Nte Nnyịn Iyọbọhọ Mme Idaha Ẹtiede Ntem Tutu Amama?

Ebiet ekededi oro nnyịn ikade mfịn, nnyịn imokụt mme ndise nsịn̄ede, en̄wan, ye ekọn̄. Edi idịghe uduak magazine emi ndidian n̄kpọ ke kpukpru ndiọi mbụk oro afo ama ọkọfọfiọk. Utu ke oro, san̄asan̄a nsiondi emi ayanam fi ọfiọk ke nsụhọde n̄kaha akpanikọ iba oro ẹnọde ndọn̄esịt. Akpa, nte ke mme prọfesi eset ke Bible ke akpanikọ ẹma ẹbem iso ẹtịn̄ ekese ẹban̄a ndiọi mbụk oro ẹkpade owo idem ke eyo nnyịn; ọyọhọ iba, nte ke kpa n̄wed prọfesi emi ebem iso etịn̄ aban̄a usen emi mme utọ idaha nte oro ẹwụtde mi ẹdidide n̄kpọ eset. Ekọn̄ idụhe aba. Ediduọk bọmb, editop owo ke ikan̄, bọmb oro ẹbụkde ke isọn̄, m̀mê edinam oyomonsia ididụhe aba. Nditọakpa oro ẹdude ke mfụhọ m̀mê mbon itọkekọn̄ oro mînyeneke ufọkidụn̄ idụhe aba. Ererimbot oro ata emem odude oro osụkde owo esịt. Nte afo akpama ndikụt utọ ini oro? Nnyịn imesịn udọn̄ inọ fi ndidụn̄ọde se Bible enyenede nditịn̄. Afo emekeme ndikụt ekese ndọn̄esịt do akan nte akanam afo ekerede.