Mmọ Ẹdiana ye Otu Nditọete Oro Adianade Kiet

Ekedi ke August 7, 1993, ke Republican Stadium ke Kiev, Ukraine. Se ibede mme andidụk 64,000, ẹma ẹtie ye idotenyịn ẹbet nte ini ekedide edikem. Ekem, ke ndibọrọ mme akpan mbụme iba, ediwak tọsịn owo ẹma ẹbọrọ “Da!” (“Ih!”) Ke usụn̄ emi, mmọ ẹma ẹnam an̄wan̄wa ediyarade mbuọtidem mmọ ndien ekem ẹyarade uyakidem mmọ ẹnọ Jehovah Abasi ke ndina baptism ke kiet ke otu n̄kpọdiọhọ mmọn̄ itiokiet oro ẹdude ke an̄wambre oro.​—⁠Matthew 28:19.

Ntem, ke ọyọhọ usen ita eke Mbono “Ukpepn̄kpọ Abasi” ofụri ererimbot eke Mme Ntiense Jehovah emi, otuowo ẹma ẹkụt n̄wọrọnda n̄kpọntịbe: Owo 7,402 ẹma ẹna baptism, idịghe ndikabade ndi ubak ufọkabasi oro abaharede, edi ndidi ubak esop Christian eke ofụri ererimbot oro adianade kiet.

Edieke edimade ndikpep ekese mban̄a edidianakiet eke ata Christian, mbọk wet Watch Tower, P.M.B. 1090, Benin City, Edo State, mîdịghe nọ ẹsọk nnennen adres oro odude ke page 2.