Afo Udukwe Edikpu

EBE ye n̄wan kiet ke Philippines ẹkeda usen iba ẹsan̄a ẹsịm do. Mmọ ẹkenam isan̄ ke itiat 40, ẹmende n̄kpri nditọ mmọ iba ẹbe mme akai ẹmi etuet ẹyọhọde ye inyan̄ emi ẹma ẹketọ ẹyọhọ ke oyobio edịm. Edi mmọ ẹma ẹbiere nditre nditaba enye.

Iban iba ke Zaire ẹma ẹsan̄a se iwakde ikan itiat 300 ke ukot, ẹbiatde usen 14 ke usụn̄, man ẹdu do. N̄ko ke Zaire, eren kiet oro ọsọn̄de isua 70 ama awat enan̄ukwak esie ke itiat 160 osịm do. Enye ikayakke anyan usụn̄ m̀mê mme mfịna ẹbiọn̄ọ enye. Akpan n̄kpọ ekedi nditre nditaba enye.

M̀mọ̀n̄ ke kpukpru mmọ ẹkeka? Ẹkeka kiet ke otu n̄kponn̄kan mbono Mme Ntiense Jehovah oro ẹketịmde ke idụt mmọ. Ndien inamke n̄kpọ m̀mê isan̄ oro ọkọsọn̄ adan̄a didie, kpukpru mmọ ẹma ẹkụt ẹte ke ukeme oro mmimọ ikesịnde ẹma ẹdot.

Nte afo amanam ndutịm kan̄a ndidụk Mbono District “Mme Ọnọ Un̄wana” eke 1992? Iso-ọfọn, afo udunyeneke ndisan̄a ata anyan usụn̄ ntre nte mme anam-akpanikọ owo ẹmi ẹkesan̄ade man ẹkedụk. Edi idem ọkpọkọm eyenọ fi ndusụk afanikọn̄, nnyịn imeben̄e fi nditre nditaba enye.

Ẹtịm ata eti ye enyene-ufọn ndutịm ukpepn̄kpọ. Edieke afo amade ebuana Christian onyụn̄ enyenede udọn̄ ndikpep nte ẹkemede ndikụt ata emem, se ini iso akamade, m̀mê nte ẹkemede ndinam uduak Abasi ke mfọnn̄kan usụn̄, nnyịn imekeme ndinọ fi ubiọn̄ nte ke afo udukwe edikpu. Ntiense ekededi ke n̄kann̄kụk fo eyesian fi ebiet ye ini emi ẹdinịmde mbono enyeemi edikperede fi akan.