Eyen Ukpepn̄kpọ Ọnọ Uwetn̄kpọ Bible Usenọfiọn̄ En̄wen
Nte Carsten Peter Thiede, owo Germany edide ata ke ukpepn̄kpọ aban̄ade ikpan̄wed, ọdọhọde, ọkpọsọn̄ uyarade odu nte ke ẹkewet mbai ikpan̄wed Gospel Matthew (ẹdiọn̄ọde nte Ikpan̄wed Magdalen) ke akpa isua ikie.
Ke ama ekemen mbai ẹmi (ẹsịnede mme ikpehe Matthew ibuot 26) odomo ye leta mbubehe eke eset oro ẹkekụtde ke Egypt, Thiede ama ọdọhọ ete ke uwetn̄kpọ eke Egypt emi ebiet “Ikpan̄wed Magdalen tutu ekpere ndidi ata ukem—ke nte etiede ke ofụri ofụri ye ke mbiet ye nte ẹwetde mme abisi kiet kiet.” Thiede ye udiana ewetn̄wed oro Matthew D’Ancona ẹberi ke n̄wed mmọ oro Eyewitness to Jesus—Amazing New Manuscript Evidence About the Origin of the Gospels nte ke mbiet ẹmi ẹdude ke uwetn̄kpọ iba oro ẹwụt ẹte ke ẹkewet mmọ ke n̄kpọ nte ukem ini. Ini ewe? Leta mbubehe emi enyene usenọfiọn̄ emi “‘Ke ọyọhọ isua 12 eke Nero Ọbọn̄, Epeiph 30’—emi edide, nte ekemde ye n̄wed usenọfiọn̄ nnyịn, July 24, 66 [E.N.].”
“Edieke usenọfiọn̄ ẹnọde mi enende, enye edi ata n̄wọrọnda,” ntem ke Prọfesọ Philip W. Comfort ekewet ke ibuotikọ oro ẹkemịn̄de ke Tyndale Bulletin, “koro enye enịm uwetn̄kpọ Gospel Matthew ke ukem isua ikie oro ẹkewetde enye.” Enye n̄ko akpanam Ikpan̄wed Magdalen edi mbai Gospel oro ebịghide akan emi odude.
[Ndise ke page 29]
Ikpan̄wed Magdalen, ẹwụt ata ata udomo
[Ebiet Ẹdade N̄kpọ Ẹto]
Ẹbọ unyịme ẹto Etieibuot ye Mme Akamautom Akamba Ufọkn̄wed Magdalen, Oxford