Nte Afo Edi Ndem Ọnọ Idemfo?

Ye unana edidiọn̄ọ mban̄a, ndusụk owo ẹsidi ndem ẹnọ idemmọ. Bible anam an̄wan̄a ke Ephesus 5:5 ete: “Koro mbufo ẹmetịm ẹfiọk emi, ẹte, baba anam use kiet, m̀mê anam mbubiam ido, m̀mê esịn esịt ke n̄kpọ owo, emi edide okpono ndem, inyeneke udeme ke Obio Ubọn̄ Christ ye Abasi.” (Colossae 3:5; men Galatia 5:19-21 domo.) Mme udọn̄ obụkidem ẹkeme ndidi ke ufọt owo ye Abasi. Paul etịn̄ aban̄a n̄kpọ ntre ete ke “idịbi mmọ edi abasi mmọ.” (Philippi 3:18, 19) Ke ikọ efen, mmọ ẹmenyene “abasi” efen ke ẹsiode Jehovah ẹfep, ẹnịmde mme ibụk ibụk udọn̄ obụkidem mmọ akpa. Utọ ido ntre ekeme ndisio owo mfep ke Obio Ubọn̄ Abasi. (1 Corinth 6:9, 10) Eti ntak odu, ndien, ndida ikọ apostle Paul nsịn ke edinam: “Mmọdo, ndima mme ufan mi, ẹfehe ẹkpọn̄ ido ndem.”​—1 Corinth 10:14.