“N̄kpọ Un̄wam Nte Ndausụn̄ ke Uwem Eke Usen ke Usen”

Oro edi se n̄wan kiet otode Toronto, Canada, okokotde mme n̄wed Watch Tower Bible and Tract Society. “Ami mmokop inem ndikot mmọ nnyụn̄ n̄kụt n̄kpọ odude nte ọnọde ata item, inemesịt, onyụn̄ akande kpukpru edide ata n̄kpọ un̄wam nte ndausụn̄ ke uwem eke usen ke usen.”

Enye ama adian do ete: “Ami ndi andikụre n̄wed ke unifesiti, ndien ana ami ke n̄kpaidem nyịme nte ke ami mmekpep ekese efen efen nto mme n̄wed mbufo n̄kan nte otode kpukpru isua ukpepn̄kpọ mi. Mmokop inem n̄wed mbufo oro Ndinam Uwem Ufọk Fo Enem akpan akpan. Idụhe baba n̄wed kiet efen oro odomode ndinyene utọ in̄wan̄în̄wan̄ odudu oro ke uwem mi nte eke mbufo enyenede—mmọ ẹmen̄wam mi akamba akamba; ndien ke ntak emi ami ke akpanikọ mmọkọm mbufo.”

N̄wed oro ẹsiakde ke enyọn̄ emi, Ndinam Uwem Ufọk Fo Enem, ọnọ mme akpan ekikere oro an̄wamde ndikọk mme mfịna onyụn̄ anamde ndọ enyene inemesịt oro Andibot okoyomde enye enyene. Ke oyomde okwo, wet n̄kpọ yọhọ nyụn̄ nọ babru oro etienede mi edi.

Ami n̄kpama ndibọ ọsọn̄ ikpaedem n̄wed oro, Ndinam Uwem Ufọk Fo Enem, emi enyenede page-192. (Wet address idakisọn̄ emi ke oyomde ntọt efen.)