọn̄ ke isua kiet, ₦400. Magazine inikiet ke ọfiọn̄ ke isua kiet m̀mê eke ikaba ke ọfiọn̄ ke ọfiọn̄ itiokiet, ₦200. Ke efakutom oro ẹsinamde utom ndien ndien, ẹkeme n̄ko ndikama ediye uduot ekpri n̄wed ekededi (ibọhọke ndiye uduot n̄kpri n̄wed Education ye School). June: Ifiọk Oro Adade Osịm Nsinsi Uwem. Edieke enyeoro mîdụhe, kama Akakan Owo Oro Akanam Odude Uwem, Mankind’s Search for God, m̀mê n̄wed ekededi oro enyenede page 192. July ye August: Ẹkeme ndikama ekededi ke otu ndiye uduot n̄kpri n̄wed oro ẹnyenede page 32 ẹtienede mi: Dara Uwem ke Isọn̄ ke Nsinsi!, Ke Ini Owo Oro Afo Amade Akpade, Nso Idi Uduak Uwem? Didie ke Afo Ekeme Ndikụt Enye?, Nte Abasi Enen̄ede Ekere Aban̄a Nnyịn?, Nte Afo Ekpenyene Ndinịm Abasi-Ita-ke-Kiet ke Akpanikọ?, “Sese! Mmanam Kpukpru N̄kpọ Ẹdi Mbufa,” Spirit Mme Akpan̄kpa—Nte Mmọ Ẹkeme Ndin̄wam Fi m̀mê Ndinọ Fi Unan? Nte Mmọ Ẹnen̄ede Ẹdu?, ye Ukara Emi Edidade Paradise Edi. Ke ebiet odotde, ẹkeme ndinọ utọ ndiye uduot n̄kpri n̄wed nte Our Problems—Who Will Help Us Solve Them? ye Will There Ever Be a World Without War? TỊM FIỌK: Mme esop oro ẹdiyomde mme n̄wed ubịnikọt oro ẹsiakde ke enyọn̄ emi ẹkpenyene ndinọ eben̄e mmọ ẹdi ke Literature Order Form (S-14) eke ọfiọn̄ ke ọfiọn̄ mmọ efen.

◼ Ke ebiet emi edide se ẹnamde, mbiowo ẹkpenyene ndinam ndutịm man esop abiat ekese ini ke unọ ikọ ntiense mbubịteyo.

◼ Ẹmenam ukpụhọde ke ndutịm aban̄ade kad Pioneer Service Identification. Ọtọn̄ọde kemi ka iso, N̄ka edise aban̄a kad oro ẹkpụhọde ẹnọ mme asiakusụn̄ ẹmi ẹwọrọde-wọrọ, ẹkpụhọde enyịn̄, ẹduọkde kad, m̀mê ẹyomde ukpụhọ utom. Ẹkpenyene ndiduọn̄ọ ukpọk kad ekededi oro ewetn̄wed ekemede ndinyene ke n̄kpọ udọn̄ n̄wed. Ẹdise ẹban̄a ukpụhọ enyịn̄ ye edifiak nnọ utom ke usụn̄ oro ẹsinamde, ewetn̄wed ewetde nnennen ntọt ke edem Congregation Report (S-1) eke ọfiọn̄ oro. Ke oro ebede, N̄ka eyenọ mbufa kad mme asiakusụn̄ ẹsọk esop. Ẹmi ediwak ndisan̄a ye n̄wed ntọt ibatokụk oro N̄ka ọnọde edi ke ọfiọn̄ ke ọfiọn̄. Ẹkpenyene ndinọ ukpụhọde ekededi ẹsọk N̄ka ye unana ubiatini man ikeme ndinam ntọt nnyịn enen ẹnyụn̄ ẹkem ye ntọt eke idahaemi. N̄ko, ke ini asiakusụn̄ etrede utọ utom oro m̀mê ẹbọde ifetutom, ẹkpenyene ndiwet n̄kpọ nyọhọ babru S-206 ẹnyụn̄ ẹnọ ẹsọk N̄ka ye unana ubiatini.

◼ Ke Saturday April 27 ye May 25, ẹyeberi okụre Bethel. Ntre, mbọk ẹkûdi edisan̄a n̄kanade m̀mê ndidi ndimen n̄wed ke mme usenọfiọn̄ ẹmi.