Fep Edu Iseri!

Ọniọn̄ ọniọn̄ n̄ke Bible kiet ọdọhọ ete: “Anam enyịnusụn̄ esie okon̄ oyom nsobo.” (Mme N̄ke 17:19) Nso ikwan̄a ye enyịnusụn̄ ndikon̄? Ndien nso idi akpan n̄kpọ ke n̄ke emi?

KE ini eset ekedi ọsọ n̄kpọ mme owo ye mbon mbụme ndiwat ke enan̄-mbakara. Inọ ẹma ẹsidụk mme ufọk oro owo mîkpemeke ke obio-in̄wan̄ oro mînyeneke ibibene. Man ẹbiọn̄ọ owo ndiyịp inyene mmọ, ndusụk mme enyeneufọk ẹma ẹbọp ibibene oro enyenede san̄asan̄a inuaotop. Ibibene oro ama esikon̄, edi inuaotop ama esimụhọ. Ke akpanikọ, ndusụk ikọniọn̄ke ikan ikpat ita—omụhọde etieti ọnọ enan̄-mbakara ye andiwat esie ndibe ndụk. Mbon oro mîkanamke enyịnusụn̄ okụre mmọ omụhọ ẹkesio idem ẹnyan ẹnọ mme awat enan̄-mbakara ndiwat ndụk nnyụn̄ mbụme inyene mmọ.

Ke mme okụre ikpọ obio mme enyịnusụn̄ ke ofụri ofụri ẹma ẹsimụhọ ẹnyụn̄ ẹdiọk, ẹtrede ndinọ idiọn̄ọ inyene oro ekemede ndidu ke okụre oro ẹsịnde ibibene ẹkanarede mi. Nte ededi, ke Persia inuaotop oro okon̄de ekedi kiet ke otu idiọn̄ọ ubọn̄, emi ndusụk mme andidu ke idak ukara oro ẹkedomode ndikpebe ye akwa n̄kpọndịk. Owo ekededi oro akanamde inuaotop ufọk esie okon̄ okoyom ẹwo imọ ke ntak oro enye owụtde ke imoforo.

Mme N̄ke 17:19 ke ntem owụt ete ke mbon oro ẹnamde enyịnusụn̄ mmọ okon̄ ẹyom nsobo ke ndimenede idemmọ okon̄ akan se mmọ ẹnen̄erede ẹdi. N̄ke emi ekeme n̄ko nditịn̄ mban̄a inua nte enyịnusụn̄ oro emenerede okon̄ ebe ke ikọ n̄kponinua ye n̄wụtidem. Utọ ikọ oro esidemerede utọk ndien ekeme ke akpatre ndida owo ntan̄idem n̄kosụn̄ọ ke nsobo. Owụt eti ibuot didie ntem, ndien, ndifep edu iseri!

[Ebiet Ẹdade Ndise Ẹto ke page 30]

Picturesque Palestine, Sinai and Egypt, Eboho 1, eke Colonel Wilson (1881)